السلام عليكم
كيفكم يا صبايا...صارت عندي مشكلة خفيفة وقلت اكيد اخواتي في المنتدى يساعدنني...

خطبت منذ ما يقارب شهرين والحمد لله الشاب متدين وبيعرف ربنا ومسوؤل يعني ربنا كريم الحمد لله وان شا الله انه بيطلع احسن واحسن من اللي في بالي

المهم بعد اول شهر المشاكل زادت شوي طبعا لانه احنا اتنين غرب لسة وفعليا بنتعرف على بعض
....طبعا حتسالوني اهلك اهله ؟؟بقلكم الحمد لله احنا التنين كبار(انا 28 وهو 33) والنا شخصيتنا المستقلة باذن الله..

حتسالوني هو بخيل لئيم شكاك شرير او او او؟؟بقلكم الحمد لله

اكيد بتفكره بالسبب



طلع السبب الاخير انه انا شخصيتي كتير قوية!!!ما بنكر انه الحمد لله عندي استقلاليتي وشخصيتي قوية بس هاد اللي كان عاجبه فيي...هلا بقلي لا بحس انه انتي ماما...حكالي بالحرف الواحد انتي شايف الكل اولادك وحتى اخوانك بتعامليهم كاولادك الصغار وصاحباتك بيجو بياخدو رايك متل امهم..وهاد كله حلو وعاجبني مع كل الناس الا انا...وانه حابب يشوفني دلوووعة كتير كتير ومتل بنت 16وما اضل احسسه انه انا كبيرة وراكزة وبستحي لانه بحس حاله متله متل الغريب

طبعا الله لا يحط حد محلي وقتها صار وجهي بالالوان وانا كنت اقله انه الناس بتحترمني وبتاخد برايي وانه انا حنونة مع اخواني متل ماما وقال شو كنت مبسوطة على حالي وبفكر انه بياخد عني فكرة احسن ...بس انقلب السحر على الساحر


هو معه حق انا راكزة وجدية كتير كتير بس مش بايدي وعمري ما دخلت بعلاقات مع شباب قبله الحمد لله فما بعرف كيف بدي ادلع او ابين بنت صغيرة...طبعا انا مستحيل امسك ايده قدام اهلي او البس قصير او مفتوح لانه بستحي وبحترم اهلي كتير ..

يا ريت اللي عندها تجربة او نصيحة تفيدني...


ملاحظة:عندي قابلية كبرة للتعلم

كلام خطيبك صح

فلكل مقام مقال


ولكن ايضا الدلع بحدود لانه لسا مش زوجة

فلازم يكون شوية حدود


لازم يحس خطيبك انك محتاجة لرايه ومشورته

وانه مسؤول عنك


لانه مخلوووق بحبه للمسؤولية عن الغير


وانه الناس تبعه ومحتاجين ليه


والدلع والطفولة مشاعر عندما تقومي بها يشعر هو برجولته


فاتركي لنفسك مجالا للتصرف من دون تفكير كبير


ومن غير قيوود زيادة


ومش شرط الدلع يكون باللبس القصير


ممكن تلبسي طويل لكنه طفولي الوانه ورسماته وموديله


بيوحي بانك بنت 14 مش 16


ربنا يوفقك