السلام عليكم ورحمة الله وبركاته

هدخل فى الموضوع على طول

أنا بنتى الحمد لله طبيعية من يوم متولدت لحد موصلت لعشر شهور وحسينا إنها مش إجتماعية خالص حتى أقرب الناس لينا متعودتش عليهم هى عندها دلوقتى سنة وشهر مش متعودة على حد غيرى أنا وأبوها لدرجة إنى مش بقدر أسيبها مع حد جدها أو ستها أو عمتها أكتر من نص ساعة ويمكن كمان بيبقوا مشغلين ليها التيليفزيون علشان تسكت.. بس ساعات بيكون مزاجها وحش بسبب التسنين لأنها بدأت تسنن من وهى عندها 5 شهور ودلوقتى فى كمان دورس بتطلعلها بس هى متأخرة فى المشى
وبحس إنها من النوع إللى بتمل بسرعة جدا ومزاجها متقلب ونوبات غضبها كتير لدرجة إنها ساعات أنا مش بعرف أسكتها غير بالرضاعة أو التيليفزيون .. وبلاحظ إنها لما بتتفرج على التيليفزيون بتقعد تضحك للأشخاص وبتصقف وبتنفاعل مع الحاجات إللى بتحبها
هى كانت ماشية طبيعى من ناحية الضحك والمناغاة وبتعرف تقول بابا وماما بس بطلت تقولهم كتير زى زمان بس بتقعد تقول حروف متقطعة كدة وخلاص مش كلمات يعنى .. ولسة مقالتش ولا كلمة جديدة .. بس بتفهمنى لما بقولها هاتى حضن أو سقفى أو إعملى باى . وبتحب إنى أبوسها وأحضنها وساعات تضايق

الأهم من ده كله هو الحاجات إللى قلقانى فعلا

بتتوتر جدا فى بيوت الناس التانية وبيبقى مزاجها وحش بس هى بتحب الخروج للشارع
مش بتسكت وتتأقلم مع الناس بسرعة وأوقات تانية بتكون هادية ومتأقلمة ومبسوطة بس طبعا الأوقات الأقل
مش بتمسك الأكل بإيديها وترفعه لفمها ممكن تحط اللعب فى فمها بس الأكل ترميه
ساعات مش بتستجيب للنداء عليها خالص وكأنها مش شيفانى بس بحس إن ممكن يكون حاجة لافتة نظرها لأنها أوقات كتير بتسجيب وبترفع إيدها كمان علشان أشيلها
بس أنا ملاحظة إن لما حد بيمسك إيدها بتسحبها على طول وبتضايق
لما بشتريلها لعبة جديدة بترفضها الأول وبعد فترة بتتعود عليها مع إنها بتحب تلعب بالأشياء إللى بنستعملها زى الريموت والموبايل والتيليفون والمعلقة وازازة الماية

أكتررررررررررر حااااااااااااااااجة قلقانى بقى
هى إنها ساعات لما بتكون قاعدة لوحدها بتقعد تحرك إيديها كتير وتبص عليها فترات طويلة أو تخبط بإيدها على دماغها أو لما بتقعد على كرسى أو كنبة بتقعد تخبط ظهرها ودماغها فى ظهر الكرسى كتير
يمكن كل إللى أنا قولته فى الأول ساعات بلاقيله تفسير عندى بس الحركات إللى بتعملها دى هى أكتر حاجة قلقانى ومش لاقيلها تفسير هى مش بتعملها كل يوم بس بتعملها كير
أنا عارفة إنى طولت عليكم جدااااااااا
بس كل إللى أنا طلبها ياريت إللى عندهم أطفال فى سن بنتى أو أكبر حتى بس فاكرين تصرفاتهم فى السن ده يقولولى هل ممكن يكون ده طبيعى أو أطفالهم ممكن يعملوا كدة ولا ده فعلا مش طبيعى

أنا قريت كتير عن التوحد وسماته وتشخيصه بس برده موصلتش لحل فى حاجات قلقتنى وحاجات طمنتنى يعنى برده مستقرتش على حاجة
كل إللى أنا محتاجاه أو هيفيدنى أكتر أكيد خبرة الأمهات لأنى لسة دى أول طفلة ليا ومعنديش خبرة فى تصرفاتهم فى السن ده
ياااااارييييييييييييييييييييييييت تجوبونى بسرعة و بصراحة علشان بس أحاول آخد قرار فى الموضوع ده وجزااااكم الله كل خير

تفائلى الخير يا ام حبيبة

ان شاء الله مفيهاش الا العافيه

وديها لدكتور تخاطب واطمنى

اما بالنسبه للتوحد فابن خالى زوجى عنده توحد والعافيه للجميع

من وهو عنده سنتين محدش كان واخد باله

بس تصرفاته كانت غريبه جدا ومكنش زى الاطفال ولا بيندمج مع حد

وكان ديما يتفرج على التلفزيون ويهز راسه بطريقه عجيبه ويحب يبص على الحاجات اللى بتتهز او بتلف زى المروحه

واللى اكتشف ان حركاته غير طبيعيه والدتى

وقالت لمامته لازم تشوفيه لان الحركات دى مش طبيعيه

ودته لدكاترة تخاطب وهما اللى فسروا الحاله

فنصيحة منى متسمعيش لحد يقولك ان اللى بتشوفيه ده طبيعى

انتى قلبك ادرى ببنتك

روحى واطمنى وهتكسبى مش هتخسرى

وعلى الله الخير كله

ان شاء الله مفيهاش اى شىء بس الاحتياط واااجب

جزاكى الله كل خير يا أختى وكلامك صح

بس الحمد لله أنا قريت فى كتاب كلام طمنى بنسبة 90 فى المية الكتاب بيقول

أعراض التوحد قبل سن 18 شهر
رفض الرضاعة من الثديين وهى علامة رفض التواصل مع الأم ( والحمد لله بنتى مش بتحب أكتر من الرضاعة ما شاء الله )
لا يمد يديه عندما نريد حمله ولا يتكيف الجسم مع اليدين اللتين تحمله ويصبح كالدميه ( وده الحمد لله مش موجود عندها )
غياب إبتسامة الثلاث شهور وخوف الثمانية شهور من الغرباء ( وده كمان طبيعى فى بنتى الحمد لله )
غياب اللعب يعنى الطفل مش بيعرف يلعب باللعب ( وده كمان الحمد لله مش موجود )
حالات متكررة من القلق الحاد والبكاء بدون سبب ( بصراحة بنتى بتعملها كتير بس بتسكت مجرد ما بشيلها أو برضعها فغالبا السبب بيكون الملل أو الرغبة فى الرضاعة بس المشكلة إنها بتمل بسرعة)
الإهتمام بالأشياء أكتر من الأشخاص ( هى أحيانا بتعمل كدة بس لما بتكون مشغولة بلعبة أو بالتلفزيون هى عامة مش إجتماعية أوى بس مش عارفة ممكن يكون السبب أصلا إننا خروجنا قليل وأغب الوقت أنا وهى لوحدنا فى البيت )
القيام بالحركات الجسدية المتكررة مثل هز الجسم كله أو جزء منه أو الدوران المتكرر حول النفس أو تدوير الأشياء (هى مش بتعمل كل ده بس ليها بعض الحركات بس ساعات بتمر أيام ومش بتعملها بس بحس إنها بتكون زهقاه لأن بعدها بتعيط

بصراحة الكلام ده طمنى بنسبة كبيرة بس برده أنا مش عايزة أهمل الموضوع هحاول برده أشوف دكتور لأن ممكن تكون حركاتها دى حالة نفسية بسبب الفرجة عى التيليفزيون أو عدم الأختلاط بالناس كتير الله أعلم أنا حبيت أكتب الكلام ده كله علشان الكل يسفيد

انا يا اختي ماعنديش اطفال بس اانا انصحك تروحي بيها للطبيب انت مش خاسرة ولا حاجة بل كاسبة سلامة بنتك ولو لاسامح الله فيها حاجة تتعالج بكري افضل وكمان تتطمني لان الامراض والاعراض بتختلف من شخص لاخر وكل واحد بيقولك الي شافه هو مش الي شافوه عند بنتك واهو تتطمني افضل
ويارب تطلع سالمة وتشوفيها عروسة في الكوشة يارب

تحياتي

زي ما اشارو عليكي الاخوات طالما قلقانه من شيء روحي لطبيب
عشان تطمني لانك حتفضلي في تساؤل مستمر
ربنا يطمنك ان شاء الله
ويحفظهالك من كل سؤ

السلام عليكم اختى
ان شاء الله لا تقلقى مايكون فيها شئ اعتقد والله اعلم ان اللى قلتيه كله طبيعى بس الاطمئنان مفيش منه مشكله فعلا بس على فكره من كتر ماقريت فى موضوع التوحد ده انا كمان بقيت احط كل حركه لابنى بيعملها فى بالى وقلقنى جدا بس كلامك انتى طمنى يعنى باذن الله اطمنى انتى كمان انا ابنى 8 شهور بس تخيلى قلقانه من دلوقتى لكن انا عندى ثقه فى الله انه سليم ومفهوش حاجه باذنه تعالى
بس كنت عايزخ استفسر منك على نقطه يااختى
غياب إبتسامة الثلاث شهور وخوف الثمانية شهور من الغرباء ( وده كمان طبيعى فى بنتى الحمد لله )


هى دى معناها ايه انه يكون فى خوف من العرباء فى العمر ده ولا ميكونش؟

بصى يا حبيبتى انتى شكلك من النوع القلوق زيى يعنى بنقلق بسرعة
انا بنصحك تسالى دكتور اطفال بس اوعىىىىىىىىىىىىىىىى تروحى لدكتور تخاطب قبل ماتتم سنتين
بجد لانهم بيبقوا عايزين يعملوا شغل و جلسات و يكسبوا و الطفل اللى قبل سنتين مش بيكون لسا مستجيب و لا لاختبارات و لا جلسات

ادعى لها كتير و اسالى دكتور و داوو مرضاكم بالصدقة و ربنا يطمنك عليها و يطمنى على ياسين
يارب ابعد الشر و المرض عن اطفالنا و اطفال المسلمين اجمعين