السلام عليكم


انا عندي بنتي نور عمرها الحين ما شاء الله سنتين وتسع شهور يعني يتم ان شاء الله 3 سنين شهر 4 اللي جاي فكرت اني اوديها حضانه عشان تلعب وتطلع الطاقه اللي عندها بما اننا مش بنخرج كتير واحنا عايشين بالشارقه المهم اول يوم عدي بس من تاني يوم رجعتلي باله نفسها من كتر ماهيه تعبانه وهيه في الباص تقريبا مقدرتش تقول انها عاوزه حمام ومن اليوم دا نامت وباليل رجعت وتاني يوم مودتهاش الحضانه بس برضه رجعت تاني في نفس الوقت باليل وتاني ليله سخنت شويه وفي الليله التالته في نفس الوقت برضه رجعت لتالت مره فقررت اني اوديها للدكتور كشف عليها وقالي انو احتقان في الزور عملها الموضوع دا وكتبلها علي داو مضاد ودا مهدئ عشان تنام باليل ودلوقتي يمكن احسن بس الاكل مش بتاكل وبقت عاوزه تنام بدري دا جديد عليها مش عارفه دا من ايه مع اني مش ادتلها دوا المهدئ لاني مش لقيته في الصيدليه وهل انا ظلمتها لما وديتها الحضانه هيه ليها اخ اصغر منها عندو 7 شهور مش عارفه هيه دلوقتي كل شويه تقولي انا نونه وانا احاول اوضحلها انها كبيره بس مش عارفه دا دلع ولا ايه بالظبط افيدوني انا بحب ردودكم هنا في المنتدي وكل تكون عندي مشكله احب احكيهالكم لاني معنديش اخوات بنات بحس انكم اخواتي وجزاكم الله الف خير

سلام عليكم
انا شايفة يا مى ان بنتك ماشاءالله علهيها كبيرة
وديها بس اتاكدى من نظافة المكان هناك
واكدى على الميس انها توديها الحمام مثلا كل ساعة وعلمى البنت انها تقول عايزة اروح اعمل بيبي
الغيرة طبيعية جدا ولما تقول لك انها نونة
وريلها صورها بالتدريج من وهى نونة لحد دلوئتى هتفهم انها كبرت وقولى لها اخوكي بكرة يبقي قدك
وهاتي من على النت صور ولاد كبار شوية وكانه هيبقي اخوها لما يكبر

اختى مى انا ابنى بنفس عمر بنتك بس هايتم ال3 ان شاء الله فى3 وكنت عاوزة اوديه حضانه قولت استنى لغايه لما الشتا يخلص عشان مايتعبش لاقدر الله وانا قلوقه جداا مش عارفه ازاى اسيبه فى مكان وامشى ده مش بيفارقنى لحظه مش عارفه اعمل ايه بجد

انا وديت بنتى الحضانه وهى عندها 3سنين ونصف وكنت معلمها ان تقول للمدرسه بتعتها ان تدخل الحمام ومحبباها ان تروح للحضانه فى الاول لحد ما هى قالت ان تروح الحضانه فى الاول لما كنت بوديها اعدت تعيط وبعد اسبوعين بقيت تروح الحضاضه لوحدها علشان الحضانه جنب البيت على طول وانا كنت برقابها

هي برضه لسه صغيره بس مش دايما تقوليلها انتي كبيره انتي كبيره هي بتشوف اخوها بيتدلل وبتغير وتقول انا نونه وجايز بتعملها علي نفسها لهذا السبب دايما حسسيها ان الكبار كممان في حاجات بتميزهم عن الصغيرين يعني مثلا انتي هتيخرجي معايا عشان انتي كبيره وشاتره ونضيفه ومش هناخده عشان صغير هاتيله لعب مناسبه لسنها .......راجعالك تاني

لازم طبعا فالحضانه يودوها الحمام
دي مسؤليتهم
كمان المفروض يكون في هدوم ليها فالحضانه كغيار علشان لو حصل حلجه غصب عنهم يغيرلها
موضوع الاكل طبيعي لان زورها ملتهب فملهاش نفس ومتقدرش تلعب
النوم لانها تعبانه كمان ادويه الكحه والالتهاب بتبقى فيها ماده بتنيم
انا رايي تتكلمي مع مديرة الحضانه ولو لقيتيها مش مهتمه شوفي حضانه تانيه
معلش الفترة دي صعبه عليها علشان الغيرة بس لازم تستحملي شويه
هيه ممكن تقعد اسبوعين تعيط وتقلك مش عايزة بس وديها معلش تعالي على قلبك شويه
لان ده فمصلحتها وهيه لازم تتعود
وحاولي متخليهاش تغيب علشان تتعود
ربنا معاك يارب