السلام عليكم ورحمة الله وبركاته ...

يا بناااات ابي المساعدة منكم ... مشكلتي مو عويصة لهالدرجة يعني الحياة ماشية معاها او بدونها بس ابي اطور من حياتنا واعدل العيوب اللي فيها من البداية لأن ماصارلي مدة طويلة متزوجة وابي مشورتكم ...

مشكلتي واضحة من عنوانها .... زوجي قليل الكلام ... طيب وحبوب ومتفاهم وشايلني فوق راسه ولله الحمد بس صاااامت .... لو يبي يبين لي مشاعره اييب لي هدية او يسويلي شي احبه بس ما يتكلم ... يرجع من شغله اسحب منه الكلام سحب .... افتح المواضيع اللي يحبها يرد علي ب : إي أو لأ ..... افتح معاه مواضيع قابلة للنقاش يقوللي : مادري ..... حتى لو اخذت رايه بشي يقوللي الموضوع يخصج وسوي اللي يريحج .. ولو كان الموضوع يخصنا احنا الاثنين يسمع رايي ولو ما اقنعه يسوي اللي يبيه ..... حاولت بكل الطرق .... اخترت الاوقات اللي يكون فاااضي ومرتاح ومسترخي وباله مو مشغول علشان اتكلم معاه فيها وماكو فايدة .... اخترت المواضيع اللي تهمه بعد ماكو فايدة ..... حتى لما يزعل او يصير بيننا سوء تفاهم يظل ساكت .... واذا انا زعلت او صارت مشكلة يحاول يضحك معاي يسوي اي شي بس انه يغير الموضوع ..... حتى ما يناقش المشكلة ولا يحاول يحلها .. مع العلم ان احنا وااايد متفاهمين ولله الحمد ولنا نفس الاهتمامات وحتى نفس مجال الدراسة .... وحتى اطباعنا تتشابه وايد .... يعني وايد في اشياء مشتركة بيننا ممكن نتكلم فيها ..... بس هذا طبعه .... يحب يسمعني وانا اتكلم .. وكذا مرة اتعمد اني اسكت علشان يحس باللي احس فيه ما يعجبه الوضع بس هم ما حاول يغير طبعه ............... تعب نفسيتي بسكوته والله اترجاه يتكلم ..... شسوي معاه ؟؟

يبدو أخت دانة الكويت .. أنهم كلهم هذا الرجل ...


خخخخخخخخ ..

في أمريكا جملة بيقولوها في هذا الموقف: join the club
يعني واللي سمعك...
أختي كلنا في نفس الحالة، زوجي له هذا الطبع... زوج لا أبدله بكنوز الأرض والحمد لله، لكنه قليل الكلام.
ولكن الموضوع ليس شخصياً، أي هو هذا طبعه، ومهما فعلت لن تغيريه... تقبلي بالوضع، واسعديه ولا تجعلي منها مشكلة..
تكون صعبة في البداية، ولكن مع مرور الزمن ستعتادين على هذا الأمر، يحب سماعك، تكلمي واتركيه يسمعك.
ولكن قمت مرة بتجربة أعجبتني ونجحت، ولكن كوني أحب الكلام لم أستطع الاستمرار
قررت أن أفعل مثله وأصمت لفترة وأرى إن كان سيتكلم أم لا...
في البداية لم ينتبه، أول ساعة يعني...
ثم بعدها انتبه أنني صامتة، ولكني لست متضايقة أو أي شيء، مبتسمة ولكن لا أتكلم.
أصبح هو الذي يسحب الكلام...
يكلمني، أبتسم وأرد بكلمة...
فأخذ يحاورني ويحاول أن يجعلني أتكلم أكثر، وأنا أكاد أنفجر من الضحك في داخلي...
ثم بعدها لم أعد أستحمل، أصبح لدي الكثير من الكلام المخزون
باختصار، تقبلي الأمر، وطالما هو كما وصفتِ من الروعة، فلا تجعلي الأمر كبيراً، تقبلي طبعه كما هو، وجاريه لأنه لننننننن يتغير...

مشكوريييين على الرد ...

ام معاذ وجهاد الله يخليهم لك واختي ايمان ...


صج صج حبطتوني كان عندي أمل انه يتغير ... وانا مثلج حاولت اكثر من مرة اني اسكت وكان حاس ان الوضع مو طبيعي لكن لا حياة لمن تنادي ولا كأنه في شي ... ماغير كلمه وحده : انتي مضايقج شي ؟؟!!! واااااااااي ودي اصرخ لما يسوي جذي .... تصدقون احاول اغير الجو نطلع البحر نقعد قعدة رومانسية بس اففففففف طول القعدة واحنا ساكتين ونتأمل بالبحر وبعد ما نتأمل نرجع نتأمل .... إلى ان يخلص التأمل ونرجع البيت خخخخخ

بس ريحتوني يعني حالتي متكررة مو مستعصية للدرجة اللي كنت اظنها .....

ولا يضيق صدرك دانه زوجي مثل زوجك اواشد

لكن في النهايه حبوب وطيب وهذا اللي مصبرني !!

بتتعودي بعدين ما تخافي، هذا لأنك بعدك جديدة، بكرة ان شاء الله بيجيكي العريس الجديد (البيبي) اللي بينسيك كل العالم اصبري بكرة بتتعودي وبتتأقلمي... صديقة عروس جديد تشكيلي من نفس الشيء، زوجها كأنه توأم عن زوجي، صرت اضحك، قلتلها اللي قلتلك إياه، الآن بتقولي والله معك حق... تعودت، بس خلص، أنا بحكي هو يسمع...
طيب مش أحسن ما إنك انت وياه تحكوا مع بعض وتتضاربوا
هيك في عدل، واحد بيحكي وواحد بيسكت

والله انا زوجى مثل زوجك يادانه
لكن مافى مثله بالدنيا عشان كذا انا بالعه هذا العيب فيه