هذي فعلا حقيقية حصلت 90%من اسبوع لكن الموضوع منقول



اخوهم : اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله

النساء بعد كل زواج0

الأولى : ايش فيك تأخرتي؟

الثانيه : ساعه قاعده ادور على عبايتي 00انتي ما شفتي الحريم يتضاربون عند العبايات 0

العبايات تلخبطت

الثالثه : يا ليتنا ما رحنا زواجهم

اخوهم : ليش؟

الثالثه : زحمه والبزران يتضاربون بقشر البرتقال ويلعبون بالمويه

الأولى : ما شفتي ذيك اللي كبت القهوه على الحرمه اللي كانت نايمه؟

الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة

بنتي مها

الثانيه : ايش رايكم في الفستان اللي لابسته هدى؟

الأولى : مو حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه من باريس 00تضحك عليك يا هبلا 00تلقينه من محلات ابو عشره

وقفه

***************

الغريب والعجيب انهم واثناء حديثهم في السياره يقولون لبعضهم 00خلاص يا بنات

بس 000ترى ما يجوز نتكلم على الناس0

تكمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت

قاعده جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها

الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل

وهي طايحه في اللحم الزين0

العشاء

اخوهم: ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00

صح والله 000ما يجوز 000بس شفتي 000وشفتي 00وشفتي

واخيرا وصلنا المنزل

اخوهم: 00شوفو لي حبتين باندول اكسترا

**************************

اقتراحات لمن يريد ان يتزوج :

1- اصرف حبه باندول لكل رجل بعد العشاء

2- لا تقدم للنساء رز ولحم بوفيه

3- قدم للنساء علب صغيره على شكل وجبات في كل علبه واحد كت كات وعصير وحبتين

ورق عنب 00ولبانه للهضم 00وراح يدعون لك

4- تدفع كل أمرأه مبلغ عشره ريال كتأمين عن التخريب والتكسير الذي يقوم به اولادها000تكتب

هذه الجمله على كرت الدعوه

5-واخيرا يوضع اسم المرأه اللتي لا تلتزم بنظام القاعه في اللآئحه السوداء للقاعه
____

مشكورة أختي على الموضوع ... وفعلا هذا مايحدث في الغالب ..واللي يقهر لمن تجي الوحدة وتصف البنات والحريم أمام زوجها أو أخوها ... والله فلانة مسوية مكياج نانسي . وفلانة شعرها مثل أليسا . وفلانة تشبه خالتي ....
ونسيتي نقطة ...لازم أهل الفرح يوزعون هدية تذكارية عند الباب لكل امرأة عبارة عن لصق ممتاز 100%100 على فم كل وحدة

السلام عليكم ورحمة الله وبركاته هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه
ضكتوني يا بنات دمكم عسل و انتو عسل
صحيح انو الواقع مؤسف و فعلا هذا ما يحدث و لكن سردك كان روعة

يعطيك العافية عزيزتي ..
فعلا اللي قلتيه صحيح ...الله يهدينا ..

والله انك صااااااااااادقه ............................................وقد يحدث اشيااااااااااء اكثر من كذا شي ادها وامر

فلانه قالت وعلانه سو ت ولا ايش رااايك في خشمها ؟؟؟!!!؟؟؟!!!شفتي عيونها كييييييييييييييييييييييييف؟؟؟!!؟!؟!؟!

الا ذيك يوم انها طااااااااااااااحت بسم الله ماتشوف..........................ويمين بالله انه احيانا يقولو كلام لو تسمعه

البنت اللى يسبونها لتنتحر.............................وحدث ولا حرج



موضوعك رهيب والله وعساك انت الاجمل في عيون زوجك داااااااااائما

والله انك صادقة ...ويقهري لما زوجي هو اللي يسوق
واخواته يتكلمون عن الزواج وفلانه وعلانه....والله صارت لي اكثر من مره
وكرهت احضر الزواجات معاهم....

أختي العزيزة دغلوسه
أولاً دمك عسسسسسسسسسسسسل و ضحكني
وتقريباً أنت صورت صورة من صور مجتمعنا الحالي