السلام عليكم يا بنات
ترى هذي اول مره اشارك اهنيه ويالله عاد لا اتفشلوني

والحين اقولكم السالفه
السنه الي طافت اختي الصغيره ادخلت اوله ابتدائي وطبعا انا واختي الي بالمتوسط واخوي كنا مستانسين عليها
طبعا اختنا الصغيره ( الي كانت صغيره بس الحين انشالله في وراها واحد الله يستر عليه منها قولو امين )


بعد تقريبا اسبوع واحد من بداية المدرسه انا اكتشفت شي تدرون شنو






















بعد اشوي





















يالله الحين اقولكم



مره كنت نازله للدور الارضي وكان وقتها الظهر فرحت للمطبخ لاني كنت عطشانه

انا بس دخلت المطبخ والله لا يوريكم لقيت خدامتنا الاندنيسيه منبطحه على الارض وحاطه تحتها فراش واتحل واجب الانجليزي ( عندنا بالكويت انا ندرس الانجليزي من اوله ابتدائي ) مال اختي واختي قاعده على الكرسي ومعاصا عصايه اري من وين جايبتها ( يعني امسويه مدرسه )

والله يا بنات كانت اشكالهم اتضحك الا اتموت من الضحك انا بس شفتهم حسيت ان نفسي راح ابسبت الضحك الي ضحكته ولم سألتها ليش سويتي جذي تدرون اشقالت

قالت بالحرف ( عادي شيصير اذا خليتها تكتب واجباتي اصلا اهي تكتب لي الواجب دايما اذا ماكان لي خلق وما تقول شي ) قالت لي ( أماااااااانااااااااه لا اتقولين لامي عشان اجيب لج بريد معاي من المدرسه ) <===== يعني ابترشيني الحين عشان اسكت ( لان امي اهي الي اتدرسها )
بعد تقريبا ثلاث ايام تقريبا شافتها اختي الي اصغر مني مع خدامتنا هالمسيكينه تكتب لاختي الصغيره الواجب مره ثانيه وبعدين علمنا امي وطبعا لانها هي كانت اخر العنقود امي ما عاقبتها
بس قالت لها ( ماما حببتي عيب جذي مايصير بعدين اتطقج الابله ) <=== خوووش عقااااب

والله انا موكاسر خاطري الا أسماء الي تشتغل عندنا والله اثاري اختي هذي مو سهله

يالله يا بنات قولولي اشرايكم بمغامرات اختي

شيء مضحك صراحة، المهم في النهاية تعرف معنى الواجبات وتصير تحب الدراسة، والا "رحنا وطي"

السلام عليكم

هي هذه البراءة والطفولة رائغة ومضحكة
بس لو انا ابلتها كان خليتها تعيد كل الواجب

اختي ايمان :ايه والله اذا كان جذي هالجيل القادم اكييييد بنروح وطي



اختي ام احلام : واللله يا ام احلام انتي بس لو شفتي المنظر على الطبيعه كنتي راح اتموتين من الضحك وبعدين شلون تبين الابله اتعاقبها وهي امخليه اسماء تكتب فس خطها
بس ما عليج اخر مره كشفناها امي خلتها اتعيد الواجب

بس الصراحه والله شي يضحك

وينكم يا بنات 34 دخلوا الموضوع وماردوا الا اثنين
على العموم خواتي ايمان وام احلام كفوا ووفوا الله يجزيهم الخير قولوا امييييين

حلوه ياقطر الندى، شقيه اختك هذه وفعلا الموقف مضحك ولكن قد يكون خطيرآ في نفس الوقت لان على اختك ان تحب واجبها وان لاتعمله لانه فقط واجب .. ولو كنت انا امك وصار اللي صار كنت وضعتها تحت المراقبه الا ان اطمئن انها لن تعود لمثل هذا التصرف.

وبما انها الصغيره والمحبوبه فعليكم بتشجيعها، يعني اذا عملت الواجب بنفسها تمدحوها وتكافؤها لتشجيعها حتى تتفوق في حياتها الدراسيه.