السلام عليكم ورحمة الله وبركاتة
اخواتي موضوعي الي مضايقني ومش مخليني أعرف أنام
انا زوجي تاجر وخسر خسارة وعلية ديون ولازم يسددها الحمد لله على كل شي
أنا لا أعمل وزوجي قرر انة يشتغل أي شغلة منشان نصرف على حالنا
بعدماكان معنا ارقى السيارات لكن زوجي تخلى عنة الجميع
ضلينا نبعت وظائف وزوجي كان مدير مالي صار يبعت اي شغلة بالأخر يابنات
طلعلة شغلة وحدة ماطلعلة غيرها الي هي يشتغل بفندق
صارلة 5شهور وما بروح على البيت الا كل اسبوع يوم واحد
لكن من لما اشتغل بالاوتيل صار اليوم الي يروح فية ينام فية وانا اكون انتظرة لكن مش مهتم ولا كا اننا زوجين
وحاسة زهق مني مع اني بنتظراليوم الي يروح فية مابينا معاشرة مع انة قبل مايشتغل هيك شغل كان شايلني عكفوف الراحة بس بدة رضاي ويطلبني كل يوم
هلأ ازا انا طلبتة بجاملني ومابصدق وهويخلص منشان ينام والله مجاملة والله قلبي محروق
اليوم بس اعترف وقال انا بالفندق عالريسبشن بشتغل مع بنات الله لايوريكي كاسيات عاريات
وبرافقهم بوصلهم للمسبح اللهم عافينا من هيك ناس
زوجي ابن ناس مابقرب للحرام بس كل يوم قدام عينة بنات من النوعيات القذرة جدا بس هيك شغلة
والله مقهورة هاد هوسبب انة بطل يشوفني ولا حتى يعاشرني وازاحكى معي 5دقايق باليوم منيح في وقت كان مايتحمل يوم غياب عني
رح تحكولي يترك شغلة والله تركة فترة وراح يدور مازبط ورجع لهالشغل وحلف انة غصب عنة بشتغل بهيك مكان بتمنى رأيكم

الله يفرج عنك يا أختي شعورك صعب كتيير لكن اسالك سؤال هل صارحتيه بما يدور في بالك وبمشاعرك ؟ وبماذا رد ؟

كتبت بواسطة MARWAH
الله يفرج عنك يا أختي شعورك صعب كتيير لكن اسالك سؤال هل صارحتيه بما يدور في بالك وبمشاعرك ؟ وبماذا رد ؟



الله يسعدك أختي نعم صارحتة وعصب وزعل لكن حسبي الله واضح انة مش سائل عن فراشي والله شي بقهر

الله يكون في عونك اختي اصبري ولا تفتحي على حالك ابواب كثيرة انتي بغنى عنها
انا عارفة الموضوع صعب بس بما انه بيخاف الله ,,,اصبري واعطيه فرصة واعملي جهدك على لفت نظره الك حتى ولو جاملك اصبري مرة على مرة بتزيد عن خمس دقايق ,,,, بس هو شكلهجدا متضايق من الوضع اللي هو فيه ,,,, وقفي معه وسانديه بمشكلته واظهري هذا الشي ,,,,,,,,
اتمنى لك حياة سعيدة معه وربي يهدي بالك وباله

الله يكون في عونك

الله يكون بعونكِ يا غالية، احرصي على الاستغفار الدائم، والدعاء لهُ وللجَميع بالستر والعافية والعفاف
دوركِ يكمُن هنا بتعويضِه بما يُريد، وتهييئ كُل سبل الراحَة لهُ في حال عودتِه، والحفاظ عليه في حال غيابه
والاتصال به وتحسسيه بقُربك : تحتاج شي ؟ ودك بغداء معين ؟ وهكذا ..

وأيضاً، ابحثي له عن وظيفَة، ابحثي وابحثي وابحثي، لو كان مستواها أقلّ بقليل، أفضّل من أن يُعرض عليه الحرام
في اليوم عشر مرات !

وأسأل الله أن يفرّج همّك، وأوصيكِ بالاستغفار فهو مفتاح لكلّ كرب ولكلّ ألمٍ وهمٍ وغم.

الاخوات ردو وماقصرو بالذات رد الاخت زوجي تاجي
انت قلتي انو زوجك كان تاجر لو قدرت تامنيلو رأس مال بدون ما حدا يعرف او ادخري من مصروفكم باي وسيلة وخليه يرجع يبدأ تجارة بسيطة ولو فيها ربح قليل ماهو البركة بالقليل وشوي ورا شوي بيرجع الوضع ان شالله لاحسن
في يعمل تجارة على الانترنت في بعض المواقع ما بعرف اذا متوفرة عندكم ايباي وامازون او في يفتح موقع لوحدو

بس لا تنسي كمان النظر للحرام بيقلل الرزق ومتل وبطفي الشهوة حتى لو ما قرب على الحرام حاولي حاولي حاولي انو يترك الشغل بذكائك بس كوني امنتيلو البديل
رب يفرج عنك والزمي الدعاء ولا تخلي هالشي يأثر على علاقتكم مع بعض فرجي شوقك وحبك واهتمامك وتابعيه خلال الاسبوع برسائل الغزل والشوق ان شالله فترة وبتعدي