أخواتي في الله انا عندي مشكلة وهي بنتي مع الالعاب كل مرة تلعب هي واختها الصغيرة لازم تطلع لعبة وثنتين وثلاث وتكبهم ، أجي لهم اشوف الغرفة ما يحتاج من الحوسة والفوضى

و الادهى والامر ان بنتي ( عمرها 6 سنوات )كل ما جاوها بنات قريباتها يلعبون معها ولا عيال صديقاتي تجتهد في انها تطلع لهم ما في غرفتها ولو بيدها حتى اللي في غرفتي والمستودع تطلعه

وانا طبعا ما عندي شغالة يعني يادوب انظف واعمل اطباق لها اللي بيجوني ، لدرجة اني صرت اصرخ عليها اول ما يطلعون اللي عندي واقول لها ان انتي اللي بترتبين لحالك هالفوضى كلها فتصيح المسكينه وتكسر خاطري ثم اتحسف


صرت الحين اذا جاها احد من العيال اطل عليهم كل ساع واتفق معاهم من اول ما يجون ان اذا بغيتوا لعبة تلعبون بها بعدين ترجعونها في مكانها عشان تاخذون الثانية ، وكل ما يقولون لي نبغى هاللعبة من فوق الدولاب اقول لهم رجعوا هذيك مع بنتي قبل واحس ان بنتي ما ودها بها الشي ، هي ودها ان اصدقائها يلعبون ويبذون بدون ما يلقطون وهي تجيب لهم وتخدمهم بعيونها .........لكن ايش اسوي هذا الحل اللي عندي حتى هم ( الاطفال الضيوف ) بودهم يلعبون بكل لعبة بدون ما اقول لهم لقطوا وكنت قبل اقول لها هي اللي تقول لهم وتتفق معاهم لكني شفتها ما تقدر عليهم لانهم مايهتمون منها ، فتسكت وتكمل لعب معاهم ..عشان ما يتضايقون ...

هذا اذا كانوا من غير اهلهم اما اذا صاروا مع اهلهم ما اصير حول البزران لاني حول الاهل وثانيا استحي اقول لهم جنب اهلهم

هل هذا طبيعي شوروا علي ، يمكن عندكم تجارب اكثر مني مع العلم ان بنتي هذي عمرها 6 سنوات والثانية عمرها سنتين واربع شهور؟؟؟؟؟؟؟؟؟؟؟؟؟؟؟؟

عزيزتي ابنتك في سن كافٍ أن تعتمد على نفسها في أمور كثيرة أهونها إصلاح ما أفسدت.
يجب أن تكون هناك شروط معينة تتفقان عليها قبل مجيء صديقاتها.
وبعد الشروط عليها أن تعد بتنفيذها وإلا لن يأتيها أحد مرة أخرى.
الشروط تحدد أين يلعبون وبماذا يلعبون، غرفتك لا يجب أبداً أن يدخلوها أبداً.
قومي بوضع سلتين في غرفتها على أن يضعوا كل اللعب التي ينتهون منها في السلال، سيجدونها فكرة جميلة ومريحة أكثر من الترتيب. وفي نهاية اللعب وقبل ذهاب الأطفال بربع ساعة، ضعي لهم منبهاً مدته 5 دقائق أو أكثر، وعليهم مراقبة الساعة لأنهم خلال هذا الوقت يجب أن يضعوا كل شيء في مكانه الصحيح، ويجب أن يكونوا أسرع من الساعة وينتهوا من الترتيب قبل أن يرن المنبه. وبالتالي ستجدينهم يتسارعون للانتهاء من الترتيب. وعديهم أنهم سيحصلون على شيء جميل في النهاية كمكافئة لهم، مثل كيس حلوى لكل طفل أو أي شيء تكونين أعددته مسبقاً وأجلته حتى النهاية لتحصلي على النتيجة المطلوبة، وبعدها تمنحين المكافأة لكل طفل

بنتك ما شاء الله في سن يدرك ويفهم ويتفهم حاولي أن تتفاهمي معها وتعقدي اتفاق قبل الزيارة
ولا تنسي المكافأة إن هي التزمت حتى فكرتك رائعة بعدم إخراج لعبة حتى تعاد اثانية لكن اجعليها
في اتفاق قبل الزيارة وبذلك ستكون بنتك من كلامك لها هي القائد للحضور ولكن قائد في النظام بدل القائد السابق في الحوسة والفوضى

اختي الغالية كل الاطفال بيعملوا مثل بنتك مثل ابني لمن يجوو الى اصدقاءه يلعب معهم بلاي ستيشن ويطلع كل السي دي وينشرهم في الغرفة على الارض وبعدين يخليهم ولا يرضى يرتبهم قمت انا واخذت كل السي دي وحطيتهم عندي وهو يدور عليهم بعدين قلت اله اذا بتلعب وتكون الغرفة مرتبة والسي دي كلهم مرتبين راح اعطيك وياها واخليك تلعب مع اصدقاءك وافق ووعدني انه راح يرتب الغرفة .