بسم الله الرحمن الرحيم
شو رأيكم نتحدث ونفش خلقنا شوي ما حد حيخسر شي بس ممكن نستفيد الخبره منكم
الاولاد الله يحميهم وما يضرهم ويخليهم آمين يا رب العالمين
الاجازه على الابواب وترتيب البيت زاح مع رواح المدرسهههههههههههههههه
طبعا الاولاد بفكرهم ياخدو راحتهم وان شاء الله ما شي يرد
بس لو كانو أولادك من النوع اللي بيرمي الالعاب والملابس على الارض شو بتعملي
يلا مين أول وحده زهقانه ترد علي
شوفي الصوره كيف لو كانت غرفة ابنك او أولادك هيك شو بتعملي














حرام عليهم كل هادي ملابس مش بالخزانه انا شعر راسي وقف شو رايكم





يلا دشو كلام و فضفضو

بسم الله الرحمن الرحيم ،،

حبيبتي رندوش الوضع هيك عادي كثير وبالعكس الغرفة مرتبة، لو تشوفي غرفة أولادي مع إنهم صغار أنا برتب الغرفة من هون وهم ما في نص ساعة بتكون مرتبة بشكل ثاني وكل شيء على الأرض والمشكلة أنها ملانة ألعاب وأغراض وسلال ألعاب والحيطان ملانة صور لكن للحقيقة غرفتهم حلوة بس وهي مرتبة وبالنسبة للملابس لساهم صغار أنا برتبلهم الملابس على العموم لأنهم لسه صغار فهم ماخدين راحتهم على الآخر وأنا إللي بتروح علي لأني بعتبر الغرفة غرفتي وأنا إللي بحط الألعاب والصور، يعني إللي راح يصير في الصيف والإجازة شر لا بد منه، وأنا معاك راح أشوف رد الأخوات واحطه في الإعتبار وأتبعه مع أولادي لما يكبروا الله يخليهم.

والله أنا ما بستحمل أشوف أي شيء على الأرض، فجأة فيوز بيضرب عندي!
مبارح هالموقف مر أمامي، غرفة بنتي مقلوبة وغراض على الأرض لها مكان بالدروج والخزائن، ليش بالأرض؟
أخرتها عن دوام المدرسة حتى ترتبها، وحلفت يمين لو بلاقي من يوم وطالع أي شيء بالأرض رح يكون الحساب عسير..
طبعاً لما كافأت أختها حست بالتقصير وبدأت تشتغل

فيه أفكار كثير حتى تترتب الغرف، طالما فيه أماكن تخزين فما مشكلة، يجب أن يتعلم الطفل أن الذي يخلعه لا يوضع بالأرض، يوضع فوراً بالخزانة، وهذا سيسهل عملية التنظيف والترتيب لاحقاً. وما يحتاج للغسيل يوضع فوراً بسلة الغسيل.
ضعي صندوقاً في كل غرفة، وهذا لجمع الألعاب كلما انتهى الأطفال من اللعب. ستكون تسلية.
ضعي منبهاً يسابقونه بالترتيب قبل أن يرن.
قومي بعمل جدول تنظيف يومي، وكل فرد في المنزل يقوم بعمل ثم يضع علامة أن العمل انتهى (هذا برنامجي كل صيف)
ولا تنسي جدول المكافآت ووضع علامات الإنجاز، وبعد الحصول على عدد معين من العلامات أو النجوم يحصل الطفل على ما اتفقتما عليه

شكله الموضوع بيليق بركن التجارب.. أستنى وأشوف

هالة البدر شكرا للتعليق الموضوع ما اكتمل لازم نعمل حل و اضراب عن العمل
بس المشكله قلبي ما يطاوعني جربت كل الاساليب
وعود طريقتك ممكن تمشي لانك بتشتغلي هم بيقولولي شو بتعملي طول النهار طبعا على النت شو اساوي و ما حد بيساعد حتى البنوته بقول حرام بتروح بيت جوزها بتشتغل
ايمان انتي اكيد بتشتغلي لهيك النظام ماشي معك كان الله في العون