السـلام عليكم ورحمة الله وبركاته

لا أعرف من أين أبدأ أنا مهمومة جدا وتعبانة كتيييييير مش عارفة شو الحل أنا من زمان حبيت واحد بيكون ابن عمتي وابن خالي بنفس الوقت
حبيته يعني من أول ما وعيت على الدنيا بس من طرف واحد هو ما يدري هو أكبر مني بسبع سنوات وعلاقتي بعمتي وبناتها قوية جدا ارتاح لهن وهن يرتحن لي جدا وأخته تعرف اني بحبه وبتقولي دايما انو هو ما بيستاهلني وعمتي دايما تلمح لأمي انها بدها تخطبني إله


المهم قبل فترة أخته فتحت معي الموضوع إنو لو تقدم لخطبتي أنا أرضى ولا لأ وانه هو إلي قالها بدو يعرف رأيي بس ما أقول لأمي مع العلم إن أخته كانت تعرف اني بحبه بس أنا متأكدة ما بتقله المهم أنا ما رديت عليها قلتلها لو تقدم لخطبتي بشكل رسمي حينها يسمع ردي وسكرنا عالموضوع ولم نفتحه بعد ذلك بس أنا يومها حكيت لأمي وما خبيت عنها وامي ما كانت موافقة بالأول لأنه أكبر مني برأيها بكتير وأنه لا يتحمل مسؤلية بيت ولا عائلة وله علاقات كتيرة جدا مع البنات وبعدين قالت نفس كلامي .واتقدمولي كتير ورفضتهم بسببه وقلت يمكن يتحرك


وبعد فترة قصيرة سمعت انه بدو يخطب وحدة تانية وله علاقة معها من فترة طويلة أنا بصراحة تعذبت وتعبت كتيييييير بسببه وكنت اصيح ليل نهار امي انبسطت وقالت احسن إلك هيك لأنه لا يناسبك ولا يستاهلك وصارت مشكلات كتيرة بعائلته لأن عمتي وبناتها مو موافقات عالعروس وعلى قول أمه وأمي وخلاتي انها مش حلوة أنا ماشفتها

بس أنا تعبانة كتير مش عارفة كيف بدي أعبر عن إلي جواي أنا عارفة انو شخص لا يندم عليه والكل بيقول اني خسارة فيه بس انا مش قادرة انساه بحبه مش بايدي أنا أؤمن بالقسمة والنصيب بس ما بعرف ليش كل ما يجيبوا اهلي هالقصة بصيح وبتندم ما بعرف ليش الكل بيقول عنه ما بيقدر يتحمل المسؤلية وانو منظر عالفاضي وأنا عارفة انو إلو علاقات كتيرة بالنبات واأنا بكره هادا النوع بس ما بعرف أنا مش قادرة أتحمل حياتي
مش قادرة افضفض لحد ما إلي حدا أشكي إله ما حدا فاهمني صحباتي بيستهتروا بمشاعري واخته ما بقدر احكيلها ولا هي بتفتح معي الموضوع وأنا ما بينت لحد إني متأثرة بالموضوع بالعكس ببين قدام اخواته اني مبسوطة عالأخر ومرتاحة جدا وبشكر في الي بدو ياخدها كاني بعرفها وبحضر لفرحه بالعكس الكل فاهم اني أنا عادية ومش مأثر علي الموضوع ما عدا أمي


وإلي زاد علي إنو أخي أصغر مني بيحب أخته وبيكلمها وأنا بحب اخته كتيييير وانبسطت كتيييييير بس ما بضمن أخوي شو بيحكيلها عني وعن هادا الموضوع خايفة أخوي يقلها اشي وأنا إلي مبينة قدامهم اني عادية ومش متاثرة خفت أخوي يروح يحكيلها قلتله مرة وحلفلي انو ما قلها بس أنا ما بعرف ما بضمنه والللي تاعبني كمان انو بنت عمتي هي نفسها اخته من اقرب الناس الي وبرتاح الها وهي كمان بترتاحلي وقبل علاقتها باخوي كانت تحكيلي كل اشي عنها بس ألحين بحسها اتغيرت علي كتييييييير وبتخبي علي اشياء كتيييير وهادا تاعبني جدا جدا ومش عارفة اتصرف معاها

أنا تعبانة كتييير مش عارفة كيف أفكر إلي تاعبني انو الكل مفكر اني عادية وانا ميتة من جوا أنا نفسي أنسااه وانسى حبه وعذابه بس ما بعرف بدي أعرف رأيكم بالموضوع أنا ما بعرف مش عارفة افكر تعبانة خايفة الكل ياخد عني فكرة غلط مع اني ما بينت لحدا اني بحبه غير أخته الي بتعرف وامي

عارفة طولت عليكم بس كنت محتاجة أفضفض وأرتاح


سامحوني

شكراإلك samsara على مرورك وردك

بحمد الله مليون مرة اني عمري ما تكلمت معاه ولا صار شي
انا إلي تاعبني اني أنا احيانا كتييرة بكون مرتاحة وبحمد الله انو ما طلع من نصيبي بس فجأة بتلاقيني بصيح لما حدا يجيبلي السيرة ما بعرف ليش

شكرا كتير الك وعلى فكرة كلامك نفس كلام امي

ما شاء الله الاخوات ما قصرو
اختى دائما وابدا الحب من طرف واحد صعب جدا
لكن انتى تقولى انه له علاقات مع بنات صدقنى لو تزوجتو اكيد حياتكم هتكون دمار
تعرفى ليش اولا لانك انتى الا بتحبه ثانيا راحة كل ساعة اتشكى انه بحكى او على علاقة مع بنات وكل الحب هذا الا انتى بتقولى عنه راحة تندمى عليه
واهم من كل هذا فى مثل يقال با المصرى اعتقد بعد ما وقعت الفاس براس
امك مش موافقة عليه صح
اتصورى لو تزوجتى هذا الانسان وحياتك كانت كلها نكد لمين بدك تشكى لامك اكيد امك صح مش راح يهون عليها لكن هتقولك نصحتك
حاولى تشغلى فكرك فى امور مهمة
وان شاء الله ربنا برزقك فى ابن الحلال الا يحبك واتحبه وما كان الو اى علاقات لا مع بنات ولا مع اى شى يغضب الله
اسفة لاطالة

حبيبتي أولا لازم تتمسكي شوية في عواطفك ولي مكتبو الله راح يصير

السلام عليكم و رحمة الله
الأخت المجروحـة ، مشكلتكِ لها حل إن شاء الله .. و الحل موجود في كتب لابن القيم رحمه الله ، اسمه : الداء و الدواء أو ( الجواب الكافي ) ابحثي عنه و اقرئيه .. فهو يتحدث عن مشكلتك و كيفية الخلاص منها
أختي الفاضلة النفس إن لم تشغليها بالحق شغلتكِ بالباطل
و أظن أنه لدي فراغ في حياتكِ .. فراغ روحي و فراغ في الوقت ،، و إلا لما شغلت هذه الخواطر تفكيركِ ، عليكِ بإعمار وقتكِ بالأشياء المفيدة
و تأكدي يقيـــنـــاً أنه بمجرد أن يتقدم إنسان غيره لخطبتكِ ستجدين نفسكِ نسيتهِ تماما
لأن الحب الحقيقي = الرحمة+المودة ( و هذا لا يكون إلا بالمعاشرة لبناتجة عن الزواج )
وفقكِ الله ، و حاولي أن تفهمي أسرتكِ بعدم ذكر سيرته أمامكِ لكي لا تضطري لدفع الخواطر التي يقذفها الشيطان في صدرك عنه كل مرة ، و عليك بالطاعة و تلاوة القرآن و قبل ذلك الدعاء أن يصرفه عنكِ و يصرفكِ عنه ..
فهو لا يستحقُكِ كما قالت والدتُكِ أطال الله عمرها على الطاعة
أصلح الله شأنكِ و رزقكِ البر و التقوى