السلام عليكم

صارلي زمان ما شاركت بالمنتدى ، ظروفي صعبة أولاد و تدريس و بيبي ووووو
بس السبب الرئيسي هو إنو ما عندي نت وبستنى لأزور أهلي عشان أدخل عالمنتدى زيارة خاطفة
و الحقيقة في الفترة الأخيرة صرت مقيمة أنا وعائلتي ببيت أهلي بسبب ظروف خارجية
طولت عليكن بالحكي والحقيقة هذا هو لب الموضوع إنو إحنا قاعدين عند أهلي ( طبعاً أنا وزوجي وأولادي )
لإنو ما في مكان نكون فيه غير عندهم
والغريب إنو أهل زوجي عندهم بيتين ولا هم حاسين فينا وبالشحشطة اللي عايشها ابنهم وعيلتو وبالأخص ابنهم ( زوجي ) لإنو هو اللي تعبان أكتر واحد
والمشكلة إني حزنانة عليه ومش عارفة شو أعمل ؟؟
حاسس حالو تقيل عند أهلي وإنو مزعجهم ، وبقوللي إنو ما رح ينسى فضلهم واستضافتهم على حساب راحتهم ، ومساعدتهم إلو بالوقت اللي أهلو مش حاسيين فيه !!!!

وبصراحة أنا تعبت بس ما بحسسو لإنو بكفيه اللي فيه

ومع هادا كله عامل حساب لكلام الناس وبقوللي بلاش الأقارب ( وخصوصاً إنا بنقرب لبعض ) يعرفو إني بنام عندكم ،بتعرفو ليش ؟؟ عشان ما يقولو أهل زوجتو أحسن من أهلو وحاضنينو أكتر من أهلو مع إنو ظروفهم أصعب وبيتهم أضيق ( غرفة واحدة ومنافعهم )
يعني مستغربة من أدب زوجي وحرصو على أهلو وبالمقابل أهلو ولا سائلين فيه

إحكولي كيف أتصرف وشو أعمل ؟؟؟ طبعاً مع زوجي مش مع أهلو لإنو هدول الجماعة ميؤوس منهم ، أنا بدعمو بكل أحاسيسي ومشاعري وبحاول أخفف عنو بس بصراحة التعب صار يظهر علي أنا كمان

ما تبخلو علي انصحوني عشان أساعدو وأساعد عيلتي

الله يفرجها عليكم ويرزقكم بيت واسع
حاولي تخلي زوجك يطلب من اهله البيت

يعني ان اختي راي من راي الغالية بشبشة يعني هو كلم اهاه و رفضوا ام انكم تنتظروا حتى هما الي يكلموكم و رحتي عن اهلك
هم اهله وهم اولى بيه يخليه يكلمهم مرة واثنين دو اهله و ما يستحيش منهم
اما بالنسبة لكي اوعي تحسسيه انو اهله مو حاسين فيه لان ذلك يحز في نفسو كثير و حتى لو عارف انهم غلطانين ما يحب يسمعها منك
عليكي بكثرة الاستغفار+ الصلاة على النبي صلى الله عليه و سلم طول اليوم وباذن الله ترين فرج الله قريبا