السلام عليكم و رحمة الله و بركاته
رح ادخل بالموضوع
أنا عمري 26 سنة و عندي بنتين و ولد و الحمدلله احترم أخلاقي و ديني في التعامل مع زوجي ، متزوجه لمدة 7 سنوات و عادة اهتم بشكلي و مظهري والكل يمدحني و الحمدلله ولا املك بيت بل أعيش في بيت العيله و قبل 3 سنوات اكتشفت أن زوجي يخونني مع فتاه لا تعرف الإسلام كافره لا تعرف إلا المنكرات و التعري و متوشمه ، بدأت المشاكل و استعملت جميع أنواع الحلول ليبتعد عنها لكن للأسف فهو يحبها حتى انه يتركني و ينام عندها و لا احد يعلم بحالي و حزني إلا الله أنا عايش بالغربه ، فجأة قرر زوجي أن نرجع إلى بلدنا لنستقر فيها ففرحت من قلبي على أساس انه رجع لعقله و يريد أن يبتعد عن هذه الفتاة و قررنا بان أغادر إلى بلدي أنا و الأولاد و من ثم يلحق بنا زوجي بعد شهر أو شهرين لكنه كذب و لم يلحق بنا وبدأت ابحث بالسبب حتى اكتشفت أن حبيبته حامل منه ببنت .
هو لا يعلم باني اكتشفت خيانته الكبيرة المؤلمة و هذا الشئ الذي يدمرني كل يوم فأنا أكتم هذا الشئ لأني احبه كثيرا مع انه لا يستاهلني و أولادي اهم شئ في حياتي و أكلمه واطلب منه أن يأتي داءما يقول لي طبعا أنا قادم بس عندي مشاكل بالشغل.
يا أخواتي هل أنا اظلم نفسي و روحي أم أنا محقه بان أخفي ما اعلمه من اجل كرامتي مع العلم أن ظروف أهلي لا تسمح بان اتطلق و أعيش عندهم أنا و أولادي بكفي أني انحرمت يكون عندي بيت كمان يا ربي جوزي خاني.
إنصحوني يا أخواتي شو اعمل
وشكرا

والله قصتك محزنة أختي ودمعو عيوني وأنا بقرأها
بس انتي غلطتي المفروض تكوني انتبهتي انها لعبة من ألاعيبه وما رجعتي لبلدك وانتي عارفة أنه هاد زنى المفروض كان واجهتيه لانو هي مو علاقة تلفون ولا نت لحتى تبعديه عن البنت هي اسمها حرااام
انا نصيحتي إما تخبريه بيلي بتعرفيه وتطنشيه خليه يحس انه خسرك وممكن يتوب
أو تستشيري أحد من العقلاء من عيلته وهو ممكن يقدر يساعدك
ولو عندك إقامة بالبلد اللي هو فيها ارجعي لعنده بدون ما تخبريه انك راجعة
بس أنا لو مكانك الصراحة لأطلق والله الرزاق

لا طبعا انا ضد الطلاق انتي زوجته بالحلااااال يعني لازم تدافعي عن حقك في زوجك
ليه اخدتي الموضوع انه كزاب ما اخدتيه انه بحاول يخلص من الحمل ويلحقك فعلا !!
لا تحطي النيه السيئه انتي هلا ماشيه عكلامه وعليكي بالاستغفاااار والدعاء خاصه في الثلث الاخير من الليل ادعي ربنا يبعده عن ولاد وبنات الحرام
اختي متل ما حكتلك اياااكي والطلاق زوجك صحيح عملته مش بسيطه بس كمان ايامكم الحلوه والاطفال ثمرة حبكم واحترامكم لبعض
اعجبني اسلوبه انه رجعك للبلد وهادا بدل على مدى خوفه من تشويه صورته قدامك اياكي اختي تواجهيه ترى وقتها ببطل عنده شي يخاف منه ولا يحسبله حساب ،، بفضل ازا راد الموضوع كمان وكمان تدخلي رجل قريب منه انسان متدين يخاف رب العالمين بنفس الوقت يكون شاب اخوه متلا بحيث ما يعتبر انك فضحتيه قدام اهله مع اني والله ضد فكرة انك تحكي لاي حدا شي وصدقيني زوووجك بحبك وبدو بس يخلص من مصيبة الحمل ليلحقك هو حب يبعدك عن هالجو الوسخ وان شاالله ربنا بهديه اللهم ااامين ادعيله اختي والله زوجك مسكين وقع فريسه بنت الحرام اللي اغرته وخلته ينساق للحرااام
انتي كمان ياريت تحاولي تساعديه متلا شوفي شو المميز بهالبنت .. لاتحرمي زوجك من اي اي شي .. واضح انه لاحقها مش عشان اخلاقها وما اتوقع جمالها بس اتوقع السبب هو التغيير المستمر التجديد في العلاقه .. مدحها لنفسها وجسمها .. يعني باختصار كيد النسااااا

اخر شي اختي متل ما وصيتك اياااكي تنطقي كلمة الطلاق هادا زوجك ابو ولادك بكره لو رحتي تخطبيلهم اول حد بسألوا عنه هو والدهم فاحذري تشوهي سمعة ابو ولادك ،،، اضبري كلها فتره وحتعدي وان شاالله بتنفكوا من بنت الحرام

حسبي الله ونعم الوكيل في كل رجل خائن

اختي انتبهي لصحتك لا ينقلك شي مرض لا قدر الله .. الله يحفظك يارب

والله يا اختي مش عارفة بشو بدي انصحك .. انا حاااسة فيك وعارفة كم الحزن والقهر اللي عندك .. لانه في عندي صديقة مرت بتجربة قريبة من تجربتك بس زوجها كان كاتب كتابة على هاي المرا وكانت من نفس الصنف اللي بتحكي عنه كافرة ومتبرجة وووو فانفتتن بحجم صدرها وبشعرها !!! شوفي هالعذر الاقبح من ذنب !!

فصبرت واتحملت كان عندها 3 اطفال وما خبرت اهلها .. بس اثر هذا الحدث على علاقتهم فترة مع انه تركها وندم اشد الندم وصار يحاول بشتى الطرق يرضي مرته بس هي ضلت فترة حتى استطاعت تنسى .. والان ما شاء الله اللهم بارك لهم صار عندهم الطفل الرابع ووضعهم مستقر

فانتي اتكلمي مع زوجك واذا ما نفع معه الكلام العادي استعملي اسلوب التهديد لكن بهدووووووء وثقة .. لا تبيني لزوجك انك راح تتدمري اذا اطلقتي حتى لو كان بده يصير هيك الله لا يقدر .. بينيله انك وائقة من نفسك و قووليله هاي المرا الكافرة بكره متل ما نامت معاك بكره بتنام مع عشرة من ورا ظهرك وما بتفرق معها ووضحيلو انه هو اللي راح يندم .. كيف بده يخلف منها اولاد وكيف هاي الفاجرة بدها تربي اولاد وتنشىء جيل .. بكرة بتربوا اولاده في الكنائس !!

نعم .. وما ببالغ في كلامي .. لاني شايفة حالات متل هيك امام عيني .. الرجل مسلم ومتزوج امرأة كافرة وعنده منها اولاد .. الاولاد كلهم بكرهوا ابوهم وبضربوه وبهينوه .. ومتربيين في الكنيسة !!

فيا اختي لا تحزني ولا تنهمي كوني وائقة انه الله عزوجل معك .. اكثري من الدعاااء والاستغفار والصدقة .. ما بتعرفي يكون هذا البلاء سبب في هداية زوجك ورجوعه الك نادم

الله يفرجها عليك طمنينا عنك

الله لا يحرمني منكم انشالله خير مع العلم انو إخوانه يعلمو انو مصاحب بس ما بعرفو أنها المره هاي حامل و كانو دائماً يحكولي انو زوجي لا يستحقني و لا يستحق أولاده و الله وأنا ما قصرت معاه حسبي الله و نعم الوكيل ، و فعلا هو بعدني عنه علشان ما أحس أنها هاي المره حامل

اختي زوجك زاني محصن
حده في الدين الرجم حتى القتل
يعني الامر كبيييييييييييييييييييييييييييييييييير جدااااااااااااا
طيب هل سألت فتوى في حكم بقائك معه ? و هل يجوز ?
ألم تخافي أن ينقل لك مرض و تنقليه الى اولادك في الحمل مثلا ??
كل هذا و تقولين كتمت من أجل الكرامة !
ما الذي سيردع زوجك عن فعله ?
لماذا تتوقعين منه ان يعود لك و هو أصلا غير معترف بخطأ و غير متضايق من فعلته
و استباحها لنفسه !

اختي عليك بوقفة جدية و دراسة للامر على هالاساس تفكري و تقرري
المسألة ليست مسألة رجوعك فهو يمكن بعتك حتى يتخلص منك

اسألي عالم الاول ان كان يجوز بقاؤك معه و ما حكم الدين في هذه الحالة
و بعدها لكل حادث حديث

اكثري من الاستغفار و الدعاء بتفريج الهم و تيسير الخير

ربنا يفرج عنك و يسعد قلبك