باسم الله الرحمن الرحيم

انا فتاة عمري ٢٤ متزوجة وام لطفلة عمرها ٤ سنوات.اعيش حياة عادية مع زوجي الذي يبلغ ٣٤ .مشكلتي اني منذ حوالي سنة حدث سوء تفاهم بين اخت زوجي و خطبيها فطلبة مني التدخل بمكالمته لكي اسوي الوضع مع العلم اني لم اتحدث معه من قبل. لما كلمته قال لي انه اراد التحدث معي لكنه لم يجدالفرصة لم افهم نواياه في بداية الامر لكنه بدء بارسال رسائل نصية كتيرة موضحا اعجابه بي واخد يتصل بي في كل الاوقت رغم اني حذره ان زوجي قد ينتبه الا انه قال انه لا يبالي وانه يريد ان يحصل علي.اراد ان اطلق من زوجي وابقي معه.فاستبدلة رقم هاتفي مرة وثانية وثالثة لكن دون جدوي في كل مرة كان يحصل عليه .الان هو متزوج من اخت زوجي وهي حامل لكنه مزال يضاقني والصراحة انا جد خائفة من زوجي لانه ادا دري والله يقتلني مع انه لادنب لي.اخاف كل ما رن هاتفي اخاف اقول لزوجي تقوم القيامة في العائلة .زوجي جد عصبي واخوي كذالك. امي مارح تفهمني .الصراحة انا مرعوبة خاصة انه يعرف منزلي حتي لو ما وصلي علي هاتفي بيتصل بزوجي ارجوكم والله تعبة ساعدوني .شتمتو, فهمتو اني احب عائلتي واحترم زوجي لكن بلا جدوي اعطوني حل سريع و فعال ارجوكم

بس بدي افهم ،، انتو ليش هيك بتعملو في حالكم يا النسوان ،، بتخلو المشكلة تكبر وتكبر ،، وتصعب اكثر فأكثر ،،

طبعا انت لازم من الاول خبرتي زوجك عن هالحقير ،، بكلن انقذ اخته منه كمان ،،

انا بنصحك ،، تخبري زوجك طوالي انه اتصل عليك مرتين او ثلاثة ،، علىى اعتبار انه الموضوع جديد لسة ،، وما تخبريه انه من ايام ما كانت اخته خاطبة عشان ما يشك فيك ويصير مخه يودي ويجيب ،، فهميه انه الموضوع جديد وانت حابة تحطيه بالصورة عشان يحط للرجال حد ،،

ابدا ما تخافي من زوجك ،، حتى لوعصب حتى لو قلب الدنيا ،، بضله سندك وحاميك ،، تحملي عصبيته ونرفزته ،، بس في الاخير انت الاقوى من هالحقير ،، ما تخليه يمسك ضعفك ،، او يتمادى ،، بكرة انت الخسرانة ،، واذا طولت الامور اكتر فاكتر ،، انت الضحية الوحيدة وبنتك المسكينة ،،

الرجال اللي ما بستحو ،، دائما بشوفوا انه المراة اللي قدامهم ضعيفة فبستغلوها ،، وهو شاف انك هبلة وضعيفة بدلالة انك من الاول ما دخلت زوجك بالموضوع ،، عشان هيك تمادى ،، وهللا انت مرعوبة انه يوصلك عالبيت ،، خليه يوصلك عشان تروحي فيها جريمة شرف ،، لا حول ولا قوة الا بالله ،،

تداركي الموضوع بسرعة وخبرينا شو رح يصير معك ،،

لاحول ولا قوة الا بالله
اختي انتي غلطتي من الاول مدامك شفتي نواياه السيئة تجاهك طوالي بخبر جوزي من دون تردد ومتل ماحكتلك لجين لو عصب لو انجن بس هو بقدر يحل الموضوع
الله يسامحك يعني هلأ هو تجوز اخت جوزك ولساته بعمل هيك فيكي يعني بكرة رايح يخرب بيتها وتطلق منه كان من الاول حكيتيلها انه حقير
انا بنصحك تحكي لاخوكي اول اشي وخليه هو يخبر جوزك باللي بصير معك وضلك مسكرة بابك عليكي منييييييييييح كتير
الله يفرجها عليكي يارب وينتقم من كل ظالم

صباح الخير
كيف حالك أختي ، شفي ياغالية ما حصل حصل ولا ألومك أبدا
لأنه مثل هذه المواقف تحدث بين العائلات
والمفروض الآن البحث عن الحل وليس العتاب
أولا سامحيني على هذه العبارة لو لا ضعف شخصيتك ماكان تلاعب بك هكذا أبدا

نبدا من الاول ومن جديد
لما يرّن هاتفك بقلب جامد تروحي امام زوجك أو أي أحد من الأقارب
وترّدي عادي عليه وتقولي كيف حالك فلان وكيف زوجتك فلانة ونحن بخير ولله الحمد
ماتتركي له مجال يتفوه بكلمة أبدا ، وتقولي له اتفضل زوجي هنا ، وتقولي لزوجك كان يتصل على هاتفك وماقدر
واتتركيه في هذا الموقف
ولما تروحي لبيت أخت زوجك تقول لها البارح زوجك اتصل خير في إيه

يعني اتركي كل شيء على بياض ورح ينتقل الخوف ألي فيك له
وبإذن الله والدعاء بثبات القلب رح تنحل مشكلتك

وحذاري مرّة أخرى لا تقومي بأي نفس ، من غير زوجك أبدا أبدا

لولا تأنيب ضميرك لكِ ما وقعت فريسة أبدا

سامحيني على جرأتي في الحل والرد لكن هو بيتك وبنتك في الملعب ياغالية

..

والله يا اختي موضوع صعب
فكرة الغالية شهدودة حلوة
هيك بتحرجيه ومابيقدر يتصل بيعرف انه مجرد مايتصل رح تقولي لزوجك ويحكي معه
حتى اذا كان زوجك بالشغل قليله زوجي هون وبيسلم عليك
هو عبيستغل خوفك وبيقول في نفسه انه في امل تخضعيله
وممكن يتغير تصرفه ويصير يهددك بالتلفونات وانه يحكي لزوجك اذا مارضختيله
لهاسبب لازم تلاقي حل سريع قبل ما تطور الامور وماتقدري تسيطري عليها
ربي يفرج همك ويحميكي من كل سوء