السلام عليكم
مشكلتي او هي مش مشكلة بمعني اصح’بس حاجة قلقاني
ابني الله يبارك لي فيه’ويبارك لكل واحدة في اولادها وبناتها’ عندو دلوقتي حوالي السنتين’ هو لما بيكون في البيت معانا بس’يعني اللي يعرفهم ومتعود عليهم’حتى اخواتي واولادهم لما ييجو عندنا’بيلعب معاهم وبيكون عادي وبيتصرف زي ما لو كان معانا بس’انما المشكلة انو لما بيشوف حد غريب عمرو ما شافو بيبقى حاجة ثانية خالص’ مثلا’ زي اول البارح جات عندي صاحبتي وعاها بنتها في سن ابني تقريبا’ البنت لما شافتنا كان بالنسبة لها حاجة عادية وباستنا وقعدت تتنطط في البيت وتلعب وتجري كانها في بيتهم’انما ابني عكسها خالص’شافهم ’خاف وقال لي شيليني’وقعدت بيه شايلاه وساكت وكانو مكسوف وحتى لما مثلا البنت تاخذ لو لعبة بتاعتو وهو عايزها بيقعد يعيط ويقول لي ماما خذت لعبتي هاتيها لي’وانا الحتة دي بالذات مضايقاني قويلانو ولد مش بنت’ فمش عارفة دي حاجة عادية وحتفوت مع الوقت’ولا ده طبعه اللي بيتشكل بيه؟؟ ارجو كم ردوا علي وشكرا لكم.

ا هلا اختى انتى شكلك كده من مصر انا كمان مصريه بس عايشه فى الامارات انا بيتهيألى ان طفلك طبيعي انا بنت خالى كده لما تخرج عند حد تقعد تعيط علطول وتخاف بس انا اعتقد ان ممكن علاج الموضوع ده انك توديه حضانه لوحده لمده اسبوعين مثلا حتى لو انتى مش تتشتغلى كده حتخليه يحتك بأطفال فى سنه ويتعامل وحده ومسأله انه عايز اللى فى ايد طفله غيره معظم الاطفال فى السن ده بيكونوا شايفين ان كل حاجه ملكه يعنى ممكن ياخد اللى فى ايد غيره بس مايديش حد حاجته جربي طريقة الحضانه دي بس هيه حتكون عايزه انك تجمدي قلبك شويه ممكن كمان توديه نادي وتخليه ينطلق فى مكان واسع ويشوف اطفال بيلعبوا ويجروا هوه كمان حيعمل زيهم وبعدين يا ستى تبعتي تقولى ابنى بقا شقى اتصرف معاه ازاى ؟؟ هههههههه انا بهزر معاكى طبعا اسمحيلي

وردي عليه

وربنا معاكى

شكرا يا اختي شجون الليل على ردك لي,
والله فكرت كثير قبل كده اني اخذو حضانة زي ما حضرتك قلت’عشان يحتك مع الولاد ’بس في نفس الوقت صعبان علي اوديه الحضانة من دلوقتي
هو طبيعي اه’بس المشكلة اني مش عايزاه يفضل خجول كده’ بنت صاحبتي اللي بقول لك لما بتاخد لعبة بتاعتو’ هو بيبقى عايز اللعبة بس مبيقدرش يروح ياخدها منها او يضربها زي ما بتعمل هي مثلا’ بيقعد يعيط وبس’وماما هاتي لعبتي
بس اتمنى انو ان شاء الله يكبر ويتغير منو الطبع الخجول ده ويبقى راجل جدع وحمش زي ابوه ان شاء الله يا رب
اما عن سؤالك لي اختي لو انا مصرية’فانا مصرية ومغربية الاصل اني مغربية’بس متزوجة من مصري زي القمر’وجايبة منو امور صغير’الاثنين خلوني احب مصر زي بلدي المغرب’ بس انا دلوقتي في المغرب لظروف خارجة عن ارادتنا وادعي لي وادعوا لي يا مشتركات لك’ادعو لي ان ربنا يجمع شملنا انا وزوجي وابننا عن قريب ان شاء الله يا رب.
انتي يا شجون الليل من فين في مصر؟ وعايشة في الامارات عشان شغل ولا متزوجة هناك؟

اخيتى انا لي نصيحة مجرد راي بس

انك تخرجيه كل ما تكونو فاضيين مثلا تتفقى مع اخواتك انكو تروحو مكان نادى او جنينة وتشوفي اطفال قرايبكو ولو طفلين كده يخرج وتخليه يلعب ادامك بس حاولى ماتعطيه اوامر كتير لانى قريت مقال ان الام هى اللى تجعل الطفل خجول بكثرة مراقبتها يعنى ما تفضلي مراقباه وحاسب تقع وحاسب كزا لا ازا فعلا حايقع تحاولى تخليهم يلعبو في حتة مامونة من مخاطر يعنى لو وقع مش هايجراله حاجة تحاولى بئة يلعب مع الناس كدة وعلميه التعاون يعنى هو معاه لعبة وطفلة اللى معاه معاها وحدة ويبدلو سوا او يلعبو مع بعض هو شوية وهى شوية

بس براحة من غير زعل

او توديه حضانة ممكن مثلا لو حاسة انو صغير تشتركى نص شهر يعنى يوم معاكى ويوم في الحضانة

للرفع لعيونك

اختى ربنا يجمع شمل انت وزوجك وابنك وتعيشوا فى سعاده انا يا ستى مصريه اتولدت فى الامارات وكنا بننزل مصر فى الصيف بس وبعدين لما خلصت ثانوي نزلت مصر علشان الجامعه وبعدين اتجوزت مصري وجيت هنا علشان شغله بس اهلى كلهم فى مصر دلوقتى من من طقه جنب اسكندريه على فكره انا عندي بنوته اصغر من ابنك بكام شهر بس

تمنياتى ربنا يلم شملك مع جوزك وتبقى طمنيني

يمنع استخدام العناوين التي لاتدل على محتوى الموضوع مثل: ساعدوني انقذوني .. ادخلو ......إلخ.


راجعي قوانين الركن : http://www.lakii.com/vb/showthread.php?t=452090