السلام عليكم ورحمة الله وبركاتة
كيفكن اخواتي الفضليات
تسمحولى اعرض عليكم موقفي مع زوجى وهو موقف الحقيقة مضايقنى جدا وقد يراة البعض تافة لكنه الحقيقة يؤرقنى ويضايقنى جدا ويستفزنى.......
المشكلة باختصار انا لا رأى لى فى حياتنا مع زوجى...........
الحكاية بتبدأ منذ اول ما اتقدم لى زوجى للأرتباط بي وهو الحقيقة رجل متدين على خلق يخاف الله ويحمل كتابة كاملا والحمد لله ويقوم بأعمال الخير ويؤدى فروض الله ويبر والدية والحمد لله وتقبل الله منة طاعتة.
وعند تقدمة لى الحقيقة كان صريحا معى اذ انه ابلغنى ان طبع بيتهم يتبع نظام العائلة الكبيرة على الرغم ان لكل اخ من اخوتة شقتة لخاصة الا انة يتم اعداد الغداء والأكل ى بيت والدية على اساس انه بيت للعائلة وبكون فى ذلك ترابط اكبر لأفراد العائلة وتمكن اكبر من بر الوالدين واطاعتهما واحمد لله على ذلك وانا الحقيقة وافقت على الأمر على الرغم انه ليس فى عائلتنا من يتبع هذا النظام بل ونشترط على ان تكون للفتاة منا حياتها الخاصة المستقلة لا شأن لأهل الزوج بها من قريب او من بعيد ......
والحقيقة انى قبلت عرضة رغبة فى عيش جو العائلة الكبيرة ومما كنت أ راة فى ان ذلك ترابط وقربى لله اكثر بتوطيد صلة الرحم وعلى الرغم من ذلك حذرتنى امى كثيرا من قبول هذا الوضع لما يحدث فية من مشاكل خاصة بين زوجات الرجال .....
وتزوجت وعشت الحمد لله بما يرضى الله ولم ار من اهل زوجى الا كل الخير والحمد لله اخوات زوجى وزوجاتهم كلهم اشخاص فضلاء ومتعاونون ولا توجد الحقيقة مشاكل كما يعتقد البعض فالأهل كلهم من ذوى المكانات العلمية المرموقة و لا يأنف احد منهم فى ان يؤدى امرا ما منزليا فى البيت سواء رجلا كان او امراة فى المنزل وانا مرتاحة معهم الحقيقة وان كنت فى بداية حياتى الزوجية كنت قد وجدت بعض الضيق خاصة لتغيير نمط الحياة ووجدت صعوبة بعض الشىء وهذا امر عادى يطرأ على حياة اى فتاة جديدة فى حياتها الزوجية.
والمشكلة لحقيقة تكمن فى زوجى نفسة وليس اهل زوجى فهو يقدس اهلة جدااااااااا لدرجة انى آتى فى المراتب الأخيرة من اهتمامة المادى او المعنوى بى.....
نحن حاليا نعيش بعيدا عن الأهل فى احد البلدان الخليجية واقترب نزولنا لأرض بلدنا الحبيبة
ولكم ان تتخبلوا اخوتى كم الهدايا والمشتروات التى يشتريها زوجى دائما لأهلة استعدادا للنزول ك كميات مهولة لا يكتفى بشئ او شيئين لكل فرد من افراد العائلة لا بل لكل شخص منهم مايقرب من حقيبة اليد متوسطة الحجم...
والحقيقة اخوتى انى لا مشكلة لدى نهائيا فيما يحضرة لأهلة فأنا اعتبر هذا من باب البر بهم ويسعدهم ولا اشكال لدى تجاة هذا الموضوع خاصة فى برة لوالدية والله يشهد حتى انى احفزة وانبهة واشجعة على شراء افضل الأشياء لوالدية خاصة ،حتى لو كان ذهبا وفضة وقسما بالله انا سعيدة بذلك .
لكن فى النهاية أنظر لنفسي وابحث ماذا لدى انا وما الذى اتى به زوجى لى ؟؟؟؟؟؟ وهل فكر فى مرة من المرات وهو يشترى قطعة ملابس لزوجة من زوجات اخية ان يحضر لى مثلها دون ان اطلب منة ذلك وحتى لو طلبت منة ذلك ماذا تتوقعون ان يكون الرد الذى يقول لى ( مش دلوقت اما نشوف طلبات الجماعة الأول ولو اتبقى معانا وزن يكفى للطيران نبقى ناخد) يعنى استفزاز ما بعدة استفزاز ......
حدث وان كان لى مقابلة لشغل وظيفة ما هنا وكان ميعاد المقابلة بعد ايام قلائل وقسما بالله يا اخوتى ما كان عندى لبس علية القيمة اذهب بة تلك المقابلة خاصة وان المقابلات الشخصية يكون فيها المظهر عليه عامل كبير من عوامل النجاح ......فنبهتة لهذا الأمر ولم يصغى لى بالا وقال لى البسي اى حاجة عندك ووضحت له اهمية المظهر فى المقابلات فوافق على الفور ونزل معى للسوق واشترينا ملبسا يناسب الموقف وعند ارندائى للملابس علق على وقال شكلة جميل واهو ينفع كمان بالمرة تنزلى بيه واحنا مسافرين ..... مستفزززززززز
سألتة هل كلفتك شيئا تشترية لى منذ نزولك للأسواق وشرائك لأهلك كل الهدايا التى تشتريها هل فررت يووما ان تحضر لى مثلمااحضرت لأهلك؟؟؟
اجابنى وانتى عايزانى اجيبلك زى مين فى اهلى؟؟؟؟
قلتلة زى ....(زوجة اخية الكبرى وهى مميزة عندهم ولها هدايا خاصة بحكم انها تخدم امهم جدا )؟
اجابنى وانتى بتقارنى نفسك بأحسن واحدة جبنلها هدايا فيهم؟
ذهلت والله وقلتة المفروض اكون احسن منها انا مراتك لكن هى مراة اخوك!!!!!!!!!!!!!
وخذوا من هذا كثيييييييييير مافى مرة افكر اشترى حاجة لنفسى وانزل اجيبها فعلا الا ويكون مضايق وقرفان معرفش لية.
الحقيقة زوجى ليس بخيلا فهو كافى بيتة والحمد لله ويصرف على ابننا بما يرضى الله
لكن مشكلتة معى اناوصلت لدرجة اننى وانا اشترى الملابس للمقابلة التى كنت اخبركم عنها لم اجد ذوقا يناسبنى بالمرة خاصة انى فى منطقة يعيش اغلب سكانها من الهنود والأسواق هنا تلبى رغبة اغلبية سكان المنطقة وبالتالى كنت حتى اجد ما يناسبنىابحث كثيرا .......
اثتاء بحثى عن الملابس شكوت له انى لا اجد ما يناسبنى من اذواق فرد على بغلظه( الذوق برضة اللى مش لاقياة ولا عشان انتى تخنتى ومعدتش مقاسك موجود؟؟؟؟؟؟؟؟)والله جرحنى الله يسامحة اعترف انى تخنت خاصة بعد ولادتى لأبنى عمرة 10 شهور لكنى لم اتخن لدرجة انى لا اجد قياسى فانا الآن ارتدى قياس xl لكنة فظ الكلام معى لا اعرف لماذا؟
.هذا الى جانب الصد المعنوى والذى يبرع فيه زوجى كثيرا فلا يقول لى مثلا احبك من نفسة ولا يشكرنى على اى شئ اعملة له الا قليلا لما اكون خلاص هموت قدامة من التعب.
ولما اطلب ان اذهب لأهلى تجدى علامات الضجر والتبرم والقرف على وجهه .........
انا فى غربة والغربة كربة وانا طوال الوقت لوحدى ولا اصدقاء لى و ليس هناك ما بشغلنى فمواهبى كلها دمرها زوجى
اريد ان اشعر انى مهمة لدية
اريد ان يحترم رأي ويقدرة ويقدر مشاعرى
اريدة ان يفهم ان لى خصوصيات لا اريد ان يتخطاها احد حتى لو كان والداة مع احترامى لهما وهو فى هذة النقطة بالذات لا يريد ان يفهمنى.
فمثلا اخوتى عند نزولنا من الغربة نكون محملين بالحقائب العديدة وبالتأكيد يكون لى ولو حقيبة صغية فيها ما يخصنى من ثيابي وثياب ابنى وخصوصيات يجب الا يطلع عليها احد مهما كان .
العام الفائت اثنا وصولنا للبيت وكما قلت لكم نحن فى بيت عائلة فاستقبلنا الوالدين والأخوة فى بيت الوالدين على اساس انه فى الدور الأول وبالتالى بالطبع كانت الحقائب كلها عندهم عند وصولنا ولا ضير فى ذلك . اما عند صعودى لشقتى رغبت فى اخذ حقيبتى الخاصة معى لفوق ففيها ملابسي وحتى ملابسي الداخلية فاجدة يحرجنى امام والدية واخوتة ويقول لى مش دلوقتى يمكن الجماعة يكونوا عايزين يشوفوا اللى فيها
شعرت كما لو كان دلو ماء يااااااااااااااارد سقط على
وضحت للجالسين انها حقيبتى الخاصة ولا شئ فيها من الهدايا وتفهموا حتى ان اخوة هو الذى حملها لنا
وعتدما صعدنا للشقة عاتبنى ولامنى الا يفهم ان لى خصوصية لا اريد ان يتخطاها احد حتى لو كانت امى انا شخصيا ؟؟؟؟؟؟؟؟؟؟؟؟؟!!!!!!!!!!!!!!!!!!!!!!!
هذا العام اجدة يخبرنى مقدما اعملى حسابك هدومك الداخلية حطيها فى هاند باج صغيرة عشان الشنط كلها هتكون تحت مش هنطلع حاجة فوق لأن امى ممكن تعتقد اننا جايبين حاجة احسن ومخبينها...........
يا الله هتجنن
والله انا لا مشكلة لى مع امة لكن بتصرفاتة تلك يجعلنى امقنها وامقتة وامقت اهلة كلهم
با اخى انا زوجتك ايضا لى حق ولى مشاعر ولى حياة خاصة انا لا اقصر فى اتفاقنا واساعد والديك واخدمهاما بعيونى من فضلك راعى مشاعرى انا ايضا انا لست خادمة لديك انا لا اقوم بتلك الأمور مجبورة فمن الممكن ان امتنع عن القيام بها فى اى وقت لكنى اراعى الله واحاول ان اكون طيبة المعشر مع اهل زوجى ولا احب تحميل الضغائن بين الأهل راعى اننى بنت ناس ايضا لى مشاعرى التى يجب ان تقدرها
والله يا جماعة انا نفسيتى تعبانة من جوزى جدا ونفسي يفهم النقطة دى كويس حاولت معاه بالهدوء كثيرا لكنة لا يفهم وبقول لى طالما انا عايش فى بيت للعائلة يعنى مفيش حاجة اسمها خصوصية ومقدرش اجيب لنفسي حاجة مش عند اخواتى عشان النفوس قد تحمل الحسد ...
طيب ولغاية امتى؟؟؟؟؟؟؟؟؟؟؟؟؟؟ انا نفسى اركب تكييف فى شقتى والأمر والله يستدعى فعلا والله يا جماعة اما ضيوف بيجولنا ببقى محرجة جدا لأن ماحدش بيدخل الشقة الا ويتأفف من الحر الشديد فيها على الرغم من اننا بنكون مشغلين المراوح . لكن زوجى يأبى ان يركب المكيف بحجة ان اخواتة معندهمش وممكن يبصوا لينا . لا حول ولا قوة الا بالله هشد شعرى والله من الراجل ده .
انصحونى ممكن اخليه يفهم معنى الخصوصية ازااااااااااااى

صراحه ربنا يعينك... انا و انا بقرا قصتنك اضايقت فربنا يكون في عونك و انت اللي عايشاها .... انا مش عارفه انت اشتغلت وللا لسه ؟؟؟ لو اشتغلتي خلاص جيبي كل اللي انت عاوزاه من معاكي اللي هو ميرضاش يجيبوا لكن طبعا هو ملزوم بكسوتك انت و ابنك اكتر من زوجات اخوه و الحاجه اللي انت عاوزاها اضافيه تجيبيها من فلوسك حتى التكيف انت برضه اللي جيبيه من معاكي و يقولهم فلانه اللي جابته من معاها عشان متحتملش الحر دي في حالة انك بتشتغلي .... في حالة انك مبتشتغليش لازم تخللي جوزك يعملك مصروف كويس مدام الحمدلله مقتدر و انت جيبي اللي انت عاوزاه و بعدين هل هو بيخلليكي تجيبي لاهلك برضه وللا لا؟؟؟؟؟ و هاتيلك شنطه هندباج و حطي حاجتك و حاجة ابنك فيها و خللي يحط حاجته مع حاجة اهله و انت لما يقولك الشنطه خلليها تحت قوليله انا عاوزه اغير ليه و الولد و الشنطه دي مفيهاش غير هدومي و هدوم الولد الصغير و قوليله كده قدام اهله لان واضح ان اهله متفهمين جدا و دي الحمدلله كويسه .... بس يا ريت تقعدي معاه في هدوء كده و تقوليله ايه اللي بيضايقك من التصرفات ده قوليله انا بديت اغير من زوجات اخوانك لانك بتعاملني اسوء منهم و هتكون انت السبب ان هشيل منهم بس اهم حاجه تبينيله انك بتحبي اهله جدا و بتحطيهم في عينك بس فس حاجات بسيطه اللي بضايقك و هو السبب فيها مش هم و ربنا يهديلكم الحال يا رب ........

كتبت بواسطة egyfairy
صراحه ربنا يعينك... انا و انا بقرا قصتنك اضايقت فربنا يكون في عونك و انت اللي عايشاها .... انا مش عارفه انت اشتغلت وللا لسه ؟؟؟ لو اشتغلتي خلاص جيبي كل اللي انت عاوزاه من معاكي اللي هو ميرضاش يجيبوا لكن طبعا هو ملزوم بكسوتك انت و ابنك اكتر من زوجات اخوه و الحاجه اللي انت عاوزاها اضافيه تجيبيها من فلوسك حتى التكيف انت برضه اللي جيبيه من معاكي و يقولهم فلانه اللي جابته من معاها عشان متحتملش الحر دي في حالة انك بتشتغلي .... في حالة انك مبتشتغليش لازم تخللي جوزك يعملك مصروف كويس مدام الحمدلله مقتدر و انت جيبي اللي انت عاوزاه و بعدين هل هو بيخلليكي تجيبي لاهلك برضه وللا لا؟؟؟؟؟ و هاتيلك شنطه هندباج و حطي حاجتك و حاجة ابنك فيها و خللي يحط حاجته مع حاجة اهله و انت لما يقولك الشنطه خلليها تحت قوليله انا عاوزه اغير ليه و الولد و الشنطه دي مفيهاش غير هدومي و هدوم الولد الصغير و قوليله كده قدام اهله لان واضح ان اهله متفهمين جدا و دي الحمدلله كويسه .... بس يا ريت تقعدي معاه في هدوء كده و تقوليله ايه اللي بيضايقك من التصرفات ده قوليله انا بديت اغير من زوجات اخوانك لانك بتعاملني اسوء منهم و هتكون انت السبب ان هشيل منهم بس اهم حاجه تبينيله انك بتحبي اهله جدا و بتحطيهم في عينك بس فس حاجات بسيطه اللي بضايقك و هو السبب فيها مش هم و ربنا يهديلكم الحال يا رب ........



شكرا لكي اختى على ردك ونصايحك......
متتصوريش انا نفسي اشتغل اد ايه عشان الموضوع ده بالذات ........اتمنى انكم تدعولى ان ربنا يرزقنى العمل الصالح اللى يعفنا بيه.
وبخصوص الكسوة انا عارفة انه ملزوم بيها وهو الحقيقة بيجيب لأبننا كل حاجة ومبيقصرش معاة ابدا بس بييجي لغاية عندى ومعرفش ليه بيعمل معاى كده ........مشكلتى ان جسمى اتغير وذوق لبسي اتغير اكيد بعد ما الحمد لله لبست النقاب . وده اللى بيخلينى عايزة اغير كللل ملابسي اللى كانت عندى وهو معتقد انى مسرفة فى الملابس مع ان مظهرى والله معدتش حلو خالص اصبحت متبهدلة ومفيش ذوق ى لبسي مع انى طول حياتى والله لبسي كلة من الخارج والبس الماركات لكن بعد الزواج تبدل الوضع الحمد لله على كل حال.
وبخصوص ملابسي الخاصة وحاجتى الخاصة فأنا بالفعل بحطها فى شنطة خاصة لكن احيانا بتكون شنطة كبيرة وبعدين الأمر لا يقتصر على ملابسي انا عايزاه يفهم ان ده شىء لازم يحترمة سواء كانت شنطة كبيرة او صغيرة دى خصوصية وامر مفروغ منة.
بخصوص هدايا لأهلى الحقيقة انا بطلت اطلب منة يجيب لأهلى شئ لأنة لما بيجيب لهم بيجيب لهم زى هداياه لأقاربة من الدرجة الثانية يعنى مش بيجيب لأمى زى مامتة ولا حتى ربعها مع العلم ان ابى واخى معاى هنا فى الغربة وماشاء الله لاقوة الا بالله بيشتغلوا احسن منه وامى بتييجي هنا باستمرار وعارفة الكويس من الوحش فبيون احراج طبعا ولما بكلمة فى الموضوع يقولى ان دى مقدرتى ودى هدية يعنى المفروض اللى بياخدها عاف انها رمز مع العلم ان امى والله لما بننزل لا تبخل علينا بشىء من الهدايا والحلويات والفاكهه والأكل ده الى جانب ان ابى واخى هنا والله من نفسهم باستمرار الاقي ابى لما بيشترى لواحدة من اخواتى البنات حاجة يجيبلي زيهم ويجيبوا لأبنى لعب وحلويا ده غير العزومات واخويا ده باستمرار يعزمنا على حفلات وعلى طعام فى اكبر الأوتيلات هنا . لكن الحمد لله على كل حال معدتش بقولة هات حاجة لهم من الكسوف قدامهم والله ومانما نفسها قالتلى متجيبيليش حاجة ما انا باجى علطول وباباكى بيبعتلى علطول فالحمد لله.
بخصوص بقى ان اتكلم معاه بهدوء عن ان المواقف دى بتضايقنى فهو ده اختى لب المشكلة لأنى بالفعل عملت كدة اكتر من مرة ولا حياااة لمن تنادى يعنى بقالى كم يوم اهو زعلانة منة بسبب عدم احساسة بي او تلبية لرغباتى لكن والله كأنة بيقولى اخبطى راسك فى اتخن حيطة برضو مش هعمل الا فى دماغى انا بس ، انا نفسي افهم هو فاهم القوامة اللى ربنا اعطاها اياة دى معناها انه يخنقنى معاه واذا ملبتش رغباتة ابقى مبراعيش ظروفة اللى هى اساسا الحمد لله ميسرة جدا .. واذا فى حال عصبت علية واصبحت زعلانة من رد فعلة المستفز يستغل الموقف ويعلن غضبة على ويجعلنى من عدادا الملعونات والعياذ بالله اللى يغضب عليهم رب العالمين
هل معنى قوامتة انه يحرمنى من مصروف يديهولى فى ايدي اتصرف فيه على كيفي واللى غالبا والله لن يخرج عن اطار احتياجات البيت ايضا اصلا انا لا اخرج هنا او هنا انا في غربة ويستحيل الخروج دون سيارة وبالطبع ستكون سيارة زوجى فاين ساذهب لأصرف مال بشكل يخاف عليه ؟؟؟؟؟؟؟ بس ده ميمنعش انه يحسسنى ان ليا كيان ويدينى مصروف فى ايدي ميحسسنيش انى مقيدة كده ميحسسنيش انى بشحت منه لاحول ولا قوة الا بالله والله انا مضايقة من عقلة الحجرى ده واللى غايظنى انه حافظ كتاب الله ومعاة شهادات عليا فى الحديث والعلوم الشرعية ليه بقى مبيطبقش اللى بيعلمة لغيرة لا حول ولا قوة الا بالله .
مشكلتى انه لما بيتناقش معايا بيفحمنى وانا بنسى اللى كنت ببقى عايزة اقولة له وبتلخبط وبيدخلنى فى متاهات وان صل ورديت عليه بصورة واضحة يكون نهاية كلامة انه يسكتنى ويقوا ان شاء الله كل شئ بأمر الله اسكتى بقى دلوقتى وبس على كده

بطلب منم اخواتى انكم تتواصلوا معايا لو سمحتم معلش هتقل عليكم بس للى عندها خبرة او كرة تقولهالى لحل عقد دماغ زوجى الفاضل
زطلبى التانى ادعولى ان ربنا يرزقنى بعمل صالح
شكرا لكم

السلام عليكم ورحمة الله وبركاته
حبيبتى ساسوسى
جميل جدا الترايط الاخوى والاسرى الذى يعيشه زوجك مع اهله
الله لا يحرمهم من بعض
ولكن لى همسة فى اذنك انت
انا اضع اللوم عليك وحدك فى هذه المساله
لانك لم تجعلى زوجك يدور فى فلكك انت
لا اقول ان يتخلى عن اهله لا سمح الله
ولكنك لم تجذبيه اليك بالدرجة التى تجعله
يفكر فى راحتك وخصوصيتك انت ايضا
فابنك على ما تربيه وزوجك على ما تعوديه
الآن قبل ان ننزلى اجلسى انت وهو جلسة ود وصفاء
اشرحى له عما يضايقك
ولكن قبل ذلك اشرحى له كم تحبين اهله وانك تضمرين كل محبة واحترام لهم
وكم هم مهمين بالنسبة لك ولا تتذمرى من اى شىء يشتريه لهم
بينى واشرحى له ضيقك واحراجك من بعض التصرفات منه امامهم
وان ذلك يعرضهم للاحراج ايضا
اتمنى ان يسمع منك ويلقى بالا لمشاعرك وخصوصياتك
اسال الله لك السعادة من كل قلبى

كتبت بواسطة ام محمد ي
السلام عليكم ورحمة الله وبركاته
حبيبتى ساسوسى
جميل جدا الترايط الاخوى والاسرى الذى يعيشه زوجك مع اهله
الله لا يحرمهم من بعض
ولكن لى همسة فى اذنك انت
انا اضع اللوم عليك وحدك فى هذه المساله
لانك لم تجعلى زوجك يدور فى فلكك انت
لا اقول ان يتخلى عن اهله لا سمح الله
ولكنك لم تجذبيه اليك بالدرجة التى تجعله
يفكر فى راحتك وخصوصيتك انت ايضا
فابنك على ما تربيه وزوجك على ما تعوديه
الآن قبل ان ننزلى اجلسى انت وهو جلسة ود وصفاء
اشرحى له عما يضايقك
ولكن قبل ذلك اشرحى له كم تحبين اهله وانك تضمرين كل محبة واحترام لهم
وكم هم مهمين بالنسبة لك ولا تتذمرى من اى شىء يشتريه لهم
بينى واشرحى له ضيقك واحراجك من بعض التصرفات منه امامهم
وان ذلك يعرضهم للاحراج ايضا
اتمنى ان يسمع منك ويلقى بالا لمشاعرك وخصوصياتك
اسال الله لك السعادة من كل قلبى




جزاكي الله خيرا حبيبتى ام محمد وصدقينى انا فعلا مش قادرة اخليه يدور في فلكي انا وابنى معرفش لية بالضبط وبخصوص جلسة الود ن شاء الله هحاول اعمل معاه تانى مع انى جربت الف مرة لكن مش هيضر نجرب الف وواحد بس اعمل ايه لما يصدنى ، يعنى تخيلى لما تكونى بتتكلمى بكي هدوء وتفاهم وبالرغم من كده متلاقيش استجابة من الطرف الآخر بالعكس يوجة رقتك بفظاظة وغلظة تخليكي غصب عنك تخرجى عن شعورك . يلا لكن ميضرش نجرب تانى .

أختي الكريمة ربنا معاكي و الحل مع زوجك انك تلجئي لرب الكون و هو في ايده انه يهدهولك و يحنن قلبه عليكي و دامي على الاستغفار و قيام الليل و الدعاء و ان شاء الله ربنا كبير و قادر انه يخليه يجيبلك كل اللي انت عاوزاه بدون متطلبي .... بس ممكن فيه حل مؤقت كده لو جوزك يوافق مدام باباكي معاكي في نفس البلد و اخوكي هل مثلا بيدوكي عديه او ممكن يعملك باباكي مصرروف لو كده ممكن تحوشي منهم و تجيبي اللي انت عاوزاه و حاولي معاه تاني في موضوع المصروف ده لانه مهم صراحه و قوليله انا بتكسف اطلب منك حاجه ليه او لاهلي فاديني مبلغ بسيط كل شهر ان شاء الله حتى بما يعادل 100 جنيه و انا مش هجيب حاجه غير معاك و ربنا يهديلكوا الحال يا رب...

الله يكون في عونك حبيبتي والله بقرأ قصتك وحسيت بحالي مقهورة عليكي كتير
حاولي مرة تانية معاه وإن شاء الله
الله بيهديه لك ياه ويوفقك عزيزتي وطمنينا عنك انشغل بالي عليكي