هلا خواتي000000
ياليت كل وحدة تكتب برنامجها اليومي او الاسبوعي في تنظيف البشرة والجسم0000

سواء خلطات هي تسويها أو كريمات جاهزة او مقشرات استخدمتها وانتفعت منها

اقنعة مستمرة عليها00استفادت منها

انتو عارفين انا احنا اجازة وقربت تنتهي يعني اكيد فيها جربنا على انفسنا كل شي قريناه

خلطات شعر يعني تكونين في هذي الاجازة اعتنيتي بشعرك بزيوت

وطلبي منكم بس البرنامج يكون دقيق شويه مو صف اقنعة وكريمات وبس0

يعني كل وحدة لها سرها وطريقتها 00
بالتفصييييييييل الممل لو سمحتو
ولي طلب بعد لايحيد الموضوع عن مساره 00يعني وحدة من تكتب طريقة علقنا عليها أسئلة لين تمل عشان كذا انا اقول البرنامج بالتفصيل 0
ومعليش ممكن وانت في هذي الاجازة ماسويتي برنامج بس اكيد في يوم قلت اطبق من المنتدى بنفسي واشوف ايش يصير00

على فكرة عندي بالاجاززة هذي تجاارب للللللليييييييييييييييييييييييقبل0
بس انتظر مشاركاتكم وبعدين اكتب لكم اللي سويته

وعشان اشوقكم0
استخدمت خلطات طبيعية كويتية للشعر والجسم بالاعشاب والعسل0
استخدمت خلطات وزيوت لكل شي بجسمي وشعري و و و و و 0
بس انتظركم

فكرتك حلوه يالريم وبالمره كل وحده تستفيد من تجارب اختها ...
بالنسبه للخلطات فأختك كسوله وماتحب تسوي خلطات لا للجسم ولا للوجه ...
وبرنامجى اليومى عادى جدا كل يوم اغسل وجهى مرتين بالجل المنظف وامسح بعده بالتونيك ..
واعمل مرتين للبشره تقشير ومن بعده قناع وكل اسبوع اسوي مره حمام مغربي ....ومرتين بالأسبوع ازيت شعري او اعمل حمام زيت ....وبس ..

اما انا جربت قناع النشا وما الورد ..

وطبعا لازم اللمسات الشخصية ..

اضفت اليه خميرة فورية ..ليمون .. خل .. وبس .

وبديت استعمله كل يومين ثلاثة .

لكن برامج ... لا والله ... لاني فوضوية بطبعي وما احب التزم بشي

اما الشعر فاستعملت خلطة غادة الغيد للزيوت ..

وبصراحة نعمت شعري .. بس التساقط على حاله .

تسمعين يا غادة التساقط ما وقف ...

شكرا ..

انا بشكل عام أحط قناع مكون من الروب لوحده أو مع اشياء ثانية (ليمون-حليب بودرة-ماء ورد) كل يومين .. ومستفيده منه الحمدلله .. يفتح البشرة ويصفيها ..
يوميا أنظف بشرتي إما بالاسكينول (الابيض) أو غسول فيتامين هـ (من بودي شوب) والاثنين روعة في النتظيف والغسول ميزته انه ما يجفف البشرة .. بعد التنظيف عادة أحط ماء ورد عشان المسامات .. بس حاليا ومن فترة اسبوع تقريبا أحط ماء البقدونس مع ماء الورد ..الطريقة: اسلق اوراق البقدونس (نص حزمة) مع كوبين ماء بعدين اضيف ملعقة كبيرة ماء ورد .. واحطهم في الثلاجة والاستخدام يكون بعد ما انظف وجهي او كل ما غسلت وجهي للوضوء أو في ا وقت مو مشكلة .. الحمدلله مرتاحة منه واحس خفف البثور ويرطب البشرة .. وهاي الخلطة من احدى اخوات في المنتدى ...
هذا بالنسبة للبشرة واذا كنت بطلع من البيت احط الواقي .. استخدم اويل اوف يولاي (كريم النهار)..
جربت خلطة الحليب المركز مع الليمون يمكن ثلاث مرات ووقفت .. (كسل) .. بس الظاهر ان الخلطة حلوة مع الاستمرار ..
شعري بديت هالصيف اعتني فيه الحمدلله ... أزيته كل ثلاثة ايام واخلي الزيت فيه .. وكل ثلاثة ايام اسوي حمام زيت .. بالنسبة للزيوت أخلط زيت الخروع+جوز الهند (باراشوت)+اللوز .. أما حمامات الزيت فحسب المزاج أحيانا الجاهز (حمام كريم الافوكادو للشعر الجاف من أويس) .. أو اخلط صفار بيض مع زيت مع مايونيز وروب .. أو روب ومايونيز لوحدهم ..
وبديت تقريبا من شهر آخذ حبوب الخميرة .. وأحس الحمدلله بتحسن في البشرة من ناحية الصفاء أما الشعر فالى الحين ما حسيت بالفرق ..
هذا كل اللي عندي .. ومشكورة على الموضوع المفيد ..

موضوعك حلو بس زي ماقالت ساره انها كسوله انا اكسل منها نادرا اذا حطيت قناع ونادرا اذا زيت شعري واسوي حمام زيت في السنه حسنه خخخخ لا قصدي في الشهر مره ويكون قبله بيوم حنا عشان مره وحده اضرب عصفورين بحجر هذا من الكسل خخخ

حياكم الله 000000
ماتوقعت منك يامشرفة ركن الجمال تقولين عن نفسك كسولة000
VIP
مرايم
اروما
شكراً لمشاركتكم00
بنتظر ما راح اكتب برنامجي 00لأن اللي دخلو عددهم 52 واللي جاوبو 4 ،معقولة الباقي كلهم زوار0

أما عني فأنا نظامي كالآتي:
صباحاً ومساءً: تنظيف بالمنظف المرطب بعده التونيك وفي الصباح كريم يشد البشرة ويصفيها وفيه مضاد للشمس. وفي المساء نفس أول خطوتين وبعدين كريم مرطب وشاد للبشرة ويجعلها صافية لكن طبعاً من غير مضاد للشمس.
ومرة بالأسبوع أعمل قناع بينظف أي شوائب عالقة. وكل يومين بعمل scrub للوجه... بس الجسم المسكين مش لاقي غير الاستحمام.