مش عارفة اقولكم ايه غير انى باموت بالبطىء والله ياجماعة فعلا موت بطىء اوى مش عارفة ده غضب من ربنا ولا اختبار من الله وانا فشلت فيه سبب حزنى وموتى حماتى فهى تقيم معى منذ زواجى وبالأصح من رابع يوم زواج وحتى الأن اى اربع سنوات ومش قادرة استحمل اكتر من كده ومش عارفة اعمل ايه ادعى عليها ولا اطلق واريح نفسى واريح جوزى من اللى بيحصل اللى بينى وبينها حرب باردة لكن فى نفس الوقت بيحصل حاجات بس عمرنا ماوقفنا وزعقنا فى بعض هى اذكى من كده بتعرف تحرق دمى ببرود ومش انا وبس واهلى كلهم حتى بقوا مش بيجولى ياجماعة البيت خالص حتى لو عازونى بيرنولى على الموبايل وانا اكلمهم تخيلوا بيتى مفتوح لها هى واولادها واقاربها وانا محرم على اهلى علشان مايعملوليش مشاكل وبيقولولى مادام بنشوفك انتى وبنتك مش مشكلة سيبها بس انا مش قادرة انا باموت كل يوم باكرها اوى وفاكرة كل حاجة وحشة عملتها فيه انا مابنساش او مش عايزة انسى مش عارفة وجوزى الله يكون فى عونه مش عارف يعمل ايه مش عايز يغضب ربنا وفى نفس الوقت شايف وعارف ويقولى معلشى امى هاعمل ايه انتى استحملى وربنا يعوضك خير انا بحبه اوى هو انسان كويس اوى بس مش عارفة اعيش خالص على طول نكد ودموع انا باكتبلكم دلوقتى وانا باعيط وبقالى يومين مش عارفة اكل علشان معدتى تعبانى من كتر العصبية اعمل ايه انا خايفة امرض من كتر النكد عايزة حد يقولى اعمل ايه اطلق وارتاح بس انا بحب جوزى اوى اوى وهو كمان وماينفعش نعيش فى شقة تانية علشان هو الولد الوحيد على بنات انا مش قادرة استحمل ومش عارفة او مش عايزة اكون كويسة انا مش طايقها ولا بحبها وبتمنى موتها خاصة انها عندها سبعون سنة بس حاسة انى هاموت قبلها ساعدونى انا بخسر نفسى وصحتى وايمانى وعلاقتى برنا انا كويسة جدا والكل بيقول عليها حتى والله ولادها انها وحشة واعمالها ساعات بتبقى فعلا لا تطاق والله لو راحت تقعد كام يوم مابيستحملوهاش اعمل ايه ساعدونى علشان خاطر ربنا

غاليتي بطوط
كان الله في عونك وهذا ابتلاء من الله والمؤمن مبتلى

والله مني عارفة اش اقولك
بس عليك بالدعاء ان ربي يصلح الأحوال ويصلحها ويهديلها نفسها

اسفة إنى تأخرت فى الرد عليكم ولكن حالتى النفسية كانت سيئة جدا وانا اشكركم على اهتمامكم وارجو ان تدعوا لى بالصبر والهداية وان ربنا يحلها من عنده يارب وانا على طول بردد دعاء سيدنا يونس وباقول يارب زى مانجيته من بطن الحوت وظلمته نحنى يارب من الهم اللى انا فيه

جزاكم الله كل الخير وفرج كربكم وهمكم ....

كان الله في عونك ..

لا بأس أختي الحبيبة .. الإنسان عندما يتقدم في السن يصبح مزاجه صعب بعض الشيء .. ويلزمه من يتفهم هذه المزاجية ..
فاصبري واحتسبي .. وتعاملي معها بما يرضي الله وتأكدي أن الله عز وجل سيجعل لكِ فرجاً قريباً ..

وبرأيي زيارات أهلك لك لا يجب أن تنقطع ..
خليهم يجوا يزوروكِ عادي .. هذا حقك .. يعني تأقلمي مع هالوضع وخلي الأمور تمشي بشكل طبيعي حتى وإن تضايقَت ..

تخيلي مثلاً لو أمك هي من تتعامل بهذه الطريقة .. ربما ستشعرين بالضيق لكن في النهاية ستحتوينها وتصبرين ..

أسأل الله ألا يحرمك أجر الصبر.. وأن يرقق قلبها ويهدئ الحال بينكما ..