السلام عليكم
هدي اول مرة اشارككم رغم اني قرات كل المشاكل وتفاعلت معها سبحان الله الواحد بيشوف مشكلته كبيرة بس غيره يراها صغيرة وحلها سهل يمكن بيشوف الصورة من بعيد اوضح ولح اقول لكم مشكلتي باختصار
انا عندي صديقتين من ايام المدرسة نتواصل مع بعض ونجتمع كل مرة ببيت وحدة ومتفاهمين وارائنا متشابهة ومستوانا الثقافي والمادي متقارب مشان هيك مستمرين مع بعض صار لنا عشر سنين وواحدة اقرب لي من الثانية وحنسمي الاقرب هالة والثانية رانيا المهم رانية لها جارة وصديقة مقربة جدا عرفتنا عليها ودعتنا هالصديقة لبيتها ولبينا المشكلة انو رانيا اقحمت صديقتها معنا وصارت تلازمنا في كل الاجتماعات وانا ما عندي مشكل لو كانت هالبنت متل رانية انا لم ارتح لها وما عجبتني شخصيتها وكل ما بقعد معها برجع مزعوجة وما رح قول صفاتا السيئة كي لا اغتابا المهم كيف بدي اقطع علاقتي بها او خففها بدون ما اخسر رانية لانهما كالاخوات واحيانا تصوروا في جلسلتنا يقعدوا يحكوا سوا في قصص لا نعرفها انا وهالة ونحنا عم نتفرج ونبتسم و كانا مانا هون في مرة اعتذرت وما رحت لعندا بس هي اجت بعدا لعندي يعني ما اقدرت قاطعها قولولي شو ساوي سايرها مشان رفقاتي ولا اتركهم كلهم صعبة ولا قول لهالة بس والله انا ما بقدر احكي على حدا وهي الصراحة تظهر لي كل المحبة بس طبعها غير طبعي
بانتظار ردود الجميع وبارك الله بكم

اذا انت على ثقة عالية برانيا احكيلها انة ما بدك تتعمقي بالعلاقه مع صديقتها او جارتها
او تحكيلها مو كل الجلسات والقعدات لازم تتكون موجودة فيهن ..ومع هيك خلي علاقتك بهالانسانة رسمية
ومجاملة وخلوقة
بالتوفيق

طيب شو السبب الي بيخليكي منزعجه من صديقه رانيا؟
ممكن لانك انتي وهاله ورانيا صديقات من عشر سنيين ومتعودين على بعض وصديقه رانيا اقتحمت عليكم دائره الصداقه بتاعتكم وصارت معكم غصبا عنكم ؟
من رائيي اعطي صديقه رانيا فرصه لتفهموها وتعرفوها اكثر وصراحتا ما الومك سبحان الله في ناس بنحبهم على طول وناس مانتقبلهم من اليوم الاول بس برضو اعطوها فرصه وسبحان الله ممكن تحبوها وتكون صديقه لكم .
تحياتي