السلام عليكم انا عضوة جديدة بس كنت بتابعكم من زمان
انا عندي مشكلة انا لما كنت في ثانوي جبت مجموع يدخاني الكلية اللي انا عاوزاها بس هما في البيت قالولي علم نفس ايه ده اللي عاوزة تدخليه انتي هتتجنني المهم هما كانوا عاوزني ادخل كلية تانية مجموعي ميجبهاش فدخلت كلية لا انا عوزاها ولا اللي هما عوزينها غصب عني المهم انا عدت اول سنة ده كان طبيعي وكمان كنت عارفة انه هعيد من اول ترم اكيد هتقولولي ليه مش حولتي فكرت ساعتها وسالت لقيت ان القسم اللي انا كنت عاوزة ادخلة في الكلية التانية مش بيقبل محولين ولو كنت هروح حته كنت هروح كليه مش حباها برضه يعني هي هي المهم اتعلمت من السنة اللي ضاعت مني واقنعت نفسي ان بعد ماخلص هروح ادخل الكلية اللي انا عوزاها او اعمل دراسات عليا فيها باذن الله وهو سعتها يبقى معايا يبقى معايا بكالريوس واعلق الشهادة بعد ما احطها في برواز في الانتريه وادرس اللي انا عوزاه بعد كدة من غير ماحد يقدر يقولي حاجة
عدت السنة بجد اتعلمت فيها كتيييييييييير اوي واتعلمت ان ازاي اذاكر اكتشفت كتير في نفسي وغيرت منها المهم انا السنة دي كنت في تانية وقلت ايه انا لازم اجيب تقديرات بعد ما اقنعت او وهمت نفسي بمعنى اصح اني بحب الكلية اللي فيها وانا كمان اخدت تخصص اضافي بتاع ذوي الاحتياجات الخاصة وقلت اكيد هيبقى مستقبله كويس اللي حصل اني التيرم الاولاني النتيجه ظهرت وكانت معايا مادة ضعيف يعني تترفع والتيرم التاني جبت تقديرات لو اقلكم اني تقديرات السنة كلها 8 جيد جدا و5 جيد و5 مقبول اعتقد انها تقديرات كويسة عالاقل اجيب جيد طلع التقدير النهائي مقبول فرق 12 من مية يعني اقل من واحد في المية عشان اجيب جيد انا بجد مش عارفة اعمل ايه بجد انا كنت بذاكر كتييييير وكنت بحضر حدج يقولي سبب ده ايه طبعا مينفعش فكرة التحويل دلوقتي دي خاااااالص بدل ماكانت سنة ضاعت يبقى 3سنين ضاعوا ارجوكوا ردوا عليااااااااااااااا

ردواااااااااااااااااااا عليااااااااااااااا بلييييييييييييييييييييييييز

وعليكم السلام ورحمه الله وبركاته

مافي حل غير انك تكملي وتستمري ذاكري وشيلي من راسك فكره اني دخلت غصسي ب عن نفسي علشان ماتتعبين اكثر
ط
واعتبريها شي عادي

واتزيد طغط عن نفسك
حتى لو اهلك زعلوك وفقلوالك انك ما سمعتي الكلام ووو

سبيهم وقولي اذا الله بيفوقني راح يوفقك سوء في هذا القسم اولا
ياما شباب اختاروا قسم رغبه اهيهم ونجحوا انتي مو احسن منهم وذاكري وريحي اعصابك وفكرك
الله يوفقك
وهانتك مراح شي كثير

انا اهلي هما اللي غصبوني على دخول الكلية دي انا تناسيت الموضوع ده
بس انا زعلانة اني ذاكرت كتير وفي الاخر جبت تقدير مقبول يعني زي زي اي حد ذاكر ليل الامتحان وبس

شوفي يا طمطم نا عاوزه اقولك ان ده عادي ..لأن انتي عارفه نظام الكليات احيانا بيكون التقدير جزافي يعني مش شرط انك تذاكري علشان تجيبي تقدير والعكس.بس الاكيد انك كل سنه بتزيدي خبره عن السنه اللي قبلها انا في الكليه اول سنه جبت مقبول ولخر سنه جيد جدا يعني لأني كنت كارهه الكليه الاول بس قلت طالما دخلتها يبقي اثبت نفسي فيها..حاولي تحبي القسم بتاعك وبلاش احباط علشان موضوع التقدير ده حاولي تعوضي السنه الجيه وان شاء الله امورك تتظبط..

انشاء الله هحاول

انا من رأى تكملى وتتوكلى على الله على فكرة انا كنت زيك دخلت كليه حسب التنسيق ومن اول ترم كانت التقديرات 2 جيد جدا و3جيد والباقى كله مقبول والترم التانى كله مقبول لكن السنة التاليه سبحان الله الحال اتغير ونفسى اتفتحت للكليه وعديت الاربع سنين وكمان بتقدير
فأنتى اتحدى نفسك واجتهدى اكتر وكمان انتى عديت كتير استحملى وربنا سيجزيكى على تعبك وعملك ثقى جيدااا وربنا يوفقك