مرحبا اخواتي كيفكم انا حابة احكيلكم مشكلتي واتمنى انكم تساعدوني ولو بدعاء صغير منكم انا متزوجة من خمس سنين وعندي ولد وعمروا سنة ونص زوجي جد كتييييير منيح والله العظيم مو مقصر علي باي شي شو ما بدي بسير بس المشكلة فيني انا مبارح صارت معنا مشكلة بحكيلي انو هو بيشعر اني ما بحبو وانو هو احسن مني واني باردة وكان بدو ينهي موضوع زواجنا مبارح لانو تعب بصراحة انا بعترف انو كل المشاكل فيي بس والله ما بعرف ليش انا من النوع العصبية وبحس حالي برا البيت بكون مرحة وبضحك بس اكون انا وياه لاء ما بعرف شو بسيرلي حتى هو بحكيلي هالشي كل الناس بتحسدني عليه انو هو منيح بس انا مو حاسة بهالنعمة مو عارفة شو اعمل مو عارفة كيف بدي اغير بحياتي والله بكتب وانا عم ببكي جد كتيييييييييير مدايقة مبارح ما نمت كنت حاسة انو رح يضيع من ايدي كل شي بيتي وزوجي وابني مبارح هو اعطاني فرصة اخيرة انو ازا ما بتغيير وبسير معو للاحسن خلص رح ينتهي موضوعنا هو بحكي عني اني منيحة بس مشكلتي بتصرفاتي معو وهو من النوع اللي بس يدايق ما ببين لحدا معقول يكون مالي شي والله بس اكون بالبيت ما بحب اعد انا وياه بصراحة حتى العلاقة الخاصة بينا انا ما بحب انو يطلب شي وما بشتاق اللو ومو قادرة احكي لاهلي اي شي بحياتي لانو كلهم بعرفوه انو كتييييير منيح ومو مقصر معي بشي
انا طولت عليكم سامحوني بس والله جد هادا الموضوع مدايقني وبتمنى انكم تكونوا افهمتوني وبتمنى انكم تدعولي بالهداية والتغييير بحياتي وتنصحوني باي كلمة بس من غير تجريح لانوبكفي اللي فيي وشكرا اللكم

أحزني حالك أخيتي
لا أعرف كيف أنصحك
فقط دخلت أدعو لك
أسأل الله العظيم أن يلين قلبك و قلبك زوجك و يسخرك لي زوجك و يسخره لك
يارب يدخلو الأخوات و يفيدوك
متابعة موضوعك

مرحبا حبيبتي
حاولي تغيري من نفسك لازم تكوني زي ماهوا بيحب اهم شي العلاقة الحميمة
هيا اهم شي عند الرجل لاتستنيه هوا يطلب انتي اطلبي صدقيني راح يفرح
كثير جددي في حياتك ولو في الأشياء الصغيرة حاولي تكوني هادئة معاه
مرحة والله انتي قولي انا بقدر أكون زي ماهوا بدو وراح تكوني
الله يسعدك وويوفقك ومايشوف احلى منك بالعالم شغلي قرآ في بيتك
خليه على طول شغال

ما بعرف شو بدي اقولك قصتك مو كتير واضحة بس بنصحك
1 ثقي بنفسك اكتر لا تخلي شي يهزك انت اكيد فيك ميزات كتيرة انتبهي لها
2 اي مشكلة بين اتنين براي الاتنين غلطانين ولو بنسب مختلفة يعني مو كل الحق عليك
3 اذا فهمت منه شو بده ساويه وحاولي تتغيري
4 اذا ما عارفة بالضبط شو بده انصحك بالحوار معه وبصراحة ما تخافي من الصراحة احكي معه كتير وخليه يحكي ويطالع اللي جواه حتى تفهموا بعض
5 بالنسبة للعلاقة الخاصة اذا في مشكلة احكي معه بصراحة او استشيري اخصائية اذا في مجال وعالنت ممكن تلاقي هيك مساعدة
اتمنى لك التوفيق ولا تنسي الثقة بالنفس انت رائعة وخبرينا شو بيصير معك

حبيبتي الله يهدي مابينكم ويلين قلوبكم لبعض امين حبيبتي الصراحه والوضوح هم علاج كل المشاكل انتي يالغاليه حاولي وحاولي تتقربي له واذا كان مثل ماقلتي موقادره؟؟ تصنعي اشتياقك له!!! ومع الوقت راح تلاقين احاسيسك له صادقه ومو تصنع وانسي كل همومك وركزي تفكيرك وعقلك انه هاذا زوجك حبيبك الي تتركي الدنيا عشان ترضيه وانه اليوم انتم مع بعض استغليه بأجمل الأوقات بكره مااحد يدري وين بيكون ولاتنسي الأول والأهم فوضي امرك لخالقك واستغفريه واذكريه كل ماطرت المشكله ببالك والله يفرحك ويهنيك.............

اختي سؤال انت هكذا منذ خمس سنوات اي ببدايه زواجكم وانت تعامليه بقسوه؟؟
اسالي نفسك انت بتحبي زوجك؟؟
اذا بجد بتحبيه لازم تغيري في حياتك اولها راح تكون صعبه عليكك بس شوي شوي ان شاء الله بتنحل مشكلتك ديري بالك على زوجك قبل لا يفوت الاوان الزوج اذا احس بالتقصير خصوصا بالعلاقه الحميمه راح يبحث عن زوجه اخرى انا مابدي اخوفك بس هدا الواقع
اختي اشكري الله ليل ونهار انو بعتلك زوج صالح
وانت لازم تكافئيه على طيبته لازم تعاملي متل الطفل صدقيني الرجل بيحب يعامل متل الطفل تودعيه بكلمات حب وتستقبليه كذلك بكلمات حب وتلبسي اجمل لبس وتتزيني له ووتحرصي على العلاقه الحميمه اذا انت مابدك بس هو بدو حاولي اغصبي حالك بس ماتظهريله انو مابدك وانت كمان بادري بالعلاقه ووفري له جو الحنان والحب
وهو بالشغل ابعتيلو مسج حب
اذهبي للصالون قصي شعرك غيري في نفسيتك ابدئي من اليوم
حرام عليك هذا الجفاء الوحده منا بس تتزوج بكون زوجها هو كل حياتها
استهدي بالله والجاي الي الله بالدعاء واكثري من الاستغفار واقرئي سوره البقره
والله يفرج همك ويصلح حالك