الســـــــلآم عليكم والحمه الله وبركاته
اخباركم ان شاء الله بخير
ابدخل موضوعي
عمري 16تقريبا من الاربع الاعوام السابــــــقه وانا اعاني
من االانطواء والعزله واي احد يكلمني ارمي عليه كلمه وابدا اهاجمه
صار سريري وكلام مع نفسي هو الي يونسني
وهذا بسبب مشاكل والمضايقات اللي ماله داعي من قبل اهلي وخوالي
بس الحين تعدل الوضع وصار افضل بكثير بس المشكله
انا اللي رحت فيها ولاحد يحس فيني
صرت ماعرف اتكلم زي الاوادم واتلعثم عند مقابله الناس ولا اعرف الرد ودي اصير زي اي وحده في سني ..
في النت يقولون حرام اللي سويت في نفسك
من صغرك والله يوم قالولي وعيون تدمع مو على كيفي
بس الحمد لله على كل شيئ
اللي ابيه منكووم شلون اغير نفسي واعرف اتكلم واذا بعد ودي اكوون وحده فرفووشه
او في العطله وش اسوي مابي اجلس فاضيه لاني بسولف على نفسي وهذا ابغاه قبل المدرسه
لاني بالمدرسه صارو البنات مستحقريني بس انا ماني مهتمه من تصرفاتهم
بس ابغى اطور من نفسي علشان ماكرر نفس غلطتي في اربع سنين

حاولي تتكلمين وتردين باسلوب هادي
انسي الخوف مع الكلام
حاولين تختلطين مع الناس
ومع البنات اللي بعمرك
وان شاء الله بتتغلبين ع خوفك
والبنات راح يفيدونك اكثر

ابحاول مشكووورين ماقصرتو
راح اكثر اختلاط بالناس والله ياعين وييسر

ياعسل
بنتي الكبيرة بعمرك واحنا مرينا بتجارب كثير في الحياة علمتنا انه مافي شي مستحيل
اول شي لازم تعرفين ان الانسان مايولد متعلم
وزي مايقولون انما العلم بالتعلم وانما الحلم بالتحلم يعني راح تقدرين
وثاني شي لاتحملين غيرك اخطاءك وتبرري لنفسك ولاتقولي ماحد يحس فيني
انت ابدئي خطوة بخطوة ولا تستعجلي النتائج
ابدئي مع اهلك مع امك اذا تقربتي من امك ستوجهك اولا
بنتي بعمرك كل شي تجي لي وتقول لي وهذا خلا علاقتها باهلي اكثر يعني خوالها
والكل يفتقدهاويسال عنهابعكس بنتي الثانية فقد كانت انطوائية نوعا ما وانا احاول اكلمها ومالها كثير اصحاب لكن من العام بديت اتقرب
لها اكثر وماشاء الله عليها العام ماكان لها الا صديقة وحدة وهالسنة لها شلة من 8 صديقات ووضعها تحسن
وان شاء الله انتي كمان ابدئي بالكلام الحسن مع اهلك وتقبلي اي تعليقات من اهك وحاولي ماتردين عليهم لحد مايشوفن التغير الي حصلك وشوي شوي تقربي واختاري لك صديقات
والله الله بالدعاء
والله يوفقك ويصلح حالك ياعسل

حاولي تعززي ثقتك بنفسك لتكتسبي القدرة على مواجهة المجتمع
اهتمي بمظهرك (بدون تبرج طبعاً)
ثقفي نفسك بالقراءة و البرامج الهادفة
بالنسبة للخلافات مع الأهل ,
هذا ما يعرف بصراع الأجيال و هو أمر طبيعي تقدري تتخطيه بفهم واجبك نحوهم
فواجبنا نحو الأهل يتلخص في
طاعتهم في غير معصية الله
وكسب رضاهم
و ليس من واجب الأبناء نقد تصرفات الآباء و لو كانت خطأ لأن هذا سوف يؤثر بالسلب على إرضاء الوالدين الذي أمرنا به الله و إن فعل الوالدين معصية ظاهرة فكل ما يجب عليك الموعظة بالحسنى دون تكرار ممل أو إلحاح مستفز .
و إن كنت لا أستطيع أن أغير ما بداخلي من حزن من تصرفاتهم فيجب عليا إخفاؤه عنهم حتى لا يحزنهم
فإذا طبقت ذلك ستحوزين على رضا أهلك و ستريحي بالك إن شاء الله .