السلام عليكم و رحمة الله وبركاته ..

اخواتي ما لي احد غيركم بعد رب العالمين ..

اسمعوا قصتي من الأول للآخر اتمنى منكم المشوره و النصح ..

اختكم المعذبة .. لما كنت بأول سنة جامعة تقدم ابن عمي لخطبتي و وافقت لأني احس انو بيننا كثير توافق و انسجام وكثير صفات نتشابه فيها ..

الكل فرح وبارك لنا .. لكن بسبب دراستي ظلينا مخطوبين 6 سنوات مع اننا اتفقنا بعد سنتين يكون الزفاف بس في كل مره تتعرقل الأمور و يتاجل الزفاف ..

ابن عمي كان يحبني و انا ابادله الشعور و كنا مشتاقين للقاء و ان الله يجمعنا تحت سقف واحد لأني كنت في بلد وهو في بلد ..

الحمد لله في شهر 7 الي فات صار الزفاف وكان العرس من اجمل ما يكون .. وتحقق حلمنا والتقينا وجمعنا بيت رسمنا فيه كل احلامنا .

اول اسبوع كنت احس اني اسعد انسانه و انا مع الشخص الي احبه و الي تمنيت يكون زوجي وهو نفس الشي .. المشكله بعد هالأسبوع صار زوجي دايما سرحان ما يحب يتكلم معي

دايما ساكت وهالشي سبب بيننا كثير من المشاكل .. انا كرهت نفسي و حسيت اني بموت قهر .. وانا لسا عروس و معاملته معي كانت جااافه مع اني ما اقصر معه بأي شي ، دايما لما تصير الساعه 12 بالليل يحس بتعب و دوخه و ألم في راسه واستمر على هالحال و كان مريض طول هالفتره دايما كان يقولي انه يحس بالضيق بعد العلاقه الحميمه .. وانا اكتم وابكي و ادعي ربي ليل نهاااار .. بعد 20 يوم من زواجنا .. زوجي سافر لأنه كان يدرس وباقي له آخر سنه ماستر، بعد ما سافر تعبت لفراقه

ومرضت لأني احبه بجنون، ولكن انصدمت انه قعد بعد ما سافر اسبوع ما اتصل ولا حتى بعث لي مسج ولا شي ، اتصلت له وبينت له اني متضايقه بس ما احس انه تأثر قال لي تعودي على هالشي .. واستمر على هالحال لا يتصل ولا يرسل رسائل ولا يهتم فيني و لا يدري عني

تخيلوا شهر وانا عايشه على هالحال وانا اتذكر اجمل لحظاتنا واشتاااااااااااق له و اتعذب من فراقه وهو ما يسأل عني .. اليوم كلمته قال لي انه هو ما يعرف شنو الي غيره تجاهي وانه لما يبغى يبعث لي رساله او يتصل كأنه فيه شي يمنعه ، قال انا احبك بس فيه شي من بعد زواجنا تغير فيني خاصه تجاهك ..

انا بس ابكي حياتي كلها تلخبطت مو عارفه شنو اسوي

يسعدني اكون اول رد يا أختي العزيزة
من خلال كلامك في شي مؤ طبيعي
اعتقد عين او سحر والله اعلم
اكثري من ذكر الله وقراة المعوذات والاستغفار
الله يسعد كم ويزيح الغم

اختي الغاليه الله يسعد قلبك ..
صحيح انا كمان قلت انه شي مو طبيعي
لأنه قالي حتى الرسايل لما ابعثهم له يتضايق وما يحب يشوف مني ولا رساله
و لا يبغى اتصل عليه .. بس انا قاعده اتعذب لأني احبه اشتاق له كثير .. ما اقدر ما اتصل له
بس هو ما يحب اني اكلمه .. ياااااااااااااااااااارب
الله يجزاك الخير اختي على ردك و كلامك الطيب
ربي يجعله بموازين حسناتك

راح اكثر من الذكر وقرأءة المعوذات و الرقيه الشرعيه .. والله رحيم
ادعوه انه يزيح عني الغم و الهم الي انا فيه
والله حياتي صارت جحيم .. لا ليلي ليل ولا نهاري نهار ..
شغلي اهملته .. قلبي يعتصر ألم .. جفت دموعي
يا الله ما لي سواك

اخواتي حتى اسألكم الدعاااااااااااااااااء ..
مو لازم تردوا علي بس اي واحده تشوف الموضوع لا تنساني من دعواتها ..

ادعو الله ان ييسر لك امورك

انا ىمااعتقد انه سحر بس اغلب الازواج بيصيروا هكى بعد الزواج لان فى الخطبه كان يشتاق لك ويتمنى يشوفك
لكن بعد الزواج انت على طول معاه