السلام عليكم اخواتي بصراحة احترت وين اكتب موضوعي بس قررت اكتبو هون وموضوعي هو طويل شوي بس مهم وبداية القصة من 11 سنة تقريبا كنت بالسنة الثانية ثانوي كنت ادعي ربي انو يبعتلي عريس من شان اذا رسبت بالثالث ثانوي اتحجج بالعريس بس كنت قول انو حظي حلو انو تزوجت قبل الثالث الثانوي بس بعد زواجي ب12 يوم جبت كتب البكالوريا بس عالفاضي وكان بابا دايما يقلي اذا نجحتي رح جبلك سيارة وكنت كل كم سنة ادرس شوي وابطل وبعد عشر سنين من زواجي صار زوجي يتاخر بشغلو كتير ومشكلتي ماعندي هواية وماكتير بحب التلفزيون ولا بحب اطلع كتير من البيت واذا طلعت فالحديث بيكون ياحكي عالناس واذا ماحدا بيحكي على حدا بيحكو على شغل البيت والطبخ والغلى والرخص يعني حديث ما بينفع ولا بزيدنا معلومات فقررت ادرس هالمرة بجد وزوجي كتير شجعني (لمصلحتو طبعا من شان ابطل نق)المهم وفعلا درست ولحالي علما انو عندي 3 اولاد بس دراستي كانت يعني كتير رديئة يعني درست نص الكتب وفي اربع كتب فلسفة درست كتاب واحد المهم اجا يوم الامتحان وكان بابا يوصلني للفحص(وزوجي يكون نايم طبعا)طبعا عبتقولو بنفسكن الله يخليلك ابوكي بس اكملكم القصةالمهم وعدى الفحص وكنت متوقعة الرسوب طبعا لانو سبق وقلتلكن انو دراستي رديئة المهم انتظرت كتير ظهور النتيجةبفااااااارغ الصبروحتى قبل النتيجة قررت اعمل حفلة سواء نجحت اولا وعزمت الناس والحفلة كانت حتصير عند اهلي لانو بيتي صغير المهم كان يوم خميس والساعة 7 الصبح اجت اختي لعندي وقالتلي امشي نروح عند اهلك لانو بابا تعبان شوي انا طبعا خفت كتير المهم نزلت عالسيارة انا وجوزي وكان جوز اختي عبسوق وكنت عبشوف اختي عبتكبي وكتير اتدايقت منها قلت لحالي ليش عبتفول عليه خلص ان شاللله مافي شي وصلنا عند فتحلي اخي الصغير وسالتو وين بابا شو في وماكان بيعرف شي حتى اختي الصغيرة فاقت عبتسالنا شوفي وكنا كلنا ماعبنعرف شو عبصير بس اختي الي جابتني وقالتلنا انو ( صعبة علي اكتبها ) انو بابا مات وكانت الصاعقة والم فظيع مارح اطول عليكم المهم هاد كان يوم خميس وكان يوم السبت الي بعدو هو تالت يوم لوفاتو وتعرفو كان البيت مليان معزيين وكان هاد اليوم رح تطلع فيه نتيجة البكالوريا وكنت عبدعي ربي انو ارسب لانو حسيت مارح اتحمل انو انجح وبابا مو معي لانو هو كان اكتر واحد يشجعني بس نجحت واستغربن انو نجحت وحسيت في شي غريب بنجاحي انو كيف نجحت مابعرف وفتت عالجامعة وهلق انا سنة اولى ولحد هلق في شغلات غريبة تصير يعني متل انو انا قدمت بالفصل الاول اربع مواد وطلعت بس مادة لحد الان وكنت متوقعة فيها رسوب بجدارة كمان بس جبت فيها 63 من 100 ومن وين اجو مابعرف هي قصتي مابعرف اذا رح تستفيدو منها شي بس هي القصة انا بتحسسني انو انا كتير الله بحبني طبعا من ناحية الدراسة وحظي حلو بس مافي شي كامل حققت حلمي بس الله اخد مني اغلى انسان عندي وبتمنى من المشرفين انو اذا موضوعي مالو مكان وبدهن يشيلوه بس يكتبو تعليق وشكرا

السلام عليكم و رحمة الله و بركاته

ياااااااااااااااااه

كم هو صعب أن تتحقق أمنيتك الوحيدة في وقت لا يبدو لك مناسبا!

قلبي عندك أختي

الله يرحم والدك و يسكنه فسيح جنانك

لكن الحياة تستمر و الله خفف عليك بدراستك

حتى تري عظمة الخالق

قصتك حزت في قلبي لكنها أفرحتني أيضا

أتمنى لك التوفيق

وكان بابا يوصلني للفحص(وزوجي يكون نايم طبعا)طبعا عبتقولو بنفسكن الله يخليلك ابوكي


خنقتني العبرة أثناء قراءتي لهذه الجملة

ذكرتني بحبيبي رحمه الله واسكنه فسيح الجنان


مانوقعت تكون نهاية السالفه انك تفقدينه ):

أحسست بعد قراءة قصتك بضيقة صدر شديدة

جبلت على كدر وانت تريدها صفوا من الآلام والأكدار

جمعنا الله واياك اختي ووالدينا في الفردوس الاعلى من الجنة ...

الله يرحم والدك و يسكنه فسيح جنانك

جمعنا الله واياك اختي ووالدينا في الفردوس الاعلى من الجنة ...

اللهم امين

رحم الله والدك عزيزتي وأسكنه فسيح جناته
أسأل الله تعالى أن يجمعك ووالدك ومن تحبين في الفردوس الأعلى

رحم الله أباك و أسكنه فسيح جناته

....


لكن الحياة تستمر و الله خفف عليك بدراستك


___