السلام عليكم ورحمة الله وبركاته
مش عارفه والله انا قريت الموضوع بس مش عايزه افتي
بس تقريبا هوا لو عندو 7 شهور او حتى سنه ممكن يكون التسنين تعبو خللي الدكتور يشوفو وقوليلو على اللي بيعملو هوا ان شاء الله تسنين مش حاجه وحشه بعد الشر
وحاولي تلاعبيه والفتي انتباهو بلعبه جديده ليها موسيقا هاديه او شوخشيخه او الكتاكيت اللي بتعمليها بالزنبلك وسيبيهالو على الارض العبي معاه
لان برضو الطفل في السن دا بيكون محتاج لامه بطريقه قويه ومش عايزها تغيب عنو ولو ثانيه بس مش بيعرف يعبر
ولو في اي حاجه مضايقاكي وبيبان عليكي هوا اول واحد بيحس لانو بيرضع منك وبيحب حضنك ولو زعلانه من حاجه او بتمري باي مشكله لا قدر الله ربنا يبعد عنك كل شر بعد الشر دا بينعكس عليه برضو وعلى نومو لانو اكتر واحد بيحس بيكي وعايز حضنك وميعرفش يعبر حتى لو حد ضايقو او عكسو تلاقيه مش عارف يعبر فدا بينعكس على نومو وتلاقيه بيصحا بسرعه ومش بينام كويس وكمان حتلاقيه ممكن يخبطك براسو او يخربشك
بس ان شاء الله والله دي حاجات بسيطه روحي للدكتور حيطمنك والاغلب تسنين
وخللي بالك منو كويس انو ميخبطش راسو لان دا اهم جزء في جسمو
ربنا يحميه ويحمي لكل أم طفلها
انا عملت سرش ومتوصلتش غير لكدا
يا رب اكون افدتك

متشكرة جدا يا ندى على تعبك كتر خيرك هو صح كل دة بيعملوا افتكر دا الاحتمال الاكبر ربنا يهدية يا رب
وربنا يقومك بالسلامة وتفرحى بالبيبيز

متخفيش يا لولو دا من التسنين لأنو إبني أنا كمان بيعمل كده و هو نايم و بيبكي سألت الدكتور قالي ده عادي لأنه في مرحلة التسنين ودي أصعب مرحلة بتتعبهم أوي وبتعمل ألم في الرأس وهم بيحاولو يخففوه بالحركة دي

ياااا رب يخليلك ملك و يوسف و تفرحي بيهم

متشكرة اوى ام ريان طمنتينى لانى النهاردة كمان بيرزعها جامد اوى
ربنا معاهم واضح ان الالم فظيع

كيفك يا لولو و شخبار ملك و يوسف.
و ما تخافي يا اختي لأنه الموضوع عادي جدا في المرحلة هادي متل ما قالو لك البنات الله يجزاهم خير
أنا بنتي بعد بتسنن الحين و على طول عصبية و بتبكي و احيانا كتير ما تبغى ترضع و كل ما تمسك شي بايدها تبغى تعضه و الدكتورة نصحتني أنه ما اخليها تعض باشياء صلبة لانه ممكن هدا الشي يضر باللثة و بشكل الأسنان بالمستقبل.

أنا عانيت زيك وأكثر منك كمان ابني كان يخبط راسه في الأرض
وسألت وحده وقالتلي كل ما يعمل كده احضنيه وبعد فترة بطل يعمل كده