السلام عليكم ورحمة الله وبركاته ...

اخواتي اريد اخذ مشورتكم واتمنى ان تفيدوني ...

اريد حل والموضوع متعلق بشغالتي ... بقولكم السالفه كلها...

عندي شغاله اندونوسية وفي شهر سبعة اكتشفت ان عندها موبايل ... لما سالتها عنه قالت لي انه لشغالة الجيران ... طبعا هاوشتها واخذته عنها ورجعته لصاحبته ... فقالت لي انها تبغي موبايل وانا فعلا كنت مكلمة زوجي علشان اوفر لها واحد للحاجه ..وقلت لها لما اشوف شغلج عدل بشتري لج واحد ... وكنت ناويه اخذ لها على العيد ... بس اللي صار اني لقيت عندها موبايل من اسبوع تقريبا طبعا ما كلمتها فيه ...ولا قلت لها ليش والا من وين ... وبالصدفه شغالة الجيران جايه تطلب فلوسها اللي متسلفتهم شغالتنا من عندها .... " انا ما اعطي شغالاتي رواتبهم بايدهم الا اذا بتشتري شي او اطرشهم لاهلها " المهم كلمتها بكلا الموضوعين ...لاني وبصراحه شاغلات بالي....

المهم انا كلمتها وفي خاطري اخلي الموبايل عندها تستخدمه عادي ... بس هي بالبدايه انكرت ومع الحاحي لاني شايفته طلع .... " طلعته بنتي الصغيره من تحت السرير" المهم لما قلبت في الموبايل لقيت ارقام رجاجيل ومسجات واشياء مب زينه ... بصراحة تضايجت بس لاني قلت لها قبل لا افتش فيه انه ما عندي مانع من وجود موبايل عندها تغاضيت عن الموضوع ... ولما قلت لها بقول لزوجي قعدت تنوح ....وقلت لها اني ما بقول له ...ط بس انا قلت له ..." وخوفني لا تكون لها علاقات برجاجيل.... ومن ذي السوالف...


ابغي رايكم باللي سويته بخصوص الموبايل وبخصوص راوتبها باني ما اعطيهم اياها كاش... هل اللي سويته صح ؟!

اتمنى انكم ما تبخلون علي برايكم ...

بصراحة أنا من يوم ما دخلت الشغالة بيتي ما عرفت الراحة , صحيح أنها شايلة عني وايد شغل البيت و ألا قي وقت لعيالي أكثر لكن معضمهن كذابات . أنا في البداية لم أكن أصدق كلام الحريم عن الشغالات و أقول مساكين .
لكن بالتجربة عرفت أكثر .في بداية زواجي لم أحصر خادمة للبيت و قمت بكل شيئ لوحدي حتى بعد إنجابي لطفلين لكن زوجي أصر يحضر لي مساعدة .
عن الأندونيسيات فلهم قصص مضحكة ,شغالتي تتكلم عربي بشكل ممتاز ,لكن يوم أقولها عن شيئ سواته غلط تسوي عمرها ما تفهمني .


عن الموبايل حبيبتي أنا ضد الفكرة لم أسمح لشغالتي بموبايل أبدا و هي لم تصر و ليش تبغيه ,أهلها تكلمهم من تلفون البيت في حضوري وهم يطلونها عندي
أما عن رواتبها فهذا الأمر يخصها إذا طلبت فلوس أعطيها و لكن مع الإنتباه لشيئ ما كنت أعرفه في خدامات يوم يسألونهن في المطار هل أخدوا كل حقوقهن ينكرن ذلك .فأفضل الإحتفاظ بوصولات البنك إذا بعتت براتبها لأهلها .
أنا مريت ببلاوي مع الخدامات ,آخر وحدة اللي عندي أول ما أخذت راتب أربعة أشهر الأولى قالت لي :مدام أبغي أسافر يوم سألتها ليش؟تقول أنا ما اعرف أسوي شيئ في البيت .فما كان مني إلا قلت لها ما عليه شغلتش عاجبني .توني دافعة للمكتب فلوس و مسوية إقامتها فقلت فنفسي اصبري .
الحين أنا ماسكة عنها راتب شهرين ,يوم تبغي تسافر قبل ما يخلص العقد أقول لها ادفعي تذكرتك و مع السلامة
مع العلم أنني أقوم بشغل المطبخ لوحدي .لكن الحق لله لم أرى في أخلاقها شيئ ( مثل الكلام مع الرجال أو ما شابه)

الله يعطينا خيرهم و يكفينا شرهم.

حبيبتي اماراتية..
انا عن نفسي مااشجع ابدا انه تكون للشغالة جوال.... وارفض بشدة هذا الموضوع لانه خطييييييييييييييير
وهم مصايب والله راح تفتحي لنفسك باب ماراح ينقفل وعن تجربتي الشخصية انصحك برفض الجوال وشيليه منها احسن وبخصوص الرواتب احسن تكون عندك وتعطيها لمن تبغى ترسل او لما تحتاج تشتري شي...

انا من رايي انه الجوال بيد شغاله دمار للكل كذا تفتحين لها مجال وبعدين تلومي نفسك ولا تحطك في مشاكل ما لها طرف بطايق ومو كل شوي بس تتطمن وتقفل هي جايه تشتغل مو تلعب وبعدين انتبهي لبنتك لا ن فيه كثير تحقد على الصغار هذي فضحتها انتبهي مالهم امان
والله يكفاك شرها ويسخرها لك



سلااااااااااااااااااام

مشكورات خواتي على رايكم ...

اما بخصوص الموبايل فانا لما اخذته عنها جابته من وراي ... يعني اذا ما سمحت لها بتاخذ من وراي...

انا فكرت اخليه عندها وفجاه اخذه عنها وادق على الارقام الموجوده فيه ...واذا ردوا علي رجاجيل على طول المطار ...

بيني وبينكم اول ما لقيته عندها قلت بسفرها لاني كرهتها ... بس تدرون رمضان هالايام .. فاخرت لبعد العيد...

المشكله عندي ان بيتي كبير صج عائلتي صغيره بس البيت وايد كبير فيبغي شغل ... وهذي مب اول شغاله.... اول شغاله جبتها ما كملت السنتين قالت بسافر ...والثانيه بعد ماكملت شهرين نحاشت ... وهذي اللحين مكمله سنه وباديه مشاكلها ... احس بيئه الشغالات اللي حوالينا هي السبب يخربون بعض... لان العوايل اللي حوالينا ما يهتمون ذاك الزود اذا الشغاله جابت وحطت ومن وين عادي المهم تشتغل...

الله يعين...