انا عضوة جديدة و عندي طلب لأهل الإمارات....شو استعدادتكم للعيد؟
شو المحلات جيدة اللي تبيع اكسسوارات و أزياء هندية في دولة الإمارات؟ تعرفون محلات خياطة جيدة ؟

مرحبا بالاخت ام سهيل والله يالغاليه بعدنا ما استعدينا لكن اذا تبغين الاشياء الزينه والرخيصه بتلقينها في مكان واحد وهو السوق الجديم في الشارقه عندهم اشياء حلوه وينزلون الجديد دايما
اذا بتشترين القماش وبتخورين مكان واحد والاكسوارات الحلوه وقمصان النوم واشياء كثيره
بس ما قلتيلنا انتي من وين واذا تبغين من دبي بعد بنخبرج وتحياتي الخاصه بااااااااااااااااي

سؤال غبي نوعاً ما أي عيد تقصدون ؟؟!!

شارع الفهيدي في دبي.. اسئلي عن سوق (مينا بازار).. هناك بتحصلين كل الازياء الهندية و اكسسواراتها

عيد الفطر يا أسيرة .. ترا والله أحسن شي تسويه أم سهيل أنها تتجهز من الحين .. ونخلي رمضان للعبادة ... وبلاها دوشة الاسواق والروحات والجيات في آخر الوقت ..

هلا ام سهيل،،،،والله حتى انا اذا بغيت اجهز للعيد اجهز قبل شهر،،
لانه في رمضان يرفعون الاسعار،،وما تكون عندهم بضاعة زينه،،،ويطلعون الجديم اللي عندهم
عشان يفتكون منه،،،،

واذا كنتي من الشارجه،،انصحج بالسوق الجديم اذا بغيتي،،اقمشة او عبايات(الاميري))


،وعندج بعد ملابس النوم والاحذيه الزينه،،وحتى تنانيرهم واااااايد حلوة وكله موديلات جديده،،واسعارهم رخيصة
يعني احسن ملييون مرة من المراكز،،مثل الميغا مول او السيتي،،،هالمراكز كله يجيبون اشيا غااااالية،،يعني تلاقين التنورة الوحدة ب200 درهم،،وموديلاتهم ما تصلح إلا حق الاجانب

وفي بعد سبلاش،،في شارح الوحدة ،،انا امس رحت له وحصلت موديلات تخبل،،خصوصا الجينز
وااايد روعة،،واكسسوارات سبلاش،،لا يعلى عليها،،،


وبالنسبة للاحذية،،انا مرات اروح شو مارت،،بس مو دايما يجيبون اشيا زينة





واذا كنتي من الشارجه،،وتبين محلات خياطة،،قولي لي،،







باااااااااااااي

املي خفي على الادمية ماقالت شيء يزعل بس انت الضاهر رديتي اول ماقرايتي
بس تراك ما قريتي زين هي تقصد السؤال الغبي منها هيي

وهذه نوع من المشاركات ذات الطابع المرح

اقول هناك 3 اسواق جنب بعض
البدو... 2محمود سعيد...03 الجزيرة
وش رايك