انا اعمل في الصالون رئيستي بالعمل نعز بعض كثير لكن شفت لها تقريبا اكثر من سنتين متغيرة عليه يعني لما صرت اتكلم معاها ماتبا تسمعني للآخير ! ومرات تجرح بالكلام كنت ساكته لاني فعلا اعزها واحترمها لانها اكبر مني وكنت مرات اقول ظروف بيتها وعيالها لانها ترد متأخر

لكن لما اجي عندها اسولف تقولي مثلا خذي الورقة وروحي بشكل منرفز ! كانت تتكلم مع وحدة مع العاملات عندنا وشكلها طفرانة منها زين انا شو ذنبي تنرفز عليه وبعدين لما مثلا تروح تسلم عليهم الا انا تتجاهلني اروح لها بحكم العشرة واسلم عليها وتسلم يعني هل نوع من التغلي او في شي بخاطرها لكن هالسنة ماصرت اسكت لها لاني ما احب الي مايقدرني بمشاعري وتعرف اني احترمها واعزها لما روحنا للبيت سلمت على القروب وشافتني وانا تجاهلتها سويت نفسي اعدل سوارتي وتجاهلتني ولا سلمت عليه وقلت في نفسي ولا راح اجي اسلم عليها رحت مع ربيعتي وانا مسويه لها اكبر طاف وكانت تتكلم تبي شي مني بس مانادت اسمي وانا سويت لها اكبر طاف ونبهتني ربيعتي قلت نعم قالت شكرا على الخاتم ( عجبها خاتمي فحبيت اني اهديها نفس خاتمي لاني اعزها والله ولانها ماقصرت وياي ) قلت لها العفو بس على شو ورحت

سبحان الله يعني لما كنت وياها واسولف تتهرب ولما عطيتها اكبر طاف حست ذنب وتسأل عني لاني فعلا قررت اني ما اعطيها سالفة لاني ما احب حد يسوي فيني بهالطريقة
المشكلة اني عاطفية ومشاعري حنونة لكن يمكن جت عند الانسانة الغلط

وفي الآونة الأخيرة
اكتشفت سر الي خلاها تتعامل معاي بهاي الطريقة بدافع الغيرة من زميلتي الي أكبر مني وظيفيا بعد تصادم بيني وبينها سنين الحمدلله الله هداها لي وصرت أحبها لكن رئيسة عملي الي احبها اساسا حسيتها ليش انا اضحك معاها وهي لأ ليش أتقبل من فلانة وهي لأ والله انها ماتفتح نفسي من كثر ماتصد ومن كثر ماتقصد وكثيرة المتطلبات الي انا مليت منها وهي الحينه تكلف وحدة ثانية تسوي شغلها واقسم بالله العظيم اني بديت أتعب نفسيا معاناة سنين مع زميلتي وكم كنت أتكلم لرئيستي عنها

انا تعبت ثنينتهم يغارون من بعض وانا اضيع بالطوشة

الموهيم والاهم فقدت بريقي من الأمل والطموح مع هالثنتين حطموني الله يسامحهم لما جيت ارتاح مع زميلتي والله هداها رئيسة عملي الي كنت اعزها وتعزني نقزت ومألمها لما تجيك من انسانة عزيزة ودايما لما اتكلم مايعجبها كلامي وتقول الصديق مابيدوم لك صديق !
صح عورتني الكلمة لكن بكلمتها هذي خلتني اصحى من طيبتي لكن مشكلتي اني افكر كثير واحس بألم كثير وقهر
واحس اني انظلمت لانها حطت اذنها للقيل والقال وجت قبل يومين انعجبت بحذائي وطلبت مثله وعطتني فلوس وانا رديت لها وجبت لها الحذاء بلون ثاني مالقيت الي نفس اللون جت تسأل ليش مب نفس اللون قلت لها خلص فشريت لك اثنين على ذوقي بلونين مختلفين حسيتها انحرجت واستجربت بنفس الوقت وانا متعمدة اني جبت لها اثنين عشان احرجها وعشان اذكرها اني انا احسن منك واني مسامحتك سويت نفسي اني نسيت ابا اشوفها طلبت منها ماي وسيدي وبعد ساعة لقيتها ردت نفس عادتها وجت تسأل مساعدتها ماعندك شراشة التليفون قلت لها خذي وانا من مكاني قاعدة اسمع مساعدتها خذي فلانة شراشة أميرة قالت بالصوت العالي يووووووه انا طنشت ولقيت شراشتي على الطاولة الخاصة فيني \دعيت عليها أمس بأن الله ينتقم منها من حرقة قلبي منها وكيف تبيع العشرة وكل ساعة تردد النفوس تتغير ماتضمنين والصديق لك مايدوم ! واليوم قاعدة استغفر وادعي لها بالهداية لاني فعلا ما احب حد يتأذى لكن الي تسويه شي مو طبيعي تحسب الكل اعدائها لانها لها فترة تعاني من جحود ومشاكل العاملات لكن للاسف اعتبرتني عدو بمجرد اني بديت اشتغل شغل مش شغلها

بس انا اشكرها خلتني افكر اراجع حساباتي بس في خاطري اترك لها المكان تشبع فيه بس كيف اطلع اذا طلعت بيكثر الكلام وثاني شي تردني المواقف الزينة الي سوتها معاي طول السنين لانه يرجعني اصلي
انا استاهل لما اخلي مشاعري تسيطر عليه

اتمنى انكم تفيدوني لاني ناوية اتغير للأفضل وانسى الي صارلي

الله يكون معاك حبيبتى واستعينى بالدعاء والاستخارة فاختيار الصديقات
صدمة من الصديقة شىء صعب جدا وانا حاسة بيك لانى صدمت منصديققة اوانا الى كنت اعتبرها صديقة
حبيت ادعيلك ربنا يوفقك ويهدى الجميع

اسمحيلي انت الي حطيتي نفسك في هذا الموقف كيف هي تطلب منك تشتريلها حذاء وانت تشتريلها 2 وما تاخذي ثمنهم وكيف تتساهلين معها الى هذه الدرجة انت الي عملتي في روحك هيك مولازم تضعفي ومولازم تكوني هك ناقشيها واذا لزم الامر سبيلها الشغل وكرامتك أغلى من كل شيء تقبلي مروري

أناصابتني نفس المشكلةتقريبآ
بس وش سويت في نفس اليوم ارسلتلي رسالةأن أهلهاقاموايدعون علي بس أناشسويت مارديت عليهابالمثل ولاحطيتهاعلى بالي لكني مازلت أعزهامثل قبل لكني مااااااااااااأكلمهاولاتكلمني بعدماهدت السالفةظليت أتصل باستمرارعلشان ربي يكثرحسناتي ماأعامل بالمثل بالعكس بعدين خلاص أنتهيت عن الأتصال مرةعلشان أعزنفسي مش لهذي الدرجةعادظليت أتصل يعني ذليلةلاوالله ...(صحيح ماأردبالمثل لكن نفسي عزيزة)بعدين رسلت لي في بدايةرمضان ورديت لهاالرسالةبس اذاكلمتني ثانيةيمكن أكلمهالكن مش مثل قبل اذاكانت نصيحتي صحيحةخذي بهاولالاتأخذينها((بس الى ألحين اذاحصلت مناسبةماأكلمهابالهاتف لارسالةتهنئةأوتذكيربالله))فقط لاغير

اذاأصبت فمن الله وان أخطأت فمن نفسي والشيطان

جزاكم الله خير والله يهديهم

بس خلاص بديت اتعب