ايش رايكم نفتح موضوع عن الاناقه بس في التقديم للضيوف من مناسبات افراح او نفاس والحركات الحلوه الي تسويها كل وحده مننا او شفتوها عند احد من الشوكولا الى الصياني الى الكاسات والمحلات الحلوه الي توفر هاالاشياء اتمنى انى اشوف تفاعل علشان ماينحذف الموضوع وانا عندي كم حركه حلوه اذا اعجبكم الموضوع قلت لكم اياها واتمنى من المشرفه ان الموضوع ماينحذف واذا مو هذا مكانه تقول لي وين اكتبه فيه خلونا نشوف ردودكم 88888888888888

هلا شموس و اقمار
و الله فكرتك حلوة و جميلة ياريت الكل يتفاعل و يشارك
لكن راح اقول لك يستحسن تكون البداية من عندك عشان يكون جو حماسي
يلا ورينا شنو في جعبتك..
بانتظااارك..

اهلين لجين الافكار الى عندي ماادري اذا هي جديده او قديمه اولا الصياني الدارج الى الان البراويز والخدا ديات والحلو انك انت الى تسوينها علشان تبدعين فيها بالكرستالات والاكسسوار وبيكون اوفر لك اما الشوكلاته فالثلاثين طبي وتخيري عندك جوي قمه في الترتيب وسو ودونيه الي في العروبه اما الشاي مافيه اشياء جديده غير البساكيت الملونه الاخضر والبني واذا نفاس عادي تجلس لها شهر ماتخرب والكاسات جيبي لك قماش اورقنزا بس يكون راقي اوقماش تل ذهبي او فضي ويقص بحجم مناديل السفره ويثبت على عمود الكاس بشريطه او ورده مجففه ومثبته بسيم وبيكون شكلها رووووعه نجي للعصيرات ضعي قطرات من الفيمتو في الكاس وصبي عليه عصير منجا اوبرتقال وشوفي التمويجه الحلوه بس انا عندي مشكله في وضع المزازات الى هي المصاصات ابغى اشكال غريبه وين احصلها فيه ونسيت اقول لكم عن السكر الاشكال الي تمخول عند محلات الحلويات مثل سعد الدين ومارينون بس غاااليه شوي بس اذا ماانتي بكليفه في هاالامور شوفي حلويات الحمود عنده مجموعه بس مهيب مثل سعد الدين في الاناقه وانت وذوقك انا اهتم بهذي الاشيا كثير واتمنى الى عندها اي معلومه ذووووق ماتبخل علينا فيها مع العلم اني لاحامل ولا شي بس حبيت افيدكم بالي عندي وباقي الافكار انشا الله من عندكم وبعد عندي كم من فكره عن الطاولات و مفرشها بس الين اشوف تجاوبكم معي وعطوني همتكمممممممممممم تحياتي للجميع وخاصه لجين ............... .........

هلا وغلا شموس وأقمار...

حياكِ الله معانا..

ومين قال لك يا عسل أن الموضوع ينحذف...

لافيه مخالفة ولا تعدي على القوانين ... فما ينحذف يا عسل..

ومع روعة فكرة الموضوع إلا أنك اسمحي لي بنقله للمكان الذي أعتقد أنه أنسب من هنا..

وحياكِ الله عندنا يا عسل في أي وقت..

موضوع ممتاز، ربما يصبح ملفاً لتجميع الأفكار.
عادة في الأعراس أو الولادات يتم توزيع ضيافات للمعازيم وهم مغادرون.
أجمع هذه الضيافات (مثل مطبقيات) وأضعها في خزانة خاصة، وممنوع تؤكل
أصبح لدي كمية كبيرة منها، وكلها أتركها كفكرة للمستقبل، من يدري!
وهي أفكار بسيطة، مثلاً للمواليد منها: حبة شوكولا ملفوفة بشريط ساتان وبالصمغ ملصق لعبة صغيرة مثل عربة، أو لهاية... بسيطة جداً جداً وغير مكلفة.
أو مصحف صغيرة حوالي 3 سم، ملفوفة بشريط ساتان، وملصق على الشريط وردة وخرز..

وفي عرس، تم ضيافة وردة بلاستك وفي وسطها حبة شوكولا، والأوراق الخضراء استبدلت بحبوب ملبس على شكل ورقة.


هذه أفكار بسيطة جداً وغير مكلفة وممتعة في العمل بنفس الوقت.

شكرا على تفاعلك واتمنى المزيد من البنات لاستمراريه الموضوع ومااحد جاوبني عن اشكال المزازات الغريبه احصلها فين////////////////

lojain
افكارك حلوه


بس ياترى الباقين وين افكارهم ///