السلام عليكم ورحمة الله وبركاتة
اذيكم احبائى فى الله
لكل امراة متزوجة ولديها حماة
وليها اخوات الزوج ولهم ابناء
هل تلاحظى ان حماتك بتميز بين ابنائك وابناء بناتها
يعنى هى بتفضل اولاد بناتها عن اولادك وبتلاحظى التمييز فى اية
ياريت كل واحدة تدخل وتقولنا اكتر موقف حصل شعرت بية بالتمييز وصعب عليها ولادها من الموقف دة
استودعكم الله اللذى لا تضيع ودائعة

حبيبتي الاولاد كلهم اولاد اولادها فما اعتقدش انها ممكن تميز احد عن احد

الطبيعى ان الحماه بتحب اولاد بنتها

ده المنتشر

كتبت بواسطة أم أولادي
حبيبتي الاولاد كلهم اولاد اولادها فما اعتقدش انها ممكن تميز احد عن احد



لاة طبعا انا بختلف معاكى لا نادرا ما تجدى حماة تعامل اولاد ابنها مثل اولادبنتها
فهى تميل لاولاد البنت طبعا

كتبت بواسطة bichebicha1





انا معاكى فى هدا الكلام
وربنا يهديهم

انا لان حماتى متوفيه فمعرفش هيه كان نظامها ايه
بس انا هحكى تجربة شخصيه
انا جدتى مش بتحبنا خالص هيه وجدى
بصراحه معرفش ليه بيعاملونا وحش اوىىىىىىىى وعمرهم مفكروا يسالوا عننا ويوم ما احنا نزورهم ونسال عنهم بيشتمونا وبيدعوا علينا " بيقولوا انهم بيهزروا"!!
المهم كان عندى اخ توفاه الله فالفتره دى بجد حسينه قد ايه بيكرهونا
جدتى جت عندى انا واختى وقالتنا هو ليه ربنا مخدكوش انتوا كان ربنا خدكم بداله وسابه"استغفرالله العظيم"
طبعا كنه بنندبح من جوانا
ده غير الى عملوه فالعيد اخويا كان اتوفى قبل العيد با ايام
حرمت عليه انا واختى الاحساس باى شئ جميل "علفكره ماما كانت فالمستشفى كانت اتصابت فالحادثه اخويا مات على رجلها"
ودعت عمتى وجوزها وجم لابسين لبس العيد وفتحوا التليفزيون وهاتك يالب وسودانى وكحك وترمس ويقزقزوا ويكركروا مش مراعيين مشاعرنا ولا احاسينانا انا واختى
كنت اجى اروح الدرس تقلى تلاقيكى رايحه تمشي على حل شعرك
وتخبى الاكل منى انا واختى فبيت ابويا وكنه بنروح ناكول بره فى اكتر من كده قسوة
اتشتمنا واتبهدلنا والله مكنت بطيق البيت كنت ببكى انا واختى بكاء محدش عمره حس بينا
متحسرين على امى واخويا وملقيناش الحضنن الى يضمنا ملقناش غير الاغراب
عمرنا مطلبنا منها او من جدى طلب وعملوة علطول ولاد عماتى يأمروا بس لكن احنا كأننا مش ولاد ابنهم الكبير
تعرفوا رحتلهم وانا عروسه مع جوزى اتشتمت قدامه والاسم بيهزر
يعنى مراعوش يحسنوا صورتى قدامه
ولما عرفوا ان فى مشاكل بينى وبينه وكنت سايبه البيت كان ضاربنى ملقتش منهم اى حد يطبطب عليه او يحاول يصلح ما بينا لا ده انا اتصلت بيهم اعيد عليهم اهانونى ازااااااى بقالى شهر مكلمتهمش طب ما انتوا عارفين الى فيها
لما ولت محدش سال غير بالتليفون ازيك وعامله ايه ونقطتك بعتنهالك ممع اختك "كانت اختى فخطوبة بنت خالتى جنبهم"
معامله اسوأ ما يمكن ومهما قعدت احكى مش هيكفينى صفحات المنتدى
من صغرنا شايفين قد ايه سوء المعامله لحد مبجد كرهتهم واختى كرهتهم ومش بنطيق نروح هناك بس بنروح عشان نرضى ربنا
ولما ربنا عوضنا با اخويا الصغير زعلوا وكانهم عايزن ان ميبقلناش اخ
ربنا يحفظهولنا ويباركلنا فيه وميحرمنيش من اخواتى وبابا وماما
قلبتى عليه المواجع