مساء الخير
انا مريت اليوم بمشكله
زوجي يبي يطلع يروح يحدق (يصيد سمك) مع ربعه
وطبعا راح يروح للجزيره الارسال فيها مقطوع
انا رفضت انه يروح
لأنه صارت مشكله قبل بينا على نفس الموضوع
ووعدني انه ماراح يبات ثاني برى البيت
واليوم نقض الوعد اللي بينا
انا زعلت عليه
لأنه من كم يوم اقوله ابي اروح البحر
يقولي انتي مو شايفه الهوا.... يعني الدنيا برد
واليوم حضرته رايح لجزيره بالبحر ومو هامه البرد ولا الهوا
لأنه مشتهي الطلعه مع ربعه
انا قعد ابكي بحرقه
لأن لما اقوله ابي اطلع
يقولي لا
انتي تعودتي انك كل يوم تطلعين
ونا مابيك تتعودين عالطلعه
وهو يطلع محد يرده
ليه


"
"
"
المشكله انه طلع وانا ابكي
يعني انا مو هامته
معقوله
زهق مني
تملل
ومو هامه زعلي

"
"
"
هل معه حق ؟
ولا انا الغلطانه ؟

"
"
"
انا قلت له روح من صبح لليل مو مشكله بس لا تبات برى البيت
رفض !!!

"
"
"

( بصراحه سابقا زوجي قبل لا أتزوجه كان له سوابق بالشرب !!
وربي هداه )
عشان كذيه انا خايفه من موضوع هالجزيره اللي كل اسبوعين يروح لها
والمشكله ربعه هم نفسهم ماتغيروا
اخاف يصير مالا يحمد عقباه
ماعرف شنو اسوي شلون اتصرف لارد
هل اتم زعلانه عليه وماعطيه حقوقه ؟
ولا اروح بيت هلي ؟

ولا شنو ؟
كيف اتصرف معه ؟
ارجوكم انصحوني
وراي الأغلبيه راح انفذه انشالله

أبوي يقولي : كذب اللي يقول ان المرأه تقدر اترد الرجال من شي براسه
لو يبي يلعب يقدر يلعب ومحد راح يرده
والسفر محد بمانعه ...!
ابوي يقولي لاتمنعينه ... !
مو من حقك .. اهو مو بزر بيدك
رجال شكبره يعرف الصح من الغلط
بس لو غلط عليك
هااااااذيك الساعه احنا لنا كلمه معه....

انا أحس ان ابوي عادي عنده
مادري مو عاجبني رايه..؟
مو قادره اطوف للزوجي حقرانه لي وانا اصيح ويطلع ونا مو راضيه...
والله احس اني ..... بنفجر

من الغيظ

انا يخليني

انتظر ردودكم على احر من الجمر