قاموس
شامي - عربي

دشرو : يعني حل عنو.
ماني غضران : يعني لست بقادر (وهي بالميداني)
يوه تشكلو آسي : يوه مفرده ياتي شرحها لاحقاَ .
تشكلو آسي (بعيد الشر) تعبير يفيد شدة حب المتكلم للمتكلم عنه ....
الواه الواه :تعبير نسائي قح يفيد التمسخر على شيء ما.
معبا بنطرون : يعني واحد أجدب وجاية يحكي .
ولا : آداة تستخدم في النهر والشتم.
وخنان : مسبة مانها ظريفة بس وضعت للضرورةاللغوية.
دشرني : أي حل عني ... وحل عني يعمي أتركني بحالي.
أيدي بزنارك : تعبير يستخدم للتعبير عن الرجاء .
دخيل الله : أيضاَ تعبير والمقصود به هو الآستغائة بالله.
شعره متل الشوشة : أي أن شعره منفوش ومنكوش.
وضراب السخن : وهي مسبة..وتعني .... مابعرف مسبة وبس.
يوه الواه الواه : مفردة شهيرة جدأ عند النساء وتفيد الأوية.
كوكش : يعيني يفتش.
بحبش : ايضاً مفردة تعني البحث مع التمحيص.
ينمحق : ويعني ينضرب على قامتو .. يسطفل.
يبعتلو حمى : أي تصيبه حمى ويمرض.
يتحورق : متل يبعتلو حمى.
يتقوص : بنفس المعنى.
يتأمع : كمان هيك شي.
عود يقعد رزك : يعني خيلتنا حاجة تحوص.
والمعنى الأدق: يقعد رزك يعني تموت والناس ياكلو رز.. لانو من المعروف عندما يموت حدى بتصير عزيمة وبيطعمو الناس أوزي على روح الميت والأوزي آكله معروفة بالشام.
وين غاطط : وين مو مبين.
والسبع تنعام : يعني النا الشرف.
حيط بياخذو وحيط بيجيو : تقال للي بيسكر من كتر الترنح.
مابيعرف الخمسة من الطمسه :
عن الرجل اللي ماعندو ثقافة.


سري مري : عاللي بيخفق برات البيت.
شندي بندي : للي بيحكي بلا طعمه شروي غروي.
فايت بالحيط – طاقق الفيوز : للدلالة على انو ماعم يلاقى كلمة مناسبة.
مجنط : مفلس ولا قرش.
كحته : أيدو ماسكه .. بخيل.
شاطط ماطط : يعني مدلع زيادة.
نعيان : يعني قلبو بارد.
نايط = نعيان = بارد
شاضومه : بنت مجلوئة .. يعني كيف بدي الكن .... قليلة أدب ومصبينه.
شحاطة : مايلبسه المرء في قدمه عندما يكون في المنزل.
تعسيله : نومة بعض الظهر.
مسرسبة : يعني بتحب النظافة كتير.
أسسييع أوعى الزيت : بمعنى وسع وفسح طريق.
أغيييييى : هي للأقبضايات وبس.
تأكلو الدودة العميا : يعني الواحد يموت وياكله الدود بعيد الشر.
يبعتلو اتلو شو سمج : كمان يعني يموت وسمج يعني غليظ..
موسوس : مهووس بشغله.
عقلو جوزتين بخرج : يعني عقله صغير.
متل الأطرش بالزفة : يعني مالو علاقة بالموضوع.
حاج تحوص وتلوص : يعني حاجة تفتل وتدور.
شوية لرخار : بعد شوي.
بنت عمي : يعني مرتو وطبعاً بالعكس.

مع ملاحظة قرائة كل حرف ((ق)) ((أ))
مثال ((تمحق)) ((تمحأ))
وهذه كلمات متداولة فقط عند أهل الشام الأصليين

ودمتم
أختكن أم اللوووووول

أهلين فيكي مسيون خانم...
أشكر مرورك غاليتي وتواصلك

بس من وين صاحبتك كانت؟
أنا من الشام
وحطيت القموس منشان تتعلموا الكلام الشامي.. نوع من الثقافة


وإذا بتحبي أي سؤال تكرم عينك


أم اللول

السلام عليكم ورحمة الله وبركاته
مشكوره اختي قطة شامية على القاموس الشامي
بس فيه طلب وياليت مااكون مثقله عليك
ابغى تقولين لي كيف كان البس الشعبي الشامي والأكلات الشعبيه
لأن احنا في دار تحفيظ القران مسوين طبق خيري وحاطين اركان
ومن ضمنهم الركن الشامي ولو كان فيه بعض الأفكار فجزاك الله خير
(وحده طولتها صح)

هلا بأجمل قطة
مامعنى

وي على آمتي
بطيخ مبسمر

الراجية للجنة... أهلا بك وجمعنا الله وإياكي ورسولنا الكريم في الجنة


بالنسبة للبس الشامي القديم.. فكانت المرأت تلبس شيئ كالثوب الفضفاض .. يسمى الملاءة وهو لون أسود
كان يلف على الجسم وتوجد له مطاط من الوسط....أو يلبسط مانطو أسود مع منديل يسدل على الوجه ... مابعرف غذا بتشوفي المسلسلات الشامية القديمة... متل أيام شامية.. أو حمام القيشاني

أما في المنزل.. كانت تلبس أيضا ثوب فضفاض.. معرق بألوان زاهية وتحته بنطال.. وتلبس في قدمها قبقاب من الخشب والجلد


بحاول نزلك صورة إذا لقيت

أما الأكل فمعروفين أهل الشام ..ولا أقصد سوريا ومحافظاتها فقط أهل دمشق... يعني الشام القديمة
بالحراء أصبعو.. أكلة شعبية طيبة كتير


0عدس وعجين وبصل وفول أخضر.. مع دبس الرمان وصل مقلي وعجين مقلي وكزبرة للزينة)
من الوصف بتحسيها مو طيبة بس شكلها وطعمتها بتجنن

الشيشبرك.. وهو لبن مطبوخ وفيه عجين محشي باللحمة الناعمة والبقدونس والبصل)
الشاكرية: لحمة شقف مع لبن مطبوخ
كبة بالصينة أو مقلية أو باللبن أو نيئة
باسماشكات.. شرائح كبيرة من لحم العجل محشية برز ولحمة وصنوبر...وتقفل ثم تطيخ مع مرقة لحمة بيضاء
ست ازوبقي
أبو شلهوب
فريكة


من الحلويات.. مبرومة
كنافة نابلسية
نهش
مدلوقة
عثمان باشا
بلورية


المقبلات .. تبولة .. فتوش.. بابا غنوج..

شبدي علك لعدلك.. حدث ولاحرج

عود يقعد رزك


عجبتني هيدا كتيييييير.ههههههههه

ومشكووره وترى في بعض الحكي بنؤله احنا }}قلبت شامي