السلام عليكم

الله يعافيكم انا استعرت هاليوزر ابي اسئلكم

انا طالبة منازل متزوجه وعندي امي مريضه الله يشفيها يارب وصعبه علي اكمل انتظام

فكملت منازل ثالث ثانوي وابتلشت بموضوع الخروج

لان زوجي صعبه عليه يستاذن ماعنده رصيد فيادوب يوديني ويرجع لامي ساعه ويرجع ياخذني ويروح دوامه

والمدرسه اللي انا فيها سئلت حارس المدرسه قال مواعيد الخروج محدده 12 ونص او 10 او 11 ,, مستحيل اخلي امي كل هالفترة لحالها ولا عندي خدامه ولا عندي اقارب

السنه اللي فاتت راحت علي عشان هالسبب يالله طلعوني وطقاق مع رجلي ليه اني خليته عند امي ومشاكل مايعلم بها الله

ومن بكرا الاحد مارحت

وش اسوي تكفون مستقبلي سنه ورا سنه اشوفه يروح من قدامي ويائسه وربي كل اللي كبري ماشاء الله هالحين على وجه تخرج من الجامعه وانا توني لازقه في ثالث ثانوي والسبه هالنظام اللي مدري وشلون جاي انا اخلص اختباري 8 ونص ليه اجلس الى 11 في الساحه ؟


تكفون علموني وش اسوي وكيف اكلم المديره

علما ان مثل ماقلت لكم زوجي اللي يجي ياخذني ومعه بطاقة العائله وكلش

حياك الله اختي
ان شاء الله بنات يفيدوك
ربنا يوفقك يارب

::
وعليكم السلام ورحمة الله وبركاته

حياك الله أختي
نتمنى تسجلي بمعرف خاص لك إن أمكن

أولا:
أسأل ربي يكتب أجرك ويوفقك ويفتح عليك
وأسأله تعالى أن يشفي والدتك ويجمع لها بين الأجر والعافية

ثانيا:
مشكلتك سهلة ويسيرة بحول ربي
لا تيأسي واجعلي ثقتك بالله كبيرة وتذكري دوما أن قيوم السماوات والأرض لايعجزه حل مشكلتك
فما عليك إلا طرق بابه وطلب الهداية منه للحل المثل

ثالثا:
اطلبي من زوجك يكتب خطاب رسمي للمديرة يشرح به ظروفك ويوقع عليه مع صورة بطاقة العائلة ولو أمكن تقرير لمرض الوالدة شفاها الله
ولاأظن أن المديرة تمانع أبدا لأن لك ظروف خاصة
وممكن تعطيك بطاقة أو تصريح تسلمينها كل يوم للحارس

أسأل ربي ييسر عليك ويفتح أبواب رزقه لك
::