سلام عليكم معلش انا اسفة بس انا عندى مشكلة كبيرة جدا ممكن تحطم حياتى كلها ومحتاجة مساعدتكم ورايكم انا عندى مشكلة مع خطيبى او زوجى لانى مكتوب كتابى المشكلة دى بقى فى ايه انه كان نوعا ما كويس جدا ايام الخطوبة وعمره مازعقلى مرة او اتنرفز او كدة ومكانش باين انه وحش خالص المهم بعد كتب الكتاب تقريبا اتغير كتير جدا وانا مش عارفة ليه انا ساعات بغلط بردو فى تصرفاتى معاه او فى طريقة كلامى لكن هو بيقسى عليا جدا فى رد فعله على فكرة نسيت اقولكم انه مسافر بعيد عنى كتييير هو فى مكان وانا فى مكان المهم بقاله من شهر 3 اللى فات واحنا فى مشاكل دايمة على طول بسبب تجهيز الشقة والتوضيب فيها وكدة اولا كل مانيجى نشترى حاجة جديدة لشقتنا يتخانق معايا وينكد عليا ويضيع عليا فرحتى وبعدين نرجع نتكلم بعد مانخلص وكل مرة كدة بس بقى جينا الفترة الاخيرة دى حصلت مشاكل كتير اوى اوى زى ايه مثلا اتفقنا هنحجز مكان للفرح وكدة واتفقنا عليه وكدة وقبل ماروح قالى اتصلى بماما وعرفيها فاتصلت ملقيتهاش فى البيت كلمنا اخوه وحكيناله وشوية لقيت مامته بتتصل بيا وزعلانة جدا انى ليه مش اخدتها معايا وانا رايحة احجز وانى انا كدة مش بشركها معايا فى حاجة ابنها وانى لغيتها وكدة انا بصراحة اضايقت لانى انا اتصلت اصلا ملقيتهاش وكان لازم انزل على طول علشان الوقت المهم قولتلها يا ماما ده انا وخطيبى متفقين عليها يعنى انا مش هنقى ولا بابا ولا ماما احنا هنحجز بس المهم زعلت وكدة ورحتلها بعد كدة البيت وراضيتها وبعدين بقى كل ماروح الشقة بتاعتى اروح الاقيها عاملة شغل فيها وتقولى ده مفاجأة وانا بصراحة كل مرة بسكت بسكت بس فى مرة قولتلها لا الحاجة دى مش عاجبانى وانا مش بقول لحضرتك متعمليش لا اعملى بس ابقى قوليلى قبلها علشان انا بيبقى ليا حاجات معينة عايزة اعملها طبعا زعلت منى وقالتلى خلاص انا مش هعملك حاجة طالما اللى بعمله مش بيعجبك المهم سكت على كدة هو بقى خطيبى كل مايكلمنى انتى مش بتروحى الشقة انتى قاعدة فى البيت وسايبة الست الكبيرة تشتغل لوحدها وانتى مريحة نفسك قولتله انا مفيش حاجة معملتهاش كل حاجة انا واقفة عليها هو مش مقتنع المهم هو كل مايكلم مامته يرجع يقلب عليا جدا انا عارفة انها مامته وهو ابنها وعمره ماهيطلعها غلطانة بس انا تعبت انى بعاملها حلو وهى بتعاملنى وحش وبتوقع بينى وبينه وهو كمان غلطان علشان مش بيسمعنى خالص وكل اللى بيسمعه كلام مامته واخواته وبس وانا لا ولما اكلمه يقولى اهلى فوق ودول هما اهم ناس عندى حتى اهم منك مع العلم انه بيحبنى وبيقولهالى كتير وبيعملى كل اللى عايزاه بس طبعا بعد حرق دم شوية بس بيعمله فى الاخر وانا والله كمان مش بطلب منه حاجة خالص وبقوله اللى نقدر عليه نعمله واللى منقدرش يبقى بعد الجواز ربنا يسهل وانا اهم حاجة عندى انى اكون جنبك ومعاك بسرعة بس هو بقى بيحرق دمى كتير واللى زاد كمان انه بقى بيتلكك على كل كبيرة وصغيرة انا مش عارفة اعمل ايه تعبانة اوى ومش عارفة افكر ومش عارفة اكمل ولا لأة معاه خايفة يعاملنى كدة بعد الجواز كمان وتبقى حياتى معاه متوقفة على رضا مامته عليا خايفة جدا منه وحاسة بتعب نفسى جامد وبفكر كتير اوى ومكنتش متوقعة كتر المشاكل دى بينا بس الحمد لله وقدر الله ماشاء فعل الله يكركم نفسى تفيدونى بجد وتدلونى اعمل ايه وربنا يجازيكم كل خير يارب

هلا شاهين
اختي فترة الخطوبة هي اهم مرحلة وهي المرحلة الحاسمة للدخول بالمرحلة التي تليها وهي الزواج وكأنها جسر للتعارف والتآلف فيما بينكم
ومن المعروف ان هذه الفترة اجمل فترات العمر ففيها الكلام المعسول وكل طرف يظهر للاخر محاسنه وارائه وافكاره
اختى قرأت مشكلتك بعناية لاحظت التالي
1_القلق المستمر من المستقبل وهو مرحلة الزواج خوفا من عدم توفر حياة زوجية هانئة بينكم
2_مضت فترة الخطوبة على نزاعات اعتقد انها تافهه جدا ولا تستحق كل هذه البلبلة وهالامر يضايقك كثيرا ومحرج بالنسبة لك
3_لاحظت عدم وجود تلائم وتوافق فكري فيما بين شخصيتك الهادئة وما بين شخصية خطيبك المتوترة الثائرة نوعا ما
4_مشكلات متراكمة بنيت في فترة قليلة ما بينك وما بين اهله فما بالك فيما بعد الزواج وتذكري كله لا ينسى
5_علاقة الخطيب بأمه قوية جدا وقد يكون ذلك متعب جدا للزوجة خاصة فيما بعد الزواج فقد يسبب لك هذا الامر ان كان مبالغ فيه مشاكل عدة لذا عليك بالاتفاق مع زوجك مسبقا ان لا احد يتدخل في اموركم الزوجية وان انت وزوجك فقط اصحاب القرار وان هناك اسرار بيت لا تخرج من جدران غرفتكما لأحد مهما كان
6_اختي انت في حيرة وقلق لكن اقول لك شئ
ان لاحظت المخطوبة سوء تصرفات متكررة من الخاطب وحاولت تعديلها اكثر من مرة في خطيبها ولم تنجح فلتكن متأكدة ان هذا الامر سيلازمه بعد الزواج
فالموضوع خطير ليست قضية مصالحة بلا حياة زوجين وغدا اولاد وغيره لذا عليك التفكير مليا بالامر من الان ولا تتعجلي في امرك
فان لم يكن هناك توافق فيما بينكم فسوف يكون الزواج صعب جدا واستعدي لتنازلات قوية قد تضعف شخصيتك فيما بعد
لذا تريثي وتمهلي واجلسي معه وحدك جلسة مصارحة وحديث حول طباعه وترتيبات منزل من ناحية معنوية وطريقة تعامله وتقديره لك وضعي معه اسس التعامل وخطوات بناء منزل الزوجية طوبة طوبة
فكري كثيرا وان زاد الخلاف عن حده فاعلمي انه قد لا يكون المناسب ليكون زوج المستقبل لك

اهلا يا لولو ازيك يا حبيبتى وحشانى اوى انتى فين كل المده اللى فاتت كل ده حاصل عندك مش تيجى تتكلمى معانا ونتشارك معاكى فى اللى حاصل يلا قدر الله وماشاء فعل
ما تزعليش نفسك ولا تضايقى بس لازم تحطى النقط على الحروف من دلوقتى وتعمليلو مكالمه او تتكلمى معاه ع النت احسن وتتفاهمى معاه فى حاجه عشان دى حياه بينكم وصعب تفضلى عايشه كده مهمومه صحيح انتى حتكونى معاه بعيده عن اخله بس ده ما يمنعش انهم حيكونو على اتصال مع ابنهم وواضح ان ابنهم حريص ان يحكيلهم كل حاجه تخصه
انتى لازم تعملى وقفه وتفهميه ان حياتنا لازم يكون فيها خصوصيه شويه واهلك على عينى وعلى راسى بس ميتحكموش فى كل صغيره وكبيره فى حياتنا
ولو لقيتى مفيش فايده وراكب دماغه خلى بباكى يكلمه بهدوء ويعرفه ان قلقان عليكى وانتى بنته الوحيده وعايز يطمن عليكى شوفى حيكون رد فعله ايه عشان بجد والله حرام حرقة الدم والاعصاب دى من دلوقتى
ربنا يكتبلك اللى فيه الخير
وابقى طمنينا عنك يا قمر

سلام عليكم
شكر جزيلا يا ام ميدو ربنا يباركلك يارب انتى كلامك صح طبعا كله بس المشكلة انى بجد مش قادرة اوصله مش عارفة اتكلم معاه حاسة انى غريبة بالنسبة له هو سفره وبعده عنى مخلينى زى ماكون عاجزة وللاسف انه مش هينزل اجازة غير للزواج انا علشان كدة تعبانة حاسة انى مش عارفة اتفاهم معاه غير عن طريق النت بس ومش عارفة اوصله ولا ان مثلا يكون قدامى واواجهه وجها لوجه او انه يشوف الجانب الطيب منى غير الكلام اللى بيوصله خالص وعايزة اقولك كمان هو المفروض انه هادى مش عصبى بس لما بيوصله كلام عنى وانى انا مريحة نفسى على حساب مامته ولو هى عملت حاجة وانا اعترضت وانها مش عاجبانى بيتكلم ويعترض ويعمل مشكلة وفى نفس الوقت انى والله براعى ربنا كويس جدا وعمرى ماضايقت مامته ابدا وبعاملها بما يرضى الله وبعتبرها زى امى بس هى اثارت مشاكل كتير بينى وبينه وهو طبعا لازم ييجى فى صفها وانا النقطة دى عازراه فيها لانها امه وعمره مايغضبها علشانى بس فى نفس الوقت المفروض ميجيش عليا ابدا انا بردو هكون فى يوم من الايام لو ربنا اراد مراته وام اولاده وشعورى واحساسى وكرامتى منه كرامته يعنى المفروض انه يعملى حساب اكتر من كدة بس انا خايفة من حتة انه ميتغيرش بعد الجواز ويبقى الوضع كما هو عليه انه يسمع من طرف واحد بس؟؟؟؟؟؟

كتبت بواسطة yehia2007
اهلا يا لولو ازيك يا حبيبتى وحشانى اوى انتى فين كل المده اللى فاتت كل ده حاصل عندك مش تيجى تتكلمى معانا ونتشارك معاكى فى اللى حاصل يلا قدر الله وماشاء فعل
ما تزعليش نفسك ولا تضايقى بس لازم تحطى النقط على الحروف من دلوقتى وتعمليلو مكالمه او تتكلمى معاه ع النت احسن وتتفاهمى معاه فى حاجه عشان دى حياه بينكم وصعب تفضلى عايشه كده مهمومه صحيح انتى حتكونى معاه بعيده عن اخله بس ده ما يمنعش انهم حيكونو على اتصال مع ابنهم وواضح ان ابنهم حريص ان يحكيلهم كل حاجه تخصه
انتى لازم تعملى وقفه وتفهميه ان حياتنا لازم يكون فيها خصوصيه شويه واهلك على عينى وعلى راسى بس ميتحكموش فى كل صغيره وكبيره فى حياتنا
ولو لقيتى مفيش فايده وراكب دماغه خلى بباكى يكلمه بهدوء ويعرفه ان قلقان عليكى وانتى بنته الوحيده وعايز يطمن عليكى شوفى حيكون رد فعله ايه عشان بجد والله حرام حرقة الدم والاعصاب دى من دلوقتى
ربنا يكتبلك اللى فيه الخير
وابقى طمنينا عنك يا قمر



اهلا يا حبيبتى ازيك انا والله مش قادرة تعبت بجد انتى عارفة انى كنت كلى حيوية ونشاط وعمرى مافكرت فى النكد ولا الحزن بس والله كل تفكيرى دلوقتى فى المشاكل وبس بما تعبت وباين عليا جدا المشكلة فعلا ان بابا واخد قرار بانهاء الجوازة دى بس هو خايف انى اكون ضعيفة من ناحية انى بحبه وكدة انتى عارفة انا فعلا كنت بحبه جدا ايام الخطوبة واتعلقت بيه جدا بعد كتب الكتاب كمان عارفة هو مش بيحكى لاهله وكدة بس هما اللى بيكلموه عليا وهو بيسمع ليهم جدا جدا وانا والله كلمته مليون مرة وقولتله انا بحب مامتك جدا وهى امى بس فى نفس الوقت انا عارفة انها مهما حبتنى مش هتحبنى أدك وانها اكيد بتقول عليا مين البت الصغيرة دى اللى هتاخد ابنى وتربية عمرى واللى تعبت وسهرت عليه انا مقدرة كدة وهستحمل ومش هتكلم بس فى نفس الوقت انت تكون ضهرى تدافع عنى يرد يقولى انا عارف بس مش هكون ضهرك ضد امى شوفتى يا بنتى القهر اللى انا فيه وبعدين اخوه امبارح يكلمنى يقولى الست اللى مطيعش جوزها وتسمع كلامه وتستحمله متلزموش مع العلم انه لسة مبقاش جوزى وانا مش فى بيته يعنى بس بسمع كلامه وبعمل كل اللى عاوزه مش عارفة اعمل ايه تانى بجد ؟؟؟؟؟

كتبت بواسطة yehia2007
ايه ده يا لولى ده يعنى انتى كلمتيه طيب هو ليه بيعمل كده وليه اصلا يسمح لاخوه ان يتكلم معاكى بالاسلوب ده وانتى ليه سكتى وسمحتى لاخوه يكلمك كده كنتى وقفتيه عند حده وقلتيله والله اللى بينى وبين جوزى محبش حد يدخل فيه وكنتى كلمتى جوزك وقلتيله لو سمحت محدش يدخل فى خصوصياتنا يعنى بكره اى حاجه تحصل ما بينا الاقى اهلك عارفين بيها حاولى تكونى حازمه شويه واضح انهم مستعبطينك ولا ايه مش فاهمه عايزين يسيطرو على ابنهم وعليكى وميكونش ليكى اى وضع




يا بنتى مانا رديت عليه طبعا وبابا رد عليه بس المشكلة بقى فى ايه انى مش بتكلم معاه دلوقتى ومتخانقين بسبب الموضوع ده وبابا كلم باباه ومامته واخوه كان هناك فراح مكلمنى بقى وقالى الكلمة دى بس بابا وماما وانا ردينا عليه طبعا وهو اول مرة يتكلم معايا بالاسلوب ده واللى خلانى انى مش بتكلم معاه يعنى ان اخوه ده ليه ظروف خاصة انه كفيف فانا مش عايزة طبعا اجرحه لان ربنا هيحاسبنى وانا بعامل ربنا قبل ما بعامل البنى ادم بس رديت على اد ماقدرت فاهمانى