حبيباتى انا وجدتكم ما شاء الله لكم وجهات نظر سديده جدا فحبييت اخذ رايكم فى مشكلتى
انا اولادى فى مدرسه دلتا العالميه بالرياض هم الان بالصف 2 ابتدائى يعنى دى ثالث سنه لى بالمدرسه و الصراحه على الرغم من ان المدرسه تعتبر مافيها اى انشطه ابدا للطلاب و الفصول كئيبه لكنى استمريت فيها بسبب واحد و هو ان الحمد الله ربنا كان بيرزقنى فيها بمدرسات اسيويات عندهم ضمير فوق الوصف من التعامل مع الاولاد للشرح و على الرغم من ان الدراسه فيها متعبه جدا فهم من كى جى و هم يطلبون منهم كتابه مواضيع و املاء ومثل هذه الاشياء لكن الصراحه كانوا بيبذلوا معاهم مجهود
لكن السنه دى واسفااااااااااه حدثوا و لا حرج عن المدرسات و الاداره التى لاتحرك ساكن مع الاولاد اللى عندهم عنف غير طبيعى لدرجه ان اولادى اتعقدوا و كل يوم يجوا من المدرسه مضروبين من الاولاد الاخرين و لا كان فى مشرفات المهم قررت انى انقلهم مدرسه تانيه و عايزه خبراتكم نفسى فى مدرسه
1- تربى و تعلم مش تعلم بس
2- مدرسه بها نشاطات
3- يكون التدريس بطريقه شيقه ومفيش حجم الواجبات المهول اللى كان فى الدلتا علشان الولد يكون عنده وقت فى البيت انه يمارس نشاطات اجتماعيه و يمارس طفولته مش تكون كل حياته مذاكره وبس
4- يكون المدرسين اجانب مش هنود علشان عايزه احسن اللكنه عندهم
ارجوكم اللى تقدر تفيدنى تكتب لى اسم المدرسه و عنوانها او تليفونها و لو تعرف مصاريفها
انا عارفه انى طولت عليكم لكن معلش استحملونى و عشمى فيكم كبير بعد ربنا

معقوله يا جماعه و لا رد واحد ايه الحكايه

ايه الحكايه اللى اعرفه انكم ما شاء الله ردودكم سريعه و صابه ايه اللى حصل و لا رد واحد باكلم نفسى

السلام عليكم
رغم ان ما اعرفش حل لمشكلتك بس قلت ارد عليكي
انا برضه بالرياض و بنتي في مدرسة تعتبر من اسوأ الدارس و لكنها في الكي جي كويسة و مستحملاها لقربها مني لحد ما البنت تكبر شوية و اقدر اقدم لها في مدرسة احسن
بنتي في قمم الحياة اكيد تسمعي عنها
بس انتي عقدتيني لاني كنت ناوية لو كملت هنا في السعودية اني ادخلها الدلتا بس كده شكلي هادور على حاجة تانية
بس انا كنت اسمع ان في مدرسة في العليا تعليم بريطاني و مدرسينها اجانب و بيهتموا بالانشطة كويس اوي لكنها غالية اوي فوق ال 12000 في السنة و انا ما اعرفش اسمها ايه
كان نفسي اساعدك ربنا يوفقك

اه صحيح ممكن مافيش حد بيرد لان اغلب الناس اللي هنا في مصر و بيتكلموا عن مدارس مصر فممكن مافيش حد عنده تجربة هنا

انا كمان معرفش عن مدارس كتير
بس انا ابني في الكي جي في مدرسه قمم الحياه زي بنت رودي ولحد دلوقت شايفه المدرسه كويسه
الحمد لله ابني تمام لحد دلوقت لسه علي اخر السنه هاشوف ان كان هايكمل معاهم ولا هانقل مدرسه تانيه

على فكرة يا سمر ممكن تكملي فيها السنة الجاية برضه لآن قمم الحياة كويسة جدا في الكي جي 1 و 2 بس انا اسمع انها في ال grades مش اد كده
ده غير انهم بيحسنوا في مناهجها يعن السنة د في كي جي 1 مثلا منزلين الphonix من الترم الاول السنة اللي فاتت كانت ف الترم التاني، و ف كي جي 2 برضه حسنوا حاجات كتير

ربنا يسهل و يعينا على المدارس و وجع القلب