أسعد الله أوقاتكن أخواتى الغاليات بكل خير و أهلا و سهلا فيكن بموضوعى الثانى من فنجان شاى و الذى أتمنى أن ينال إعجابكن فأرجو من كل وحدة تمد يدها وتتناول فنجانها بالطعم المفضل لديها. وعندك شاى بالنعناع, بالميرامية, بالهيل بالزعفران معطر و مشكل... واللى معها فقر دم منقدملها أحلى فنجان عصير برتقال... صحتكن عنا بالدنيا.

الموضوع اللى حابة إطرحه من فكرة و إخراج غاليتنا أمنية
و من إعدادى
والأبطال هن أنتن عضوات أحلى و أطيب منتدى...


بيقلكن المثل الرجل جنى و المرة بنا بالشد .....و فى مقولة لنساء اليوم وهى أن تصرفى كل مافى جيب زوجك حتى لا يفكر بعمره يجيبلك ضرة .
تفضلن معى إلى هذا الموقف و من ثم تعالين بفنجانكم الشاى و ناقشوا معى هذه الظاهرة..

جاءت حميدة لتزور فريدة فى بيتها الجديد و هما صديقاتان حميمتان.... فأخذت حميدة هديتها المتواضعة و قدمتها لفريدة و بعد أن دخلت البيت و رأت روعة الديكور و فخامة الأثاث شعرت بالإحراج و بدت تعلل أن الهدية مو قد المقام فبادرتها فريدة لا يا صديقتى أنا لايهمنى أى شىء المهم أنك باركتى البيت بزيارتك هذه ... و الحمد لله الخير كثير و مثل مانك شايفة...
المهم حميدة فتحت عيناها على كل شىء و بدأت تتفحص كل صغيرة و كبيرة و ما خلت شىء و ما فتحته و سألت عن سعره...... و قضت و قت جميل و طيب مع صديقتها وودعتها وذهبت إلى بيتها... ركبت مع زوجها السيارة ولم تتكلم باى كلمة (كانت مصدومة ) حتى و صلت البيت و دخلت و فتحت حلقها..

شو هاد شو هالقرف اللى عايشة فيه؟؟؟؟؟؟
روح شوف بيت فريدة ؟؟؟؟!!!!
روح شوف عفش فريدة ؟؟؟؟!!!!
روح شوف ديكور فريدة ؟؟؟!!!
روح شوف ضيافة فريدة ؟؟؟!!!
أما أنا فياحسرة عليى و على ايامى كل ما بدى إشترى شىء لازم تفتح ميت محضر و ميت سؤال إلى متى صابرة.... شوف لبسها شوف ماكياجها شوف عطوراتها... ماخلت شى للرجال ما مننته فيه.


ثار الرجل وضرب على راسه و راح أخذ حبة تايلانول... بانادول و وربط رأسه وصاح لك منشان الله ذبحتينى آخر مرة بتروحى لعند سميحة .....
.
إنتهى الموقف......
طبعا هلق خذى شفة من فنجانك و من ثم ناقشى معى هذه الأسئلة وكلى أمل أن نوفق لحوار منطقى يفيد معشر النساء فى هذه القضية.


هل أنت ممن تقتنع بالأساسيات و لاتهتم بالكامليات؟؟؟؟
هل أنت من النوع اللى بيخبى القرش الأبيض إلى اليوم الأسودعلى قولة أمنية؟؟؟؟
و أخيرا هل أنت راضية عن الإسلوب الذى يتعامل فيه زوجك فى تقسيم المصروف؟ أم أنه بخيل ...كريم ..... ما بيسأل ......
أنا بعرف ناس بيسألوا عن كل واردة و شاردة و كل فلس وين راح و من وين طلع؟؟؟؟؟؟؟ هل هذا صح أم خطأ أم أنه مبالغ فيه....

ولا يهمك عزيزتي هيني بلشت اشرب فنجان الشاي تفضلي معي


احكي لك في صراحه انا لما تزوجت واجيت للامارات على بيتي لقيت زوجي الله يخليه الي فارش البيت من كله سواء الاساسيات او الكماليات يعني ما كان في مجال احكي او اتنمرد
وعن سؤالك اذا بخبي القرش الابيض لليوم الاسود صراحه انا ما بنعطى فلوس لان كل الي بعطيني اياه بصرفه مع اني بحاول اشد ايدي شوي
وفي النسبه لتقسيم زوجي للمصروف كويس لانه شبه مسوؤل عن بيت اهله في المصروف والحمد لله ما بحاول يقصر معي او مع اهله مع انه مرات بحس ان الهم طلبات زياده بس اكيد بضلوا اهله
ومرات من باب الفضول بسأل عن الشارد والوارد بس صراحه هو لما ما يعجبه السؤال ما برد
على سؤالي وبعمل حاله مو سامع


معلش طولت عليكم

يا هلا فيك أختى أم مهند و إن شاء الله تعجبك قعدتنا بفنجان الشاى.
يعنى ما بتتسلمى فلوس و خصوصا بالإمارات المغريات و المهرجانات على طول السنة.... مو هيك؟؟؟
وقناعتك جيدة بالنسبة لبيت أهل زوجك مهما كان بيظلوا بيت أهله ويارب يبارك له بكل قرش يبساعد فيه أهله و كثر الله من أمثاله.
وفقك الله و أسعدك اختى أم مهند على مرورك الكريم.

أولآ هي صديقتها إسمها فريدة ولا سميحة???
ياستي كل وحدة بتحب إيكون عندها كل شيئ بس إنها تطلع علي رزق و أغراض غيرها فهاي فراغة عين.
ولازم الزوجة هي إلي إتدبر أمور بيتها وتدبر مصروف البيت علشان لا تضغط علي زوجها.
أما مراقبة الغير فهاي شيئ خطأ وصدق المثل من راقب الناس ماتا همآ.

الحمد لله، عمري ما اهتميت شو عند غيري، لو كان قصر منيع، هذا لا يهمني، تربيت على القناعة والشبع.. خاصة ولله الحمد زوجي كريم وما عمري خلاني أحتاج شيء
صراحة أتعجب من المرأة اللي ممكن تشوف عند غيرها وتطلب من زوجها فوق طاقته، أو تعايره مثلاً بفقره، أو تقارن حياتها بغيرها!!!! القناعة كنز لا يفنى!

ههههههههه وهو فيه قرش ابيض يتخبى ليوم اسود
اقصد في هالزمن
مشكوره على هالموضوع الحلو

أم شهد هى فريدة بس من كثر ما طيرت عقله للزلمة قال سميحة... عنا سميحة مشاغبة و بيضرب فيها المثل لشقاوتها.
كلامك رائع اللى بيراقب الناس مات هما......
و ماشاء الله عليك إنت الماسكة المصروف طيب ممتاز يعنى بتتسلمى فلوس مو مثل صاحبتك ما بنعطى و لاقرش... لأنى كل شى عندى إياه رخيص......
كيف عجبك فنجان الشاى و بأى طعم أخذت.... لازم اتعرفونا شو الطعم اللى بتحبوه منشان انقوم بالضيافة اللازمة.
::::::::::::::::::::::

تسلميلى أمونة يا أم القناعة فعلا يا أختى اللى عينه فاضية ما بيمليها غير التراب. هذه قاعدتى فى الحياة ولله الحمد و المنة.
شو بدك شى سكر زيادة لما امنيح هيك الشاى.... هديك المرة سميتلك بدنك بفنجان القهوة إن شاء الله تكونى روقتى بالشاى......

بنات راح أكمل ردود لما لأرجع من الساندى إسكول بعد شى خمس ساعات.... راجعتلكن حبايب قلبى,

أمنية تسلميلى يارب يا أم الأفكار و المواضيع القوية تعالى خذيلك فنجان شاى مكافئة على تعديل الصور و الورود بالموضوع.