السلام عليكم - انا عايزة احكي قصتي وياريت تساعدوني بخبرتكو عشان انا لسة صغيرة معنديش خبرة - انا مكتوب كتابي ع واحد بمووووت فيه والحمد لله هو كمان بيحبني جدا ومتمسكين ببعض والحمد لله فمحدش يقولي راجعي نظر في الموضوع اوك :
احنا بنكون كويسين جدا ومبسوطين اوي بس فجأة اي موقف ممكن يحصل ألاقيه قلب عليا جامد وزعل وساعتها مش بيقبل مني اعتذار ولا رومانسية واي كلمة او موقف حتى لو عادي يضايقه -وباخد مجهود جامد عشان يرجع كويس وبصراحة اوقات مش بكون مقتنعة اني دي حاجة تضايق يعني بيكون موقف عادي والله بس اوقات بحاول امتص غضبه عشان المشكلة ماتكبرش واوقات لما واقوله دي حاجة بسيطة يعني عاديها المشكلة بتكبر ويتنرفذ اكتر - جربت اني مابينلوش اني حسة ان المشكلة بسيطة ولما يكون كويس اقوله برده يضايق- والمشكلة بئي انه لو عمل حاجة ضايقتني وقولتله عليها بيصغرها جدا رغم انها ممكن تكون نفس الغلطة ولما اقوله انت نفسك بتضايق لما باعمل كده يضايق لأني بقارن ويقولي ماينفعش تقارني والمشكلة بتكون عليا في الآخر- انا مش بقارن في حقوق مش بقوله انت بتشتغل يبئي لازم انا كمان اشتغل او انت بتخرج لازم اخرج بالعكس انا باسمع كلامه في النقطة دي لكن بقارن في ردرد فعل موقف معين حصل مني ومنه - انا لما باسمع شيوخ بيتكلمو عن حق الزوج اقول مش مشكلة انا او هو الي غلطان ابدأ بالصلح واخد الثواب بس بصراحة بدأت احس اني مليش شخصية وانه مش بيعمل اعتبار لزعلي وبيضغط عليا اوي لما بيزعل - بصو والله هو كويس بس هو لما بيزعل بيكون عصبي وصعب اوي وانا مش متعودة ع كده والمشكلة ان زعله ده طبعا كتير يعني كل كام يوم لازم تلاسبوع يكون فيه خناقة - انا والله عايزة ارضيه وارضي ربنا بس عايزة اعرف الي باعمله ده هايتعبني بعد كده وهل احاول اعمل شخصية ولا هو ده الصح - ارجوكم ساعدوني معلش طولت عليكو

بصى اختى
ايام كتب الكتاب عموما بيبقا فى مشاكل بزياده
ولو هو طبعه عصبى حاولى تتجنبيه لما يزعل
وتبقى تناقشيه لما يهدى

وعموما لازم تعرفى طبعه
ولو هتقدرى تكملى معاه يبقى لازم تتعودى
لانه الواضح انه بيتنرفز وعصبى وده طبع لايتغير تقريبا

السلام عليكم و رحمه الله و بركاته .

الاخت العزيزه . مشكلتك مع خطييبك ليست سهله لازم انتي يكون لك شخصيتك .

لماذا في كل مره لازم تروحي تصالحيه .

في عندنا مثل بقول ( ابنك على ما ربتيه و زوجك على ما عوتيه ) .

يعني اذا انتى فضلتى على هذه الطريقه رح تتعبى في المستقبل لذالك انصحك

ان تتكلمى مع خطيبك بكل هدوء وتفهميه ان هذا الوضع مش عاجبك وان طريقته

في التعامل معك مش مريحاكي قولي له كل الي مضايقك ولا تهتمي خليه يشعر

انك مقايسه عنه وحسسيه انك مش مهتمه اذا سبتو بعض لا سمح الله .

اوعك تضهري له ضعفك بينى له انك اقوى واحده في العالم .

واذا زعل وسابك و مشى خليه على راحته واوعك تتراجعى وتصالحيه كلهم كم

يوم وبرجع المهم انك تاخذي لنفسك موقف .

دعواتى لك بتوفيق والسعاده

ابقي طمنينه عليكي و ربنا معاكى .

ياجماعة انا بحاول اتناقش معاه بس هو بيكون حاسس انه عنده حق دايما عشان كده مش بيبدأ بس لو حس انه غلطان بيصالحني بس كل كاااااااااااااااااام مرة يعني فين وفييييييين لما ده بيحصل كل 20 مشكلة مرة
- وكمانdahuba حبيبتي لما باسمع شيوخ بيتكلمو عن الزوجة الصالحة بيقولو عكس كلامك خالص هو ده الي محيرني

كتبت بواسطة DAHUBA14
السلام عليكم و رحمه الله و بركاته .

الاخت العزيزه . مشكلتك مع خطييبك ليست سهله لازم انتي يكون لك شخصيتك .

لماذا في كل مره لازم تروحي تصالحيه .

في عندنا مثل بقول ( ابنك على ما ربتيه و زوجك على ما عوتيه ) .

يعني اذا انتى فضلتى على هذه الطريقه رح تتعبى في المستقبل لذالك انصحك

ان تتكلمى مع خطيبك بكل هدوء وتفهميه ان هذا الوضع مش عاجبك وان طريقته

في التعامل معك مش مريحاكي قولي له كل الي مضايقك ولا تهتمي خليه يشعر

انك مقايسه عنه وحسسيه انك مش مهتمه اذا سبتو بعض لا سمح الله .

اوعك تضهري له ضعفك بينى له انك اقوى واحده في العالم .

واذا زعل وسابك و مشى خليه على راحته واوعك تتراجعى وتصالحيه كلهم كم

يوم وبرجع المهم انك تاخذي لنفسك موقف .

دعواتى لك بتوفيق والسعاده

ابقي طمنينه عليكي و ربنا معاكى .



انا بأيد رأى اختنا دهوبا واضيف مش لازم العتاب يكون بأنك تقطعى عليه كل الطرق للعوده
يعنى وانتى بتعاتبيه حاولى تكونى حازمه شويه بس لازم يكون فيه خيط واصل ما بينكم تحافظى عليه موصول
بصراحة النقطة دى تتطلب منك ذكاء انثوى شوى
بحيث تسيبيله فرصه انه يرجع يعتزرلك
مش عارفه انتى فهمتينى ولا لا
يارب اكون قدرت اوصلك نظرتى

أختي العزيزة ناني

هذا المشكلة طرحت منذ فترة بسيطة
بعنوان

مش عارفة اتعامل معاه ازاي

فهل جد جديد ؟؟؟؟

السلام عليكم
ربنا يوفقك يانانا يارب ويسخرلك زوجك ياحبيبتى