السلام عليكم جميعا

نحية طيبة للجميع

أنا من مدة و أنا بتابع منتدى لك و بقرأ بمواضيعه المختلفة و الحمدلله حسيت إنو كتير في مواضيع و أفكار و نقاشات مفيد فحبيت أسجل و أشارك بلكي استفدت أكتر

أنا مخطوبة و الحمدلله خطيبي رجل بمعنى الكبمة: دين و خلق و استقامة و حنية و علم و رومانسية و كل يلي أي بنت بتتمناه. طبعا مافي حدا كامل و خطيبي متل أي إنسان إلو مزاجه و شغلات يلي ممكن ما نتفق عليها بس المهم بالآخر الانسجام و التفاهم و دايما تكون نيتنا تحقيق مرضاة الله في علاقتنا و إن شاءالله بتمشي كل الأمور بأحسن وجه

أنا بطبعي جدية و لا أستطيع التعبير عن مشاعري بسهولة. أنا أحب خطيبي و هو يعرف ذلك لكن أعتقد أن هذا لا يكفي و خصوصا أن خطيبي من النوع الرومانسي. لا أتقن الدلال و التعبير عما بداخلي لخطيبي و هالشي خطيبي أحيانا بيسأل عنو و أنا بحس إنو بحاجه ليسمع مني الكلام الحلو و التعبير عن مشاعري.....الخ

يا ترى في حدا متلي؟ و إذا بدي أغير، كيف أبدأ؟ ممكن حد يجاوبني و يقول إنو المشاعر الصادقة بتطلع من حالها بدون أي جهد. صحيح بس مو كل حد بيقدر يعبر عنها بالكلام. ممكن حد يقلي إنو بس بأولها صعب بعدين بيصير الكلام تلقائي بس أنا مالي متعودة و ما بدي يبين كلامي و طريقة الكلام (من تعبيرات الوجه أو الجسم) يبين فيه أي تصنع (التصنع لا أعني فيه المشاعر ذاتها و إنما طريقة إيصالها بالكلام و الإشارة).

و شكرا مقدما لأي حد ممكن يرد.