السلام عليكم
كيف حالكم جميعا

انا دايما بحب اخد رأيكم في المنتدي دا وفعلا ردودكم دايما مفيده
انا اليوم عندي مواضيع كتير حابه اسألكم فيها

اولا انا ام عندي بنت ما شاء الله عندها 3 سنين ونص وولد عمره الحين سنه و5 شهور

اولا نبدأ بالبنت
1-هيه بتروح المدرسه انا بديها معلقه عسل الصبح وبحاول اكلها بيضه طبعا بتتعبني جدا بس بحاول بعملها بزيت الزيتون وبديها دوا فيتامين قبل ما تنزل هل كدا كفايه ولا فيه حاجه تانيه ممكن اديهالها عشان تكون صحتها كويسه

2-هيه عندها كحه بقالها كدا قربت علي شهر فيها بلغم بس خف عن الاول هيه اخدت ادويه كحه كتير وادويه حساسيه عشان الكحه مش عارفه انا دلوقتي اديها ايه عشان الكحه تروح ادتها يانسون فتره قعدت تكح كتير مش عارفه اتصرف ازاي مع الحكه

3-بالنسبه للاكل في المدرسه يارت لو غندكو افكار لانها كتير مش بتاكل اكلها في المدرسه ياريت تقلولي اعملها سندوتشات ايه

4-احيانا بتكون مبسوطه لما ترجع من المدرسه بس ساعات بتعيط لانها بتكون خايفه من حاجه اخر مره بتعيط وتقولي عوزاكي مش عاوزه اروح سنه اولي فيه حقنه كلمت المدرسه اسألها قالتلي مفيش حاجه دي البنت كويسه وبقولها انتي شاطره مش عارفه جابت الكلام ده منين

5-هيه بتنام معايا ولو صحيت مش لاقتني ممكن تعيط او ممكن تنادي عليا من غير غياط وتقولي تعالي نامي جمبي عاوزه اعودها تنام لوحدها علي سرريها مش عارفه اعمل ايه

6-عاوزه اجيب ليها العاب لسن 3 ونص تنمي ذكائها ياريت تدوني افكار

اخويها بقي عمره 1 و5شهور

1-موضوع الكحه اللي فيها البلغم نفس قصه اخته مش عارفه عاوزه حل للموضوع

2-عاوزه اكلات لسنه تكون حلوه ومغذيه وهو يحبها

3-ياريت لو اكلات فيها بيض لانو مش بياكل البيض حاليا

4-الايام دي بدأ يقلع بنطلونه وطبعا يلعب في البامبرز وكل شويه البسه البنطلون وممن اضربه احيانا عشان يلبسه هل دا لانو زهق من البامبرز ولا ايه

5-عاوزه برضه افكار لالعاب لسنه عشان هوه بدأ يتكلم شويه ما شاء الله عاوزه انمي الموضوع دا عندو

6-موضوع الرضاعه دا تاعبني لانو كل ما يشوفني عاوز يرضع كل ما امسكه يقوم يقعد عشان يرضع مش بيرضي يقعد جمبي حتي اول لما امسكه يكون عاوز وغير كدا النوم مش بينام من غير رضاعه بضطر ارضعه وانا نايمه وطبعا هوه اتعود انا عاوزه اقلله الموضوع دا عشان لما ابدأ بالفطام

7-اعمل ايه معاه لما يعمل غلط لانو احيانا بيكون عارف انو بيعمل غلط وبرضه بيستمر

وينكم ياجماعه

اسئلتك كتير يا قمر
انا كل شوية كده هدخل ارد على حاجة منهم

بالنسبة للبلغم كان فى اخت كاتبة موضوع و قالت عصير الجوافة مفيد جداااااااا و فعلا انا جربته و هو ممتاز

بالنسبة لبنتك خايفة من المدرسة
قوليلى الاول هى بتروح ازاى و بترجع ازاى
يعنى بتركب الباص و لا انتوا بتوصلوها؟

بالنسبة للاعاب
بتهيألى انتى فى مصر
فى محل اسمه edu fun فى مكرم عبيد و فى ف 6 أكتوبر عندهم العاب ممتازة و مفيدة

هيه بنتي بتروح بالباص بس طبعا لما بترجع من المدرسه بتشوفني مستنياها انا واخوها وباباها بيكون رجع من الشغل فابحس انها بتضايق انها بتلاقينا كلنا مع بعض وهيه مش معانا لاننا مرتبطين ببعض اوي ممكن دا بيأثر وخصوصا اننا خارج مصر

موضوع الكحة " ف دوا كده ف صيدلية " اسمه جوافه في منه نقط و ف شراب ده اعشاب ع بعضها طبيعي شمر ع يانسون ع جوافة هاتية و اقراء النشرة و شوفي
اللعب طالما ابنك ماشاء الله بدأ يتكلم خلاص هاتي له قصص او كتاب فيه صور حيوانات و كده بدأي احكي له حكايات كده تنمي اللغة عنده
كمان ف لعبة زي لاب توب كده يدوس ع زارر ينطق يعني لو ضغط ع حرف أ ينطق ارنب همكدا بعتقد حتسليه كمان تنمي اللغة

بالنسبة للكحة اديها معلقتين من لبان الدكر المنقوع في كوب من الماء من المساء الى الصبح و يوضع الباقي في الثلاجة لليوم الثانى و لا تقلقي ان كانت تكح بعدها لان البلغم يخرج من الصدر عن طريق الكحة ثم بعدها ملعقة عسل نحل و بعدها مشروب دافيء مغلي ورق الجوافة او الينسون او النعناع و السوال الدافة اثناء النهار و بالشفاء العاجل انشاء الله