أختي الغالية ...وعليكم السلام ورحمة الله وبركاته وكل سنه وأنت طيبة
أنا احيانا اواجه نفس مشكلتك ... حاولي ألا تكثري من الجلوس أمام الكمبيوتر في أوقات
وجود زوجك فالرجل يغار من أي شي قد يشاركه في زوجته .....
أوضحي له أهمية النت لك ومدى الفوائد الكبيرة التي استفدتها من الاشتراك في المنتدى وانه ليس مثل أي منتدى اخر كما يظن البعض
الله يهدي سره ويهديه .......!!!!

لاحول ولاقوة الا بالله والله خوفتني من العنوان
الله يهديك لكن الحمد لله جت سليمه

السلام عليكم ورحمة الله وبركاته :

أختي behappy أنا أتعرض لنفس موقفك تماماً , يعني زوجي بيقول أن هذا كله إضاعة للوقت و أن بيتي و أولادي أولى بهذا الوقت .

و لكني ما دمت أنا مقتنعة بما أفعل و لا أتجاوز حدود الله , فأنا أطنشششششششه .

و أهم شي أنك ما تقعدي على الكمبيوتر أمامه , و إذا كان من النوع العنيد لا تناقشيه لتقنعيه فإن ذلك سيزيد من حدة موقفه .

كلنا في الهوى سوى يا أم رهف
زوجي بس ما بيحكي إلا كل شهرين مرة
ليش؟ لأني بحاول ما أقعد إلا وهو تماماً غرقان في شغله أو مش في البيت..
ولما أضطر أقعد وهو متنبه للموضوع.. بحاول إني أكون قمت بكل أعمالي حتى ما يكون له حجة
سبحان الله، مع أنهم هم ممكن يقعدوا كل النهار ويقصروا بواجباتهم وما أحد بيحكي، لكن هالحرية بتيجي عندنا وبتوقف!!!!!

لكن أنا شهرت أسلحتي أيضاً، يعني ما عاد يحكي الآن لأني مسكت سلاح غير شكل
شو هو؟
بعطيه محاضرة جلوسي في البيت كل النهار لا شغلة ولا عملة غير البيت والطبخ والأولاد وواجباتهم، والمنتدى الشيء الوحيد اللي بعمله لنفسي وبيفرحني! كل أعمالي لغيري..

نفسي أدرس، مش راضي حتى ابني يدخل المدرسة دوام كامل، يعني الحمد لله هانت، العام الدراسي المقبل..
معروض عليّ شغل محترم اشتغلته قبل، ومش راضي حتى أبقى في البيت ملكة متفرغة!! وما أقصر بأعمالي المنزلية!!! قلتله: ملكة؟ هذه خادمة فقعد يضحك..
بيضحك عليّ بكلمة ملكة بيقول انت مشغولة بما فيه الكفاية، بتشتغلي في الحلقة بالمسجد، بتعملي جريدة المسجد، وولادك، ووووو... فقلتله: هذا كله للناس، ما في شيء منه بيفرحني ولي أنا.. المنتدى الوحيد اللي بحس فيه براحة نفسية... المهم هذا الموشح قلته مرة واقتنع فيه وما عدت سمعت كلمة عن المنتدى.. خاصة إني بحاول أخفف لما يكون بالبيت

وعليكم السلام
اضحكت لانة لقيت ناس مارين بنفس مشكلتي
بس مشكلتي انا اكبر من مشكلتكم
لانة زوجي ما بشتغل (طبعا صعب اوضحلكم ليش واكيد البنات الفلسطينيات بعرفوا ليش يعني السبب سياسي ما سامحة اسرائيل بالتحرك النا بحرية)
المهم انة اغلب الوقت بكون موجود بالبيت يعني بضطر اقعد على النت وهو موجود
وانا مثلكم تماما بشعر براحة نفسية كبيرة بدخول هالمنتدى
فهذة هي النقطة الوحيدة الي بدخل منها اذا صدفت وحكا اي اشي
وهي انة ما في طلعة ولا روحة ولا جية وطول اليوم شغل وتعب ونفسية متل العما ومع هيك كمان الشي الي ارتاح فية لازم اقدم استدعى حتى تسمح فية او ما تسمح
ان غابت عنكم يعني خذوهم بالصوت ليغلبوكم
طبعا الموضوع كلة مثل ما حكوا الاخوات مش تنقصير ولا شي بقدر ما هو غيرة انة الرجل دايما بحب الاضواء مسلطة علية هو وبس
علشان هيك طولي بالك واوعي يعمل النت بينكم مشاكل ان شفتي مصمم وزعلان اهملي الموضوع وما تبيني انك مهتمة اصلا واحكيلة انت اهم شي عندي المهم انك ما تزعل واذا بدك بلغي اشتراكي من المنتدى كمان (بدا كيد النسوان) بس انت بتعرف قديش انا بحب هالموقع وبلاقي نفسي اني مرتاحة واكيد مثل ما انا بحب راحتك وبهتم فيك اكيد انت بتحب الشي الي بريحني
يؤيؤيؤيؤيؤ شكلي حكيت عن عشرة

بتمنالك التوفيق

كلنا بلهوا سوا يا هبوبه