السلام وعليكم ورحمة الله وبركاته ...
حبيباتي كل منا في هذه الحياة مرت عليه مواقف من اشخاص لم يتوقعهم..عاملهم احسن معاملة وردوها بالاسائة ...حاول ارضائهم وحاولو ايذائه..
ولكن استمر وعامل السيئة بالحسنة....وتغلب عليهم بالحلم والأناءة...حتى شعروا بالحياء اتجاهه وعاملوه احسن معاملة...هل مر عليكن مثل ذلك يالله شاركونا بمواقفكم وطريقة التغلب عليها للفائدة....

جزاك الله كل خير
موضوع بجد حلو
اروح اصلي الفجر وارجعلك ارد عليكي

عزيزتي

شكرا كتير ع الموضوع... و تقبل الله اختي ملك روحي انا..


أكيد كل واحد منا مر بموقف من شخص لم يتوقعه و بعض الاحيان بنتوقع منه بس رغم ذلك المفروض انه نستحمل و نسكت و نكتم جواتنا لانه رب العالمين مع الصابرين و يلي عندها صبر اكيد بتتغلب على الوجع و الألم يلي ممكن هالشخص يسبب لنا...


بشكل خاص .. أنا تعرضت لوجع و ألم مستحيل أنساه من حماتي الله يطول بعمرها ما لح ادخل بالتفاصيل ... بنام و بفيق و بتألم مع انه مر عليه فتره و كانت عايشة عندي بمنزلي بس قبل متروح أخدت روحي معها ... و اقسم بالله ما بعرف ليش .. و ما في اصعب من الظلم,, صحيح أنا ما ملاك و يلي بقول عن حاله ملاك بكون كذاب ... كلنا بنغلط و بجوز غلطت مع حماتي بس اغلاط ما بتستاهل و عملت كل جهدددددي لاكسب رضاها وستحملت كتير كتير كتير من شان ارضيها و سكت و سكت و سكت ..بس لما زعلت من ابنها (جوزي) و قررت تترك البيت طلعت كل زعلها فيني انا.. و هي مشكله دارجة بالحموات هههه.. بزعلوا من ابنهم و بطلعوا كل الزعل بكنتون لانو بعتقدو انه هي يلي عم تقلب ابنها عليها .. بس الله يسامحها و ياربي ما عم بستغيبها بس هالموضوع اجا ع الجرح...و الله بعلم أديش تخانئت و زعلت مع جوزي كرمالها..
و للإضافة .. حرام حماتي مرت بكتير و الله يعينا و انا سامحتها ..بس الأسى ما بنتسى هيك رب العالمين رايد و طبعا متل ما ذكرت بالاول ... احترام و الادب و السكوت اهم شي لمواجهة الموقف لانه عند رب العالمين ما بضيع شي...

يسلمو على المرور ..جزاكي الله خير ومابعد الصبر الا فرج والله يبعد عنك كل الم ....