بسم الله الرحمن الرحيم
اخواتي انا اليوم جاية استشيركم في موضوع مرررة مهم والله العظيم لانه يخص اسرة واصحاب المشكلة هم اختي وزوجها المحترم....
المهم القصة ومافيها انه اختي الكبيرة امس كانت قاعدة تدي محاضرة للشغالة حقتها بخصوص اللبس والحرام والحلال لانها تشوف عليها بعض التصرفات الغريبة المهم.... ومن ضمن الجمل اللي كانت ترددلها هي (( زوجي الحمد لله يخاف من ربه وماراح ينولك اللي في بالك وزوجي كويس وزوجي..وزوجي...)) المهم بعدين اتفاجأت بالشغالة تقلها ((زوج مدام مافي كويس زوج مدام خلي انا سوي كبوس..)) يعني كان يخلي الشغالة تكبسه واختي مهي موجودة مع العلم انه في مرة اضطرت اختي تنام يومين برة البيت وهذا بسبب ابنها الصغير لانه نام في المستشفى ....
واعترفت الشغالة لاختي انه الحكاية هذه اتكررت اكثر من مرة وقامت اختي سألت الشغالة (( هل سوى زوجي معاك شي ثاني)) وردت الشغالة وحلفت انه ماصار شي تاني.....
واختي على فكرة ساكنة في مدينة بعيدة عننا المهم انها انهارت وزهمت على زوجها وواجهتهم اقصد الشغالة وزوجها والزوج طبعا نكر بسرعة وبشدة وقام يضرب الشغالة بقوة ويقول لها..(( ليش تكذبي ..؟ ليش تقولي كدا علي ...!! انا جيتك ولا لمستك ولا انت مقهورة اني ماجيتك..!! وطنشت حركاتك ..!!)) والشغالة مصرة على موقفها وانها ماتكذب والزوج يضربها يبغاها تعترف ولا تغير اقوالها وهي مصرة على كلامها واختي المسكينة محتارة تصدق مين وعلى فكرة زوج اختي كان له سابقة مع الشغالة اللي كانت قبلها بس على الخفيف وحلف واقسم لاختي انه ماراح يسويها تاني وزوج اختي على حسب ماتقلنا انه يخاف الله وديك كانت غلطة وهو اعترفبها لكن هذه المرة منكر تماما ومع العلم انه اختي تعبانة من ظهرها عندها مشكلة فيه وما تقدر تستغنى عن الشغالة لانها ماتقدر تقوم بشغل البيت فلو سمحتوا تعطوني رأيكم ومين برأيكم الصادق فيهم لانه اختي منهارة مرة وهي مارضيت تقول لامي بس قالتلي انا وانا قلتلها تصبر حتى استشير اخواتي في المنتدى.............

اولا ربنا يهدي زوج اختك
ثانيا اخت وهج انا راي انها تحاول تعطيه فرصة ثانية
بس هي تحاول انها تجيب شغالة تشتغل بالنهار فقط اي وزوجها في العمل
والله اعلم اختي ممكن اخوات ثانين يعطوكي راي احسن اذا هذا الحل مايريحها
والف سلامة على اختك وان شاء تتحل مشكلتها

والله اختي العزيزة مشكورة على مرورك ومشاركتك
ولكن اختي ساكنة في منطقه مافيها شغالات

السلام عليكم ورحمة الله وبركاته
حياكِ الله اختي وهج الظلام ...
حبيبتي بما ان زوج اختك كانت له سابقة مع الشغالة
التي كانت قبلها فهذا الشيء يجعلنا لا نستبعد ان يكون كلام
هالخادمة صحيح لأن ما هي مصلحتها في ان تتبلى على زوج اختك
وخاصة انها عندما واجهتهم اهم الاثنين اصرت على كلامها ...
فيا اختي الكريمة هناك اكثر من طريقة يمكن لاختك ان تعالج
هالمشكلة اول شيء عليها ان تنهي خدمات هالشغالة لان ما دام هي
معها في البيت راح تذكر هالحادثة بستمرار... ثم لتبحث عن خادمة كبيرة
في السن وذات ملامح ليست بجميلة ومن الافضل ان تكون من
سيلانكا او بنجلادش لان الخدم من هالدولة يكونوا اقل جمال
من الدول الاسوية الاخرى كالفلبين او اندنيسا ...
ثاني شيء ابداً لا تترك الخادمة مع زوجها لوحدهم في البيت
إذا كانت هي خارجة لقضاء حاجة ما وزوجها راح يكون لوحدة في البيت
فلتأخذ الخادمة معها لان ما خلى رجل بإمرأة إلا وكان الشيطان ثالث هما
ولتحاول بقدر الامكان ان تشبع رغبات زوجها من جميع النواحي
الشكلية و السمعية و .... ما يحتاج اذكر الثالثة لانها معروفة
ومدام اهو يحب ان احد يكبسة فلتكثر هي من تكبيسة
ولتحاول أن تتناسي هالحادثة ولتستعين بالله تعالى ولتكثر من الدعاء
كي يصرف عن زوجها هذا البلاء ...
وأسأل الله تعالى لها حياة زوجية سعيدة ومستقرة ...

مشكورة وجزاك الله خير اختي العزيزة إليزا....
اولا احب ان اشكرك على ردك الجميل ولكن ...! هناك تنبيه صغير والله اختي تعتني بزوجها فوق ماتتصوروا وانا اشهد لاني ما شفت زوجة تحب زوجها زيها وعمرها ماقصرت معاه ومعرفتي بيها مهي سطحية اقصد في حياتها الزوجية لاني قبل مااتزوج اقمت معاهم فترة كافية عشان احدد مدى علاقتها بزوجها والشي الثاني انها وهي تصفلي موقفها في ذيك اللحظة قالت انها دايما تحاول تسوي اللي يقلها عليه .. ووالله العظيم وهذا مو دفاع عن اختي انه شغالتها قبيحة وشكلها زي الفلبينين واستغفر الله العظيم ....
وعلى العموم جزاك الله الف خير.....واتمنى الاقي الحل عند الاخوات واعرف رايهن فمين الصادق ومين الكذاب...؟

آآآآآآآآآآآآآآآآآآه والله العظيم قطعتي قلبي على أختك لأن الله إبتلاها بزوج مثل هذا الزوج وصدقيني مشكلتها مستحيل تخلص وأنا أعرف هذا الجنس من الرجال سواء في شغالة ولا مافي شغاله عيونه وحركاته كلها وراء الحريم وإذا ماكان مع الشغالة مع غيرها والشوارع مليانه
وأنا حاسه أنه فعلا سواها والا أقولك ممكن الشغاله يكون هدفها أن تخرب بيت أختك بكذبه ترى الشغالات كل شي يسونه

نصيحتي لها

1-لا تسفر الشغاله أبد لكن لاتغيب الشغاله عن نظرها لحظه
2-تراقب تصرفات زوجها ويومه لحظه بلحظه (عاد الله يعينها ربي بلاها بهذا الزوج )
3-تحاول أن تشتري له الأشرطه الدينه عسى أن يخاف الله وأهم شئ انها تجعله مواضب على الصلاة لأنها تنهى عن الفحشاء والمنكر
4-إذا تكررت مثل هذي الحركات تطلب الطلاق إسترجاع لكرامتها

وربي يعينك عليه إن شاء الله

اختي العزيزة رباط.... بالنسبة لكلامك صحيح ومنطقي لكن صدقيني اختي تهتم بنفسها وبزوجها لكن هذا طبع الرجال اما بالنسبة لمواصفات الشغالة فزي ماقلت هذه الشغالة عديمة الجمال بقول اصح مافيها شي من الجمال..
...............................
اختي العزيزة بيشا بيشا.. مشكورة على مرورك وصدقيني في مثل هذه الظروف وهذا الموقف صعب على الوحدة انها تخبي مشاعرها وبعدين كمان صعب عليها انها تصفه بالالتزام بعد ماسمعت من الشغالة هذا الكلام لانها بعد كدا صعب جدا تثق فيه ....