أخواتي عضوات النافذة أنا فخورة بيكم وسعيدة جدا بيكم لما أرى من الردود القيمة والعقل الراجح والحب والأخلاص لبعضكم

وعشان بعتبركم اخواتي هاخد رأيكم في موضوع يهمني محيرني


لي صديقة بحبها جدا من أفضل الأخوات اللي عرفتهم بصراحة تدين وادب واخلاق وكرم وحب للدين كل حاجه فيها حلوة وزوجها كذلك بس هي افضل

كانوا معانا ف جدة ونزلوا مصر نهائي من كم سنه كده انا نبطت لها مرة قبل ما ينزلوا ان نخطب بنتها لابني وهي قالت سبيها بظروفها

هم من محافظة بعيدة عننا ولما نزلت اجازة زرتها وحكت لي عن بنتها كانت في ثانوي وراحت تسال عليها ف الدرس

المدرس قالها مجتش من شهر واكتشفت انها بتقابل ولد في الحديقة (البنت اللي قالت ف الحديقة)لكن اي حد ممكن يظن اكتر من كده

واكتشفت انها بتاخد من فلوس ابوها فلوس كتير وبتصرف ع الولد وجابتله محمول ولقوا معاها محمول مخبياه حصل مشاكل وابوها راح للولد

المهم من غير تفاصيل اكتر صديقتي كلمتني كتير بطريق غير مباشر نخطب بنتها لابني يعني كتير تقولي مش هتخطبيله

انا عايزة ازوج بنتي البنت عايزة تتخطب زي كده محدش يقول اهلها مش ربوها لانهم نسب يشرف ومن افضل الناس بس

هداية العيال رزق من عند ربنا وعدم هدايتهم ابتلاء احنا بنعمل اللي علينا والهداية من عنده

المهم هو مش ولد واحد البنت جريئة تكلم اي حد بس من ايام ما كانوا هنا البنت ست بيت شاطرة ونضيفه ومربية اخواتها الصغار

وناصحة ومفتحه وهي الان في تالته كليه وعشان التواصل بقى قليل كله ف التليفون انا مش عارفة البنت اتعدلت ولا لأ

بطلت ولا لأ حاسة اني لو زوجتها ابني هبقى مش واثقه فيها انا قلت لابني قالي وروني صورتها لانها منتقبة

هل لو خطبتها له يبقى انا غشيته ؟كمان المحافظه بعيد واي زيارة هناخد سيارة مخصوص وهتكلفنا

حاسة صديقتي واخده على خاطرها مني لانها كلمتني كتير وانا اقولها لسه معملش شقه محرجة منها ومحتارة انا بحبها جدا

رايكم ايه

السلام عليكم و رحمة الله و بركاته

حياك الله غاليتي نور العيون ، نشكرك على كلماتك بارك الله فيك
وبكل تأكيد نحن ايضا نفخر بتواجدك الغالي بيننا و انت اخت غالية على قلوبنا ()
اما بالنسبة لحيرتك
تعالي نتكلم بصراحه شوي ، على فرض ان أم البنت ما اخبرتك بكل هذه التفاصيل
التي حصلت مع ابنتها هل كنت سوف تستمري بالتفكير بخطبتها لإبنك أم لا ؟
غاليتي صديقتك اخطأت جدا حين كشفت لك المستور و اخبرتك بما فعلت ابنتها
الله سبحانه و تعالى ستير وامر بالستر ، و هى هداها الله قامت بفضح امور خاصه جدا و عن من عن اقرب الناس لقلبها ابنتها !
انا لا اريد ان ابرر ما فعلت تلك البنت و لكن هى فعلت هذا عن طيش و هبل ، تقولي ان اهلها ناس طيبين و امها امرأه رائعه بديلي
انها كانت صديقتك لسنوات عديده ، لدرجه انها تثق فيك و تبوح لك بأدق تفاصيل حياتها وحياة ابنائها
اذا الأم طيبه و تحبك و البنت عادتا تكون مثل امها ، ليس لأنها اخطأت و تصرفت بغباء و خانت ثقة اهلها فيها
معنا هذا انها سيئه ، لربما تابت و عرفت خطأها لماذا لا نغفر لها طيشها و جهلها
ولنفترض انك صرفت النظر عن خطبتها لإبنك و ذهبت ولتخطبي له اخرى
ما الذي يضمن لك ان هذه البنت ايضا لم يكن لها ماضي مع علاقات عابره و طيش بنات
في فتره من حياتها ، هل لأنك لا تعلمي عنها شيئ ستكون افضل بنات الدنيا
اذا لتفكري بإبنة صديقتك التي تعرفينها عز المعرفه بهذه الطريقة
على الأقل انت تعرفي اصلها و فصلها و كل كبيره و صغيره عنها
تعرفي ان معدنها طيب و ربما كان طيش شباب و ربنا هداها الله و عادت الى صوابها و اتقة الله في نفسها
ويمكنك التأكد من ذلك عن طريق امها التي لا تخفي عنك شيئ و لا اعتقد انها سوف تخدعك
غاليتي صلي لله استخاره و فكري بالموضوع من جميع نواحيه السلبيه و الإجابيه
وبعدها قرري ، و الله و لي التوفيق .