أخياتي.......


بطرح عليكم مشكلتي بدون مقدمات وساعدوني في حلها لأني ماألقى متنفس الا بهالمنتديات وبالذات ان العلاقه بيني وبين خواتي شبه رسميه وان اتكلمنا مانتكلم الا عن المثاليات في حياتنا.....
المهم.. انا معلمه هادئه وخجوله غالبا مايكون تعليقي على السواليف اما بأبتسامه او تعليقات بسيطه لكن اني اطرح سالفه او احكي موقف يتطلب بضع دقائق ...لا هذا الا ماقدر عليه ... احب اجلس لوحدي كثير .. تسيطر علي احلام اليقضه كثيرا فبمجرد مااختلي بنفسي اقعد اتكلم مع الناس اللي قابلتهم وامثل ردة الفعل اللي كان ودي انها صارت .. فكثير ارجع لبيتي وانا غير راضيه عن ردات فعلي واحس بالذنب اني ماخذت حقي ... بأختصار ضعيفه... احس لو احد بيزمر علي بكيت .. لكن طبيعتي تختلف مع طالباتي حازمه شوي وماحب احد يتكلم عندي .. ولا اتكلم معهم
الى الان ماجتكم المشكله الرئيسيه....
عندي طالبه هاديه وشاطره ومؤدبه.. ماشألله عليها
المهم اني كنت معجبه بأخلاق طالبتي هاذي ودايما احاول ارفع من معنويتها واثني عليها بالمدح ... الى حد ماصرت افرح اذا شفتها ... واتحجج بأي شي عشان اخليها تجين .. هااتي الدفاتر .. اجمعي الاوراق ..الخ
واحس اني ودي اخدمه بأي شي ... لو تقول ابي عيونك اعطيهيها.. لايروح بالكم بعيد والله ويشهد الله على كلامي ماعندي اي اغراض شاذه بس احس اني حبيته وابي اخدمه بعيوني .. لدرجه اني قلتله اذا بغيتي اي خدمه انا مستعده.... بس اللي محزنني انها دايم على بالي احاول اشغل نفسي بالاستغفار بس البنت قدامي .. واحس ودي اسولف معهه واخدمه بس ..مأحس بأي شي ثاني

المهم احس البنت لاحضت وتحاول تتهرب مني ....
البنت زي ماقلتلكم خلوقه تعتقدون هذا حب في الله او اعجاب والعياذ بالله

جزى الله من تساهم في حل مشكلتي خيرا واسكنها فسيح جناته

السلام عليكم

حبيبتي انت تجدين في هذه البنت نفسك لذلك احببتيها

وتحتاجين مراجعة طبييب نفساني فالمشكلة الثانية هي نتيجة للمشكلة الاولى

ولا تخجلي من ذلك فالنفس تتعب مثل الجسد

او اتصلي على برنامج البروفيسور في الطب النفسي الدكتور طارق الحبيب عل قناة الرسالة

سيفيدك كثيرا باذن الله

الاخت ماريه ...... جزاك الله خير وجعله في موازين اعمالك وفك كربتك

واضح من كلامك يا اختي ان عندك فراغ عاطفي يعني محتاجه لاي شخص يملا هذا الفراغ
فوجدتي هذه البنت خاصه انها تشبهك بهدؤها
تصرفك غير شاذ لكنه مريب بالنسبه للشخص الاخر
لانه ما دخل لافكارك وعرف ايش طريقة تفكيرك
حاولي اشغلي نفسك بالقران حفظ او تلاوه
وكمان اقرئي عن طرق تقوية الشخصيه
وازرعي الثقه بالنفس داخلك فانت مدرسه ولا ينقصك شيء
سويلك ستايل جديد وغيري في حياتك شوي
يعني روحي النادي او خذيلك دورات في اي شيءعلشان تلاقي شي تتكلمي فيه مع الناس

سديم الليل ..... الله يوفقك ويبقيك .. بس انا متزوجه ووماعندي فراغ لأن زوجي حنون وطيب بس يمكن قله ثقه بالنفس وطبيعه مستحيل تتغير لاني تزوجت وانتقلت لمجتمع سولفجي مررره وزادت مشكلتي

افتكر انها بتفكرك بنفسك وطفولتك ولكن اهتمامك الزائد فيها غلط أولا لأن المفروض انت كمدرسة تعاملي كل الطلبة بتساوي وبنفس الاهتمام ولا تبيني لهم أي تفرقة في المعاملة وهي ايضا قد تستغرب من اهتمامك الزائد وترتاب منه فحاولي تغيير المعاملة واعدلي بين كل الطالبات فانت المفروض قدوتهن جميعا

عيون.... أدامك الله لمن تحبين .. كلامك يبعث الراحه في النفس.. لاعدمناك
سديم.. شكرا لاهتمامك ... وانا فعلا خجوله مع أهل زوجي ومو قادره اتأقلم مع اجتماعاتهم الكثيره وأفضل الصمت كثيرا..شكرا لنصائحك الذهبيه فعلا.. واحس اني بديت اخجل من نفسي صدق.. الله يعافيك ويخليك لعين ترجيك