ردي سيكون معبرا عن رايي الشخصي طبعا ولظروفي انا...فكل واحده لها ظروفها الخاصه
انا إذا شكيت زوجي لامي فامي بتعقلني وتقولي الصح...وبالعكس ترا يا بنات امي دائما واقفه في صف الزوج (احمدي ربك اللي اخذك) دايما ردها لنا انا وخواتي اللي يسمعها يقول ماحد خطب فينا الا هم(ولا تسبي ذوقه-اختياره- ترا انت من ذوقه) وبعدين الاهل لو باشكيلهم ماراح يقولون لي طلقيه واتزوجي غيره ...مافيه فكه
لكن هو لو بيشكي لاهله...بيقولون عندك كذا خيار (و طماط بعد( تزوج طلق اللي تبي ويمكن يكبرونها براسه...وسمعة المرأه مو زي سمعة الرجال
وبعدين الاهل يغارون من زوجة الولد ...لكن اهل البنت مايغارون من بنتهم
مثلا لو بروح انا واياه فندق ليله...بروح احط عيالي عند امي واقولها لا تعلمين احد...لان امي بتفرحلي...بينما اهل الزوج...بيقولون لو قعدت عند عيالها ابركلها...وماله داعي..وخساير..
مع ان اهل زوجي عسل...وماقد جربت ...بس اتوقع راح يكون فيه احراجات
لو بروح مطعم باقول لاهلي ولا اقول لاهله...لان اهله ودهم يجون معنا...لكن اهلي ولا يفكرون فيها
يعني لازم يكون فيها مراعاة الخواطر

اما عني اذا جت على الطلعات ناخذ اهله معنا واهلي ماناخذهم دائما في كل طلعه تقريبا بصراحه اهل زوجي على راسي من فوق لكن لكل شي حدود الوحدة ودها تخرج مع زوجها لحالهم اومرة مع اهلها واساسا هو من نفسه عنده اهله اول شي لدرجة اني بدات اغار منهم بس بصراحه الي يبط جبدي لما نكون في موقف انا واهله يبدي اهله علي مع اني زوجته ماادري ابش هذي السوات

دايما في بدايه الحياه الزوجيه كل حدا بيحب يفرض شخصيته ويبن عضلاته حلوه هذي ههههه
طيب
اولها اول ما يخطبوا بيكونوا سمن على عسل بعدها عند الزواج بيصير كل حدا سواء من اهل الزوج او الزوج او الزوجه او اهلها كل حدا به يحكي شغله او يفرض رايه بس هذا بيحدث اول سنه او اقل يعني بس بعدها يتزول هذه الشغلات والفضل يكون للزوج والزوجه معا
يعني يتعاملوا مع الموضوع باهتمام وذلك مثلا لو تدخلت ام الزوج بالزوجه يعني ممكن كلمات بسيطه سوي واعملي او حطي اي شي الزوجه ما توخذها بحساسيه وتعمل من الحبه قبه
تتحمل شويه وترد عليها وتعاملها بالاحسن كل مره بعدها رح تروح هذه الشغلات وكذلك بالنسبه للزوج ما ياخذ كل اشي بحساسيه لازم يكون في تفاهم وصبر وتحمل مش الواحد يعمل مشكله من اي شي

بالنسبه اي انا زي السمنه على العسل مع حماتي وبنات حماتي ووالد زوجي وزي ما قلت ما نوخد الامور بحساسيه وبعدها كل اشي بيروق وبيبقى عال العال

الحياه بدها نفس طويل مش عصبيه وضيق خلق لا دايما لازم الانسان يتفائل ويعامل الناس مليح رح يعاملوه بالاحسن

وزي ما بقول المثل عامل الناس مثلما تحب ان يعاملوك

وشكرا

هلا وغلا بكركر ... بصراحه موضوعك يغري بالرد ..

فعلاً موضوع حساس .. الحسبه فيه صعبه شوي ...

شوفي عزيزتي في البدايه ارتباط الرجل بعائلته ليس كأرتباط الفتاة حتى قبل الزواج ..فحين نرى الفتاة تبوح لوالدتها واخواتها بمشاكلها ( في الغالب ) لا نرى الفتى يفعل ذلك مع اسرته حتى قبل الزواج ..وان فعل فبصوره محدوده ..

لذلك ينطبق ذلك حتى بعد الزواج ..فتذهب الفتاة لتبوح بمشاكلها واسرارها لأسرتها لأنها بطبيعتها مرهفه وحساسه .. اما الرجل فقد يكتمها في نفسه او حتى يبوح بها لأصدقائه ..ولكنه نادراً ما يبوح بها لوالدته ..الا متى ماكان الموضوع شائكاً ويحتاج لخبرة نسائيه

لذلك ارى ان الموضوع من هذه الناحيه طبيعي ...

ناحية اخرى ..اننا نرى الكثيرات ترتبط بأهل زوجها اكثر من عائلتها ..من ناحية الألتزامات العائليه (سفر, زيارات , عزايم , ضيافه ..الخ ) وتقدمهم على اهلها .. مثلاً انا قد يزورني اهل زوجي بصفة مستمره ..( مرتين في الشهر احياناً ) .. ولكن اهلي قد لا يزورونني الابعد عدة اشهر ..وفي المقابل قد يجد اهلي من رفع الكلفه والتبسط ( وزي ما نقول يمونون اكثر )..في منزلي ..
كما انه قد تتعبين في اعداد اصناف منوعه من الأطعمه عند دعوة اهل زوجك ..وفي المقابل قد لا تبذلين نصف هذا الجهد عند دعوة اهلك واخواتك .

اذن عزيزتي هو شيء مقابل شي ء ..اذن المعادله متوازنه <<<< متأثره بالتخصص

اما بالنسبه لماذا لا اخبرهم اين اذهب اريد ان اسألك ..ما لفائده من ذلك ؟؟
ربما يكون في ذلك مضايقه لهم وقد تغار والدة الزوج او اخواته ..فلماذا اضايقهم مادام الزوج غير مقصر في حقوقهم ؟؟

لي تعليق اخير على اضافتك ..


الا تحبين ان يأخذك ابنك بعد ذلك مع زوجته فى اى مكان تحبينه..؟؟


نعم قد احب ..ولكن ليس معنى ذلك ان ارافقهم اينما ذهبوا !! يجب ان تظل لهم مشاويرهم الخاصه .. والا سوف تكون هذه الأم عبء ثقيل على ولدها قبل زوجته ..

هذه وجهة نظري الخاصه ..وقد لا تنطبق على الكل .... ولكنني اراها واقعاً في كثير من العائلات حولي ..

تسلمي يا كركر على مواضيعك التي في الصميم