محتاجة لكم جميعاً أرجوكم ساعدونى ........................ من المجتمع

aksachli

Administrator

تاريخ التسجيل: Dec 2014

المشاركات: 365533
- مشاركة
- تويت
#1

محتاجة لكم جميعاً أرجوكم ساعدونى ........................ من المجتمع

01-06-2015, 10:13 AM

عنوان الموضوع : محتاجة لكم جميعاً أرجوكم ساعدونى ........................ من المجتمع
مقدم من طرف منتديات أميرات

بسم الله الرحمن الرحيم
أخواتي الأعزاء محتاجة لكم كتير الله وحدة يعلم مدى إحتياجى لكم انا تعبانه تعبانه قوى ومش من دلوقت من فترة كبيرة لكنى انا من النوع اللى مش بلجأ فوراً أنى اكتب مشكلتى الا بعد أن أعجز تماماً عن حلها وقتها لا اجد ملجاً بعد الله غيركم
مشكلتى هى
الوحدة
الوحدة يا أخواتى شعور لا يشعرة ولا يقدر قوة معاناته الا من شعر به
شعور مؤلم
زوجى فى عمل مواعيدة من الصباح الباكر إلى الساعة الرابعة عصرا ويوم الخميس إلى الساعة 12 ظهرا فى بداية الأمر كانت الأمور جيدة لكن شهر واحد فقط وزوجي لم يعد يلتزم بالمواعيد الرسمية للعمل يذهب فى الصباح وياتى 8 – 9 – 10 ليلاً وطول النهار انا مع أطفالى فى البيت وخناقات كتير بينا لأن انا هنا مش بخرج خالص الا مع زوجى يعنى محبوسة بين اربع جدران كنت أنام احلم والله العظيم أنى فى سجن لكن بابه مفتوح ورغم ذلك لا أستطيع الخروج فعلاً هذا حالى بالظبط أخر اجازة فى بلدى من شهر كان زوجى معانه وقالى أوعدك بتغير أسلوب حياتنا وها انا لا تغير شىء بل أزداد الأمر سوء أطفالى صغار خمس سنوات وسنة أبنى يبكى ليل نهار بحرقة يقولى زهقان ياماما نفسى أخرج نحن لا نرى الشارع ابداً الا مع زوجى وزوجى مش فاضى لينا تخيلو ناكل طول اليوم وحدنا انا واطفالى نجلس طول الوقت وحدنا لا اجد من يساعدنى فى تربيتهم خصوصا ابنى الذى اصابه العند ولدية طاقة رهيبة فى الكلام والسؤال والأستفسار عن كل شىء قلت لزوجى عندى اتفاق مستعدة اتحمل طول الاسبوع تأخيرك فى العمل ولا أشغلك بأمرى فى سبيل يوم الخميس تلتزم انك تيجى بعد أنتهاء الميعاد الرسمى للدوام اللى هو 12 ظهراً أو حتى 2 ظهراً مش مشكلة وخميس وجمعة نخرج أو نجلس سويا زوجى لم يرد عليه لا بالموافقة ولا بالرفض وأستمر الحال بل كل يوم يزداد سوء على سوء تخيلو لما أكوون يوم جهزت الآكل وتفننت فيه وارسلت له رسالة يجى يتغدا معانه أولا ووجد فورا بيقولى انا جاى طرت فرحاً وارتديت ملابس مناسبة وجميلة فرحا ً بمجى زوجى فى ميعاد مبكر ليأتي وبعد الغدا يقول لى انه مسافر لبلد بجانبنا لمدة يومان فى عمل وتركنى انا وأطفالى وحدنا فى الغربة والوحدة
مواقف كتيرة ضرسى يؤلمنى بشدة وطالما الحيت انى اذهب للدكتور ابنى بحاجة ضرورية للكشف على عينة لمرض ما كل هذا ولا حياه لمن تنادى اقول له انا لا اطلب منك تفسحنا فقط نروح للدكتور يقولى أن شاء الله وينتهى الأمر
أين حياتى أين عمرى الذى يضيع هنا بين أربع جدران أربع جدران أفعل فيهم كل ما أستطيع كى أشغل وقتى فى شىء مفيد لكن خلاص مش قادرة اتحمل اقف فى البلكونة وابكى نفسى أنزل الشارع نفسى أروح حديقة بأطفالى زوجى يصمم يوم الجمعة ويأتى الجمعة انا اللى اتحايل وهو يظل يتلكع حتى يمر وقت فى المحايلة وفى الاخر ننزل بسرعة ونيجى بسرعة
أنا مش عارفة أنا بقول إيه الحقيقة اكبر من كده والمواقف أكبر من كدة بس أنا أطلت عليكم
زوجى العمل عنده رقم واحد العمل هو الشيء الوحيد اللى بيجرى علية فوراً والعائد من كل هذا المجهود الذي يفعله غير مناسب ابداً لكن مش هى دى المشكلة المشكلة أن اى حاجة هنا عايزة اعملها لازم تكون عن طريق زوجى يعنى فى بلدى ممكن اروح لأصدقائي أأخذ اطفالى ونذهب لمكان بالقليل قوى اخذ ابنى اتمشى فى الشارع شوية واجيب شوية حلويات وارجع لكن هنا أنا مقيدة محبوسة مش عارفة اعمل ايه بجد ببقى نفسى اتكلم مع زوجى فى أمور في حياتنا وأطفالنا فلا أجد وقت مناسب دايما تعبان طبعاً لازم يكون تعبان من عملة
ياجماعة هو ربنا قال كدة اللى انا فيه ده صح ولا انا غلط ولا ايه

>>>>> ردود الأعضـــــــــــــــــــاء على الموضوع <<<<<
==================================

السلام عليكم
هدي بالك يا اختي انا اعرفك من خلال اجزاء قصة حياتك الي كتبتيها زماني
فقد اعطيتي مثلا في القوة و الصبر فارجوكي ابقي قوية كما عرفناك اسمحيلي اكلمك مثل اختك

بخصوص انك ما تطلعي برا انا على حسب علمي انتي ببلد عربي يعني مافي خطر كبير
عليكم لو رحت على اماكن عامة وقريبة او تعملي صدقات مع المغتربات هناك
اهو دا الي حضر في بالي الان واشا الله الاخوات يساعدوك
لي عودة
ربنا معاك في غربتك ولن يتركك فلا تحزني

__________________________________________________ __________

الله يكون فى عونك حبيتى طيب انزلى احسن وهو يجلكم بالاجازة احسن دا رئبىى

__________________________________________________ __________

الله يكون بعونك عزيزتي
فعلا وضع لا تحسدي عليه
بس انا عاوزة افهم ليه مش ممكن تخرجي لوحدك انت والاولاد لحديقة او منتزه او تتفرجي على المتاجر...
هل ذلك غير مسموح به في بلد اقامتك
ارجوك وضحي اكثر حتي نقدر نساعدك او نخفف عنك

__________________________________________________ __________

حبيبتى الغالية
اولا : هل هناك ما يمنع ان تخرجى انتى واطفالك معا
ولا لازم وجود زوجك ؟؟؟؟؟؟؟؟؟؟؟

اما بخصوص الوحدة
فاين الوحدة فى وجود الاطفال _ بارك الله لك فيهم _

انتى بس زعلانة شويه
اهدأى واصبرى
وباذن الله تصبحين فى اسعد حال

__________________________________________________ __________

اه يا حبيبه
وجعتى قلبى
حرام عليكى
طب انا مش مكفياكى ولا ايه
ماحنا بنحط همنا على هم بعض
حرجعلك تانى ياقمر لا تقلقى

حبيبة أمها الجمييييييلة

طولي بالك يا قمر, كلنا في الهوا سوا

انا بردو طول النهار لوحدي, و زوجي لما يرجع من الشغل يا اما على النت بيشتغل, يا اما نايم

يا اما عند مامته, يعني وحدة فظيييييييييعة و الحمد الله

بس انا طلعت من الموقف ده شوية عشان انا اجتماعية حبتين, تعرفت على جاراتي, و بقينا

قريبيييين جداااااا, بالرغم ان جارتي أكبر مني و بناتها في سني تقريبا, بس انا عرفت ازاي

أدخل معاهم في الحياة و بقيت مش لوحدي قوييي

بس انا حاسة بيكي عشان انا عشت الوحدة و من غير أطفال كمان, يعني بين 4 حيطان

بكلم نفسي, لا ولد يعيط و لا بنت تضحك, بس الحمد الله قدرت أعتمد على نفسي و أتصرف

و الحمد الله بنات المنتدى مش مقصرين و النت شاغلني و مقصر عليا الوقت جدااااااا

صلي على حبيبنا النبي عليه الصلاة و السلام و روووووووووقي يا حلوة

سلالالالالالالالالام
الكلمات الدلالية (Tags): لا يوجد

السابق template التالي

إعـــــــلان

محتاجة لكم جميعاً أرجوكم ساعدونى ........................ من المجتمع

محتاجة لكم جميعاً أرجوكم ساعدونى ........................ من المجتمع