قرأت هذا الموضوع في النت وأبي رأيكم

شاب سعودي يطلق زوجته في ليلة الفرح لانها استهزأت بأمه

شاب ملتزم من اهل القصيم في ليلة زواجه دخل يشوف عروسته

وما كان في الصاله الا محارمه واهل زوجته متغطيات طبعا

المهم ام العريس عجوز ومن فرحها في ابنها قامت ترقص تعرفون عاد وشلون ترقص أم وفرحانه بعرس ولدها

العروسه ما عجبها الوضع قامت وشوشت لزوجها


وقالت له خل امك تجلس افضحتني قدام زميلاتي

على طول وجه الرجال صار احمر وقام واستدعى ام العروسه

وقال لها ترا بنتك طالق العروسه اغمي عليها وطلع الزوج ومشى

الحاصل بعد اسبوعين عرفوا زملاءه باللي حصل قاموا جمعوا له مهر

وزوجوه وحده محترمه تصونه وتحترم اهله

وعاشوا في ثبات ونبات ....... وانتم كملوا الباقي

انا من وجهة نظري ان الرجال ما قصر
والبنت تستاهل ما جاها

وش رايكم؟

سبحان الله الجزاء من جنس العمل...... يعنى من أولها داخلة العروس بقوة عضلاتها ....و برأيى أن الزوجة هى المسؤولة عن حسن علاقتها ببيت إحماها فمتى ما كانت نيتها سليمة و داخلة عليهم بحب و إحترام سيكون لها ما تريد و لكن و للأسف تكون الزوجة صالحة فى كل شىء إلا فى علاقتها مع أهل زوجها ليش ما كنت إفهم.

أي والله صحة لإيده هيك الرجال والا بلاش!
هذا من أولها، كيف بعد ما تبدأ الحياة بالفعل؟!! رح تقول له: ما بدي إياها في البيت، حطها في مأوى العجزة!!!!!!!!!!!!!!!!!

والله تستاهل بقوة لي هو بيتزوج عشان يزيد سعادة ويكبر العيله ولا ينقصها ويتعس
بعدين اختصر الطريق والله يكثر الرجال الي زي كذا

كثر الله من أمثالكن أخواتي أم بدر وايمان والسريعه وهذا والله العشم بردودكم
ووالله انك صادقه ياأم بدر ان الزوجه تكون صالحه في كل شي الا علاقتها بأهل زوجها طبعا مو كلهم بس بعضهم

الاخت الغاليه أيمان ..والله انك صادقه اخرتها بتقول كذا

عزيزتي السريعه أضم صوتي لصوتك وأقول امــــــين ان شاء الله يكثرون الرجال اللي كذا
وزي مايقولون الزوجه يعوضها بألف زوجه بس الأم ماتتعوض بكنوز الدنيا كلها

والف شكر لمروركم

أختكم في الله / نــازك

الصراحة تستاهل واكثر وزين ما سوى فيها وطلع رجال ولا كل الرجاله

السلام عليكم ....
مع احترامي لآراء أخواتي العزيزات ..أنا أرى بأن الزوج تسرع في اتخاذ قرار الطلاق ،أنا ما أنكر بأن الزوجه غلطت ..لكن ليش الحل الأول اللي اتخذه الزوج هو الطلاق ،والطلاق المفروض يكون الحل الأخير وآخر الدواء الكي ،ما في حد يرضى على أمه الإهانه ،بس أعتقد انه في ها الموقف الانسان يضبط اعصابه بعدين يناقشها في الموضوع ،ويبين لها انها غلطانه وانها إذا حابه اتعيش معاه أول شي عليها انها تحترم امه وأهله،ويذكر لها أحاديث من السنه وآيات من القرآن ،ومثلا يعاقبها على فعلتها هذي بأنه ينام في غرفه ثانيه في الليله الاولى للزواج ،وهي إنسانه وبشر شي طبيعي بتحس بكبر بغلطتها وبتعتذر منه،ويتحط امه فوق راسها ،خاصه ان الام ما سمعت الكلام اللي انقال عنها،كل انسان يغلط ، طيب إذا كان الموقف بالعكس وأم الزوجه هي اللي رقصت والزوج هو اللي تمصخر عليها هل كان الحل هو طلب الزوجه الطلاق حالا من زوجها ؟؟؟ أعتقد ان الحياه الزوجيه لازم تكون مبنيه على الاختيار الصحيح لشريك الحياه ،وأي مشكله يمر فيها كل زوجين ما نقدم الطلاق كحل أول ،واللا الحين كنا بنلاقي معظم المتزوجات مطلقات ...وإذا استنفذ الزوج كل الحلول (نصح ،هجر ،الصبر عليها،ضرب إذا اقتضى الأمر)..ولنا في رسول الله-صلى الله عليه وسلم- أسوة حسنه...فعليه هنا تطليقها...