السلام عليكم ورحمة الله
فالحقيقه وحشتونى جدا
يمكن بقالى اكتر من شهر مدخلتش تماما المنتدى
وده لانى بمر بمشكله فحياتى

محتاجه مساعدتكم فيها على امل الاقى عندكم حل

انا متزوجه من سنتين ومن بداية جوازى من اول اسبوع وانا اكتشفت ان زوجى من اتفه المشاكل يكبرها
من رابع يوم زواج البيت كله سمع صوته وهو بيزعقلى وده لسبب تاااااااافه جدا ازاى انشر هدومه الداخليه فاول حبل غسيل
والبيت اتفرج عليه وهديت وصالحته
وتتوالى المشاكل على نفس الموال
اهانات فالشارع
فالبيت
فالزيارات العائليه
فالرحلات والفسح
مسبش مكان الا لما يهينى ويقلل من قيمتى فيه
وانا اسامح واغفر
لحد متمادى للضرب ومد الايد وقدام الناس وبرضو كنت بسامح
لحد مجه الوت الى مبقتش قادره اسكت وعرفت اهلى
وادخلم ونصحوه ويعتذر ويرجع تانى كالعاده
ومن شهر واكتر حصل خلاف بسيط جدا
هو كبره وقعد يزعق وضربنى ومسكتش على كده راح نادى سلفتى وضربنى واهانى قدامها
وغلط فاهلى
ولاول مره فى حياتى اغلط فيهواطول لسانى عليه من تعبى
دعيت عليه وقلبى مليان حرقه منه
كرهنى فابنى كل ميعيط او يحصل حاجه مشكله بسببه
تعبت ومبقتش قادره
حاولت اسمح مش قادره
ولا حتى قادره اسمع اسمه
كل ما اشوفه او ييجى سيرته بقيت ادعى عليه من قلبى
كرهته بمعنى الكلمه
سيبت البيت بقالى يومين قلت ارتاح واهو ارجع واكمل
مش قادره ارجع
والدتى كلمته لان والدى مسافر قالتله يحسن معاملته
بس انا مبقتش خلاص قادره اتحمل
ولا متقبله منه اى كلمه
انا طلبت الانفصال وهو رافض
بيقول بيحبنى ازاى انا مش عارفه
مشفتش معاه يوم حلو وكنت بتحمل
ضيع كرامتى واحترامى قدام الناس وقدام حتى نفسي
مبقتش قادره احترمه
الكل يقلى احملى علشاتن ابنك
بس مش قادره وعندى استعداد اسيب كل حاجه حتى الولد بس ارتاح
انا تعبانه
ومش عارفه اعمل ايه
انا حسه انى مت ومش عايشه من يوم متجوزته
ساعدونى ارجوكم


انا علفكره سالته انا واهلى ماثره فايه كانت اجابته ان مفيش حاجه ماثره فيها
وانى كويسه

ربنا معاكي ويفرج كربك آمين يا رب العالمين
انا عارفة ان اي كلام هيتقال ممكن مش يريحك لان انتي اللي عايشة الموقف وانا مهما كان انسانة بتكلم من برة
لكن كل اللي اقدر اقولهولك انك تصلي استخارة وربنا هيعملك الخير
وحاولي مش ترجعي بالساهل
حتى لو عايزة ترجعي خليكي في بيت اهلك شوية وحسسيهانك فعلا بايعاه
لحد ما يحس بقيمتك
انا اختر مرت بتجربة زي دي وقعدت عندنا 4 شهور رافشة هي وبابا كل محاولات الصلح
وهو كان مكابر يجي ويعتذر لحد ما طلبها وقالها انه محتاجلها ومش قادر
وفعلا اتغير والحمد لله دلوقت خلاص اللهم الا م نالمشاكل العادية اللي في كل بيت
ربنا يكرمك ويعملك الخير ان شاء الله وبفرج كربك وكرب كل مسلم ومسلمة يا رب

ربنا يفرج همك يارب
صللى صلاة الاستخارة وخليكى فعلا فى بيت اهللك لحد مايحس بقيمتك ولوحسيتى منه بالندم ارجعى له لكن لو تكرر مد ايديه عليكى الاحسن تقعدى فى بيت اهلك احسن لكى

اختى الغالية

فرج الله همك

ولا تعودى لهذل الزوج الا بشروط مشددة
وان كان ابيك غير موجود
فاجاى لعمك او لخالك
المهم
خدى موقف
والا فلا عودة

الله معك

و أنا مع الأخوات
حسسيه إنك لا تخافي من شيء حتى لو كان الطلاق
طالما هو حاس إنك ساكته و متمسكه فيه مهما عمل و مو حابة تشوهي سمعته رح يستمر و يتمادى
خلاص ما دام الموضوع كبر و اهلك عرفوا لا ترجعي بالساهل حتى لو اضطر الأمر إنك تطلبي مهر جديد خليه يتعب عشان يرجعك
و إنت عالحالتين مو مرتاحة جربي الطريقة الأصعب عليه
كان الله في عونك

حبيبتي هالشمكل ممكن يكون باي بيت بس انتي تقولي انك اكتشفتي هالطباع بعد الزواج
طيب يعني كل الي حكيتيه عندك حق فيه بس بصراحة انا اتعلمت انو لاي قصة طرفين يعني لو جا زوجك لمنتدى يمكن الطريقة الي يحكي بيها تبين انك انتي الي تصغري المواضيع يعني اقول يمكن بس بعد كل الي دكرتيه فاخر حاجة تتقبليها هي يهينك قدام الناس او يغلط فيكي و في اهلك يعني هنا خليتيني اقول انو هو الغلطان بس هلا احنا لازم ندور عالحل لهالمشكلة مو نقعد نفكك و نحلل في معطياتها
طيب جربي مرة حطي نفسك مكانو يعني اقول يمكن يمكن الحجات الي انتي تعتبريها تافهة و صغيرة تكون بالنسبة ليه مهمة او يدخلها في مبادءه و كده مع اني متاكدة انو بيكبر الموضوع و السبب انو يمد ايدو ويزغق يعني لو كان حاسس انو معاه حق كان حيكون متاكد انو رخ ياخدو بهدوء يعني ممكن يكون حاسس بنقص و يريد يتبت وجودو فيقوم يلاقي حجج و يبين رجولتو يعني بالنسبة الو الضرب و الصراخ هادا وجهة نضري و بس
و حبيبتي لما انتي عندك ولد احتمليه شوي كمان لما يقول يحبك و الميه تكدب الغطاس يعني اقول لازم الزوجة تكون عندها القدرة انها تغيير من طباع زوجها عشان تستاهل حبو اعتبريها منافسة يعني اختاري طريقة دكية تسهل لك حياتك
اما انك في بيت اهلك فلازم ما ترجعيلو بسهولة خليك يحس بغيابك و بضرورة تواجدك معه و اوعي تسيبيلو الولد الاكل راح يعيبو عليكي اختي لا تفرطي في ابنك الرجال ممكن تتوقعي منهم اي شي بس الابن مفيش اغلا منو و كمان مش فصالحو يعيش مع اب يضرب امو بعدين يتعقد او يضربو
اسفة حبيبتي على بعض الجمل الي ممكن ما تعجبك لقساوتها بس احب اكتب الي افكر فيه بلا تعاطف يعني احنا ندلي بالاراء ما نتجامل و لو ما حسيت بحسرتك ما شاركتك تفكيرك
اختك سعاد

حبيبتي كان الله في عونك ولا أي أحد يلومك على أي قرار تتخذيه

لكن ......... أيش ذنب البيبي ؟؟؟

وايش ذنبك وبهذلة الطلاق والمشاكل الكثيره بعده ؟؟؟

أش رايك طول القعده عند أهلك عشان يتربى

وأكثري من الدعاء بأن الله يسخره لك ويحنن قلبه عليك

وأدعيله بالهدايه والثبات عليها

وأستخيري الله قبل الرجوع اليه وثقي بالله

((( أدعوني أستجب لكم )))