قبل يومين تقريبا عملت للأولاد تغييرات في غرفتهم..
وطبعتلهم من النت كم صوره حله للتلوين كنوع من التجديد- لأنهم طفشوا من قصص ودفاتر التلوين اللي عندهم-وبعد مالونوها علقتها في غرفتهم بطريقه عجبتهم..
وسويتلهم حلى يحبوه..
وجلست معاهم أحكيلهم وأسمعهم...

طبعا الأولاد انبسطوا ..وولدي الكبيرجا يقولي ((ماما انت اليوم مره عجبتينا..........))وصار يعدد الأشياء اللي عملتها لهم وأنا أهز راسي ومبسوطه لأنه مبسوط ولأنه صار يستخدم طريقتي في الثناء على التصرفات اللي تعجبني عشان أعززها...
المهم في النهايه قال ((نفسي أسويلك حفلهوكمان ..-وطبعا أنا زادت ابتسامتي وتخيلوا بعدها ايش قال...


ونزوج بابا))- طبعا أناذهلت فتحت فمي وفرصعت عيوني ونطيت فيه تزوج بابا ليه هذي مكافأتي
لكن صراحه حزنت عليه من ردت فعلي لأنه مسكين تفاجا وبكى

ولما حكيت لصديقتي عن الموقف قالت لي أنا ولدي أحسن من ولدك
يقولي((يا ماما تزوجي عشان تجيبيلنا أخوان كثير))
وطبعا أبوه عصب عليه وهي تضحك لأنه حس بالغيره..

في وحده مرعليها زي هذي المواقف...

لكن يابنات ليه غالبا الرجل من صغره يكافئ المرأه بصدمه

هاهاها شقاوة عيال ربنا يخليهم لك

شكرا يا ولاء على مرورك
وين الأمهات يتحفونا بمواقف لأولادهم فاجأتهم؟؟

عن جد هذي المكافاءللاب 100%, معليش بكره ذكريه فيها لم يكبر الله يخليلكم هو.

هههههههههههههههه

ماشاءالله عليه ولدك الله يحفظه ويحميه
مكافأه ما كانت على البال
تلاقي ابوه مبسوط

MAMA 2010
تسلمي حبيبتي على مرورك ، انا لو اكتب مواقفهم عشان اذكرهم فيها احتاج مجلدات

ام يوسف
مشكوره على مرورك، فعلا ابوه امبسط وصار يضحك