السلام عليكم ورحمه الله وبركاته
اتمنى بجد مساعدتكوا علشان انا من امبارح بجد لاجايلى نفس اكل ولا اعمل اى حاجه، الحمدلله انا وخطيبى بنحب بعض مع اننا ماكناش نعرف بعض قبل الخطوبه بس ارتبطنا الحمدلله اوى ببعض بعد الخطوبه وهو شغال بره فى دوله عربيه المشكله بقه انى على يومين مارنتش بالموبايل على حماتى واخت خطيبى الصبح زى ماانا متعوده بصبح عليهم دايما امبارح اول ماروحت لقيت اخت خطيبى بتطلبنى وتقولى زعلانه منك واحنا متعودين ع حاجه مش تغيريها قلتلها والله شغل مش بلحق فعلا ارن ع حد قالتى لا وقالتى كلمه هى اللى زعلتنى وسبب المشكله قالتلى بلاش نظام خطيبه اخوكى ده معانا احنا لينا نظامنا علشان اخويا لسه خاطب يعنى وهو وخطيبته ماخدوش ع بعض اوى وخطيبته مش بتتصل بينا اوى قلتلها انا مش بلقد حد وليا نظامنا وزى ماهو المهم ماما يتكلمها قالتلها زعلتى بنتى ليه قالتلها لا ماقولتش حاجه المهم بكلم حماتى قلتلها اه زعلت من الكلمه دى وكلمه فى كلمه تقولى لا انا بهزر وحورت الكلام اقولها لا انتى قلتى كذا تقولى لا ركزى فى كلامك انتى مالك، ووصل الموضوع ان اخت خطيبى بتقولى الشبكه عندك ماهو جبهالك قلتلها يالهوى الشبكه ياستى تجيلك من بكره خلوها عندكوا ماتفضلش عندنا راحت حماتى قايلالى لا يبقى فى دماغك حاجه ازاى تفرتى فى الشبكه بسهوله كده حتى اتعصبت وسبت التلفون وفضلت اعيط راحت جدتى ماسكه التلفون تقول لحماتى حصل ايه عملتولها ايه لده كله دى بتعيط وهى من النوع اللى مش يعيط بسهوله راحت حماتى راده عليها قالتها وانتى حتكبرى الموضوع ليه فرحت ملكماها تانى قلتلها حصل ايه تقولى لا جدتك غلطت فيا ياستى غلطت فيكى ازاى هى كملت معاكى دقيقه طبيعى شافتنى كده بتستفسر حصل ايه قالتلى لا ده لولا سنها كنت قلتلها ماتكلمنيش بالطريقه دى قلتلها حصل ايه لكل ده قالتلى غلطتوا فينا فجدتى سمعت وانا بردد الكلام قالت اده هما بتتلككوا فحماتى سمعت وفضلت تزعق قلتهلها انتوا عمالين تقولوا من الصبح ومش عايزنا نقول حاجه ده جدتى سنها اكبر من سنك ولما كنت بكلم حماتى واخت خطيبى فضلوا يقولولى لا مامتك كبرتها فى دماغك قلتهلم لا ماما مالهاش دعوه انا اللى بقول وده فعلا وحماتى بتكلمنى وواخت خطيبى عماله من جمبها تسخن فيها اخر مازهقت قلت لحماتى خليها تيجى تقولى عايزه ايه بدل مابتتكلم من بعيد والموضوع كبر المهم فى الاخر حماتى قالتلى انا وبنتى ماغلطناش قلتلها ولا احنا كمان قالتلى بردوا ماغلطوش وقفلت وقالت احنا تلفونا معروف عايزه تكلمينا ماشى بس احنا مش حنتصل ولو حصل نصيب او لا احنا زى مااحنا وجدتى وماما لما لقوا الموضوع كبر قعدوا جمبى مش نطقوا وانا اللى كنت بتكلم بعدها بساعه حماتى اتصلت تعتذر وتقولى معلش انتى وبنتى كنتوا متعصبين بس هى مش قصدها واتاسفتلى انا بس وقالتى والله لو اقدر اجيلك دلوقتى كنت جيت وقالتلى اوعى تبعتى الشبكه احنا مش قصدنا حاجه والمهم انها اتصلت تقريبا من ورا بنتها بعد ماخرجت وبنتها اللى هى اخت خطيبى ولا كلمتنى ولا اتاسفت وحماتى مش كلمت ولاماما ولاجدتى وبرده بعد مااتاسفت قالتلى لا جدتك غلطت فيا قلتلها غلطت ازاى هى كملت دقيقه معاكى ........زانهارده بقه رنيت عليهم قلت اعمل اللى عليا وحرن تانى كل يوم حتى لو ورايا ايه رنيت انهارده حماتى بس ردت عليا واخت خطيبى لا قلت خلاص مش حرن تانى الا ع حماتى اه نسيت اقولكوا انى اخت خطيبى مطلقه ...انا عايزه حل مع اننا مش غلطانين وربنا يشهد انى الجو يصفى وطبعا ماحدش جاب سيره لخطيبى علشان هو مش ناقص فى غربته وماما بتقولى اوعى انتى تقولى ابدا لو هما قالوا يقولوا انتى مش تقولى الا لو فاتحك هو بس انا عايزه نرجع زى الاول ده حتى ماما بتقولى انتى تكلميهم وبس انا مش حكلم الا لما يسالوا عنى عايزه اعرف اعمل ايه واتصل بيهم اسال عليهم ولا استنى بعد اللى حصل هما يتصلوا الاول
معلش دوشتكوا بس بجد حاسه ان الدنيا قفلت ماما يتقولى لسه ياما حتشوفى الجواز فى كتير مش حلو بس عايزه حل ساعدونى

الموضوع مش مستاهل انك تزعلى لسبب بسيط اوى ان حماتك اتصلت واعتذرت وكمان عايزة اقلك على حاجه انتى من جواكى عايزة تصفى النفوس وترجعى معاهم زى الاول يبقى خلاص اعملى الى الى انت عايزة عشان تبقى مرتاحه طالما الست اتصلت واعتذرت وحاولى تقربى من اخت خطيبك تانى فى وقت تكون رايقه فى وتكلمو براحه وفى حاجه كمان حاولى تعمليها تعاملى اهل خطيبك زى ماخطيبك بيعاملك طالما هو ماشاء الله انسان كويس وبيحبك يبقى عاملى اهلو المعامله الى تريحو عشان خاطرو وانا شايفه انك متكبريش الموضوع وتتعاملى زى الاول طالما الست اتصلت اعتتذرت وتحاولى تقربى بينها وبين مامتك وجدتك باسلوب حلو وبلاش تكبرى الموضوع طالما انتى وخطيبك بتحبو بعض وعايزين بعض لان مشاكل الجواز لسه جايه واكبر من كدة وربنا يارب يهدى النفوس ويبعد عنكو المشاكل واتمنى انك متزعليش من كلامى انا نصحتك بالى انا كمان بعملو وربنا يارب يتمملنا كلنا على خير ويبعد عننا المشاكل وياريت تبقى تطمنينا عليكى

همه كلهم كده ولا ايه والله الواحد غلب فى الناس دى انا بقالى 15 سنة فى المواويل دى برضه بسبب انهم مهما يعملوا عمرهم ما يكونوا غلطانين والله لدرجة انهم ممكن يكذبوا عليكى ويرجعوا فى كذبتهم مرة اخرى وينكروا الكلام الاولا نى حاجة تقرف لو هو ده النظام يبقى يارب ارحمنا وربنا يعينك ماهو احنا بعد ما نحب ونقع فى الحب نلا قى الاهل كدة عندى اقتراح قبل ما نحب الشاب نتعرف على اهله الاول عجبونا نكمل ولا ايه ربنا يوفقك

حبيبتى

اولا مبرووك على الخطبة و ياربنا يتمم عليك فرحتك فى خير و على خير

حبيبتى

انت ليه عامله منها مشكلة

كل الناس بيتناوشوا و يرجعوا مثل الاول و احسن

فقط نصيحة من اخت لاختها ارجو منك عدم الزعل

الحكاية منذ الاول ما تستاهلش انها تكبر

اخت خطيبك عاتبتك و قالت لك كلمة اغضبتك

عاااااااااااادى فوتيها و كانها لم تقل شىء اعتبريها اختك غلطت فيك

حماتك عاااتبتك عاااادى فوتيها اعتبريها مامتك غلطت فيك

صدقينى لو لم تكن اخت خطيبك و مامته يحبونك ما يعاتبوك و ما يغضبون منك

لانك و باختصار شديد انت زوجة او خطيبة الغالى

و انت الان يرون فيك ابنهم و غالاهم


اسمعى حبيبتى لو كنت مكانك لذهبت عندهم انا و امى و جدتى و اخذنا معنا اكراااام

و تكلمنا و ضحكنا عااادى و كانه لم يكن شىء

و لو اتت لك اخت خطيبك لتعاتبك ضميها لصدرك و قبلى راسها و قولى لها

خلاص حصل خير --- يا ستى المصارن فى البطن بتتخاصم ---


و الله العظيم الدنيا ما تستاهل

و خلى دوماااا المبادرة و الكلمة الطيبة تاتى من عندكم

و بالنسبة لجدتك و مامتك انا عارفة انه قلوبهم بيضاء و صافية و زى العسل

و همهم انهم يرونك فى بيتك

شىء ااخر حبيبتى

انت لما حبيتى خطيبك يعنى حبيبتى اهله بمساويهم قبل حسناتهم


يلا فكيها الان و روحى رتبى للزيارة و تكون نيتك كيف الله سبحانه و تعالى يصفى النفوس

و يقربكم لبعض اكثر

شىء واحد فقط انا اخذت بخاطرى منك فيه

ليس عيب ان تكون الاخت مطلقة

و من قال انها لا تريد لك الخير

بالعكس انت ستكونين لها زوجة اخ و اخت غالية على قلبها و ايضا الصدر الحنون لها


وفقك الله لما يحبه و يرضا

و تمم عليك فرحتك يا رب