يعطيكم العافية يا اخواتي العزيزات..

قلت اعرض عليكم مشكلة نوم ابني، اذا حدا فيكم يشير علي بشي انا ما عملته وينصحني!!

عبودي، ابن السنة، الى الان نومه واحدة من كبرى المعارك بالنسبة لي!!

بعد الولادة والفترة الاولى انتظم نومه تمام التمام ما شاء الله تبارك الرحمن، لكن لما صار عمره 6 شهور مرض كتير وما عاد يعرف ياكل ولا يشرب ولا حتى يرضع، وصار يصحى كا ساعة بالليل بس في محاولة الرضاعة، وشافاه الله وعافاه الحمد لله لكن للاسف من يومها ونومه متلخبط كتييييييير، جنني!!!

من ناحية مشكلة عدم انتظامه في وقت نومة الليل، ومن ناحية تانية كثرة استيقاظه في الليل!

بيصحى من بكير 8 او 9، بينام 11 الى 12 بعدين بيرجع بينام من 3 الى 4 او 4 الى 5 حسب الوضع وبعدين لما بحاول انيمه الساعة 9 - 10 بالليل بيجنني وما بدو ينام وبيصير يبكي وبس بدو ارجعه للعب!!

مع اني برضعه وبعشيه كويس وبنكون لعبنا وانبسطنا وكل شي ما ادري شو اعمله..

اذا اي وحدة عندها نصيحة او طريقو او اي شي اعمله عشان يناااام بسهووووووولة

حاولي افطميه بالليل بينام أحسن ولما بدك تنيمه اعمليله جو نوم ولعبيه كتير قبل النوم إن شاء الله أكون أفدتك ويارب الأخوات يفيدوك والله يكون معك

حبيبتي كده وقت القيلولة متاخر
حاولي تخليه ينام قيلولة الساعة 12 او 1
وبالليل ينام الساعة 9
ويصحى بدري ممكن على تفطميه عن الرضاعة ليلا
لا تتخلي عن وقت النوم اللي حددتيه ابدا
اذا صحي من النوم اي وقت لا تكشري في وجهه بالعكس اضحكي وابتسمي وقولي له كلمه حلوة
وقبل النوم برضه اعملي له نظام يعني مثلا يغسل اسنانه ويلبس ملابس النوم ويسمع نشيد او قصة وينام في مكان محدد واطفي النور
ربنا يبارك لك فيه ويحميه يا رب

الله يعطيكم العافية اخواتي وشكرا على ردودكم،، بس كيف يعني افطمه بالليل؟ اذا صحي شو اعملله؟ انا حاولت بس يصحى اعرض عليه يشرب ماء بس ما بيقبل وبيصير بيبكي بيبكي الى ان ارضعه ولو 5 دقايق المهم يرضع وبيرجع بينام يعني مو جوع بس هيك عادة او ما بعرف..

ومشكلة القيلولة هادي متاخر والله مشكلة لانو فعلا متل ما قالت اختي ام سيف لما يصحى مثلا 3 وما يرجع ينام، بالمساء عالـ 9 يكون خلص طفى بس بدو ينام بس المشكلة انو لازم اكون طول الوقت معو تدليع ولعب وشوف الصورة وشوف الحركة اااااااااه دماار!! لانو مو دايما انا فاضية.. شغل البيت بعطي دروس وحااااالة..

واذا حصل ونام بدري عالـ 9 يعني، لما يصحى يرضع بالـ5 خلص بيصحح وبدو يلعب بالرغم من انو احنا نايمين والجو نوم وووو...

على كل حال بحاول قد ما اقدر اغير مواعيد نومه عسى يتعود،، دعواتكم وجزاكم الله خيرا

يا اخواتي ارجوكم ساعدوني!!

انا عمبقرا في دورات ضبط النفس ومواضيع التحكم بالعصبية،، بس كلو عمبفقدو من قلة نوم ابني وصعوبة نومه!!

انا حاولت اعمل بنصائحكم على مدى الايام الثلاث اللي مضت،،
طبعا اليوم كلو عذاب ولازم ابقى جنبه الهيه والعبه لانو بيتم يزن عالنوم - اذا بدي اضبطله انو نومة وحدة بين الـ 1-3 فمعناه لانوم الصبح ولا نوم بعدين..

بينام بدري ايه ممكن عالـ 9 بس بيصحى من الـ 5 ونص وخلاص خلص النوم يلا عاللعب!!
امس في الليل بعد معارك نهارية فظيعة لانو صحي بالـ2 ومافي نوم بعدها ويا لطيف نعس بالـ 5 وانا اصبر فيه اصبر فيه الى ان نام بالـ 8:30 وانا فرحت عليه، انجاز!! صحي بالـ 12 ليلا وانا يا دوب كنت غفيت الى الـ 3 صباحا لحتى رجع نام تخيلواا!! ومن الـ 7:30 صحي: يلا نلعب!!

يا ربي تساعدني انا كتير تعبت اليوم كلو انا مو متفاعلة معو ابدا وكتير منزعجة واعصب على اتفه سبب ارجوكم افيدوني